L2ma.com | لقمة طيبة | L2ma.com | لقمة طيبة | كبة على السيخ | الكبة, · , على, حتى, صغيرة | L2ma.com

القائمة الرئيسية

الأكثر تصفحاً

كبة على السيخ

الكاتب/ منى

12/09/2007

كبة على السيخ وصفة سهلة كتير و طيبة كتير كتير و نجاحها مضمون ان شاء الله ..

لما بكن مشتهية على كبة و مو جاي على بالي تعبها بحضر هل الوصفة بس من دون شوي على الفحم و بحضر معها المحمرة و بتصير عندي اطيب ليمة

بالصحة و الهنا

كيلو لحمة غنم مفرومة
2 كوب برغل ناعم جداَ ( برغل التبولة أو البرغل السميسمي )
بصلة متوسطة
ملعقة صغيرة نعناع
1 – 2 ملعقة صغيرة فليلفة حمراء ناعمة
نصف ملعقة صغيرة بهار مشكل
ملح
قطعة صغيرة من الشحمة أو الدهنة
2 – 3 ملعقة كبيرة صنوبر
ملعقة كبيرة سمنة بلدية أو عادية ( اختياري )
direction

·          يغسل البرغل و ينقع مع البصل و القليل من الملح بالقليل من الماء البارد مدة 10 إلى 15 دقيقة ثم يصفى من الماء الزائد .

·          يفرم البرغل ابماكينة فرم اللحمة ثلاث مرات مع البصلة ثم يوضع مع اللحمة المفرومة و الشحمة أو الدهنة و البهارات في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

·          تدعك الكبة لمدة 10 دقائق و يضاف القليل من الماء إذا دعت الحاجة حتى الحصول على عجينة رطبة و طرية و متماسكة , يضاف الصنوبر و تدعك مجدداً حتى يمتزج الصنوبر مع الكبة , أصبحت الكبة جاهزة .

·          تقسم الكبة إلى كرات كبيرة نوعا ما ثم تشك في أسياخ الشوي و تشوى على الفحم و تقلب حتى تنضج الكبة من جميع الأطراف .

تشك الكرات في أسياخ الشوي ثم تشوى على الفحم أو ترتب في صينية مدهونة بالسمنة و تخبز

·          تذوب السمنة على نار متوسطة ثم تقلب فيها كرات الكبة حتى تبللها من جميع الأطراف , هذه الخطوة تضيف المزيد من النكهة للكبة و هي خطوة اختياري .

·          تقدم فوراً مع السلطات أو اللبن العيران و المخللات .

أفكار و تنويعات :

·          يمكن شوي الكبة بالفرن , تقسم عجينة الكبة إلى كرات و تشك كل كرة من الكبة بأسياخ الشوي لعمل فتحة في قلب كل كرة فيسهل نضجها ثم ترتب في صينية فرن مدهونة بالسمنة و تخبز في الفرن حتى تنضج مع تسقيتها بين فترة و أخرى بالسمنة حتى لا ينشف الوجه .

·          يمكن أن تقدم الكبة بطريقة جميلة , تفرم حبتان أو ثلاثة من الفيلفة الحمراء لعيدان ثم تقلى بالقليل من الزيت حتى تنضج قليلاً من دون أن تطرى ثم يضاف جوز مفروم و يقلب الكل لبضع دقائق اضافية , يرتب مزيج الفليلفة في طبق التقديم ثم تصف فوقه الكبة و تقدم .

أضافة إلى المفضلة (4) |

أقتباس | مشاهدات : 8092

تعليقات (16)

1 الكاتب nidaa84, on 02-10-2007 21:24
والله الله يسلم ايديك انشالله انا بكرا بدى اعملها بس بدى اشويها بالفرن بدى اسالك بحسن احط الشحمة مع الكبة وادهكهم مع بعض والشحمة اطيب ولا الدهنه شو بتنصحينى لانه بده يجى لعندى جماعة حلبيه وبدى ابيض وجه والف شكر

2 الكاتب منى, on 02-10-2007 21:54
هلا نداء

اكيد اختي فيك تحطي معهم شحمة حتى لو رح تشويهم بالفرن ..

أنا ما بحط معها لحتى تطلع اخف

الشحمة رح تطلع أطيب من الدهنة

و ان شاء الله رح يبيض وجهك و خصوصا اذا عملتي معها المحمرة

3 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 03-10-2007 14:01
الله يسلم هالديات
بتشهي القلب و الله أنا مغرمة بها الأكلة بس بيني و بينك ألذ شي أنها تنشوى عالفحم النكهة بتطلع فظيعة و أنا لما بنسفها بسلي دهنة و بنسفها فيها بعرف أنها دسمة و بترفع الضغط و الكليسترول و بتسمن و كل البلاوي هاي بس مو بايدي بحب الأكل الدسم و عالطريقة القديمة :roll

4 الكاتب منى, on 21-12-2007 06:23
و الله باينتك حلبية يا رينو

هي الدهنة المسلية شغل حلب

و كلامك مضبوط , أطيب الشي انها تنشوى على الفحم , بس أنا ما بقدر نسفها بالدهنة ..
و الا بعدها ما بقدر اكلها و انا مغرمة فيها :roll

5 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 18-12-2007 04:49
عندي سؤال ومستحية منه :roll

،بس بعرف قلبك كبير ورح تتحمليني

.
شو الفرق بين الشحمة والدهنة؟

يعني ممكن ضيف للكبة المشوية دهنة،ولا هي غير هديك؟

آسفة حبيبتي عم كتر غلبة،بس صدقا بعتبرك أختي الكبيرة

،(للعلم ما عندي غير أخت وحدة صغيرة بعيدة عني :cry

).

في أمان الله.

6 الكاتب منى, on 18-12-2007 18:48
هلا فيك يا عسل

..

بليز ايمان لا بقى تحكي هيك , اي سؤال انت بتامري امر...

حبيبتي الشحمة هي عبارة عن المادة الي بتغلف قلب و رئة الخاروف , اكيد رح يعرفها اللحام لو طلبتيها منو ..
و احيانا بيسموها الشبكة

أما الدهنة فهو باقي الدهن الموجود في جسم الغنم و الشحمة ما فيك تستبدليها بالدهنة , غير شي و غير طعم..

خلص من هلأ انت اختي الانترنتية الصغيرة شو رايك

اي خدمة من عيوني و الله يرجعك لاهل بخير و سلام يا رب

7 الكاتب Eman, on 20-12-2007 02:57
أختي العزيزة مني

يسلمو كتير على قلبك الكبير.

الله يخليلي اباك حبيبتي

8 الكاتب منى, on 21-12-2007 05:58
و انت يا عسل و لا أنحرم من هل الطلة الحلوة

9 الكاتب na3oom, on 02-09-2009 06:33
شهيتيني عليها
أسئلة من بعد إذنك
هل اللحمة هبرة ومفرومة عادي وبكون فيها دهنة
وهل ممكن نطحن اللحمة مع البرغل على الماكينة وإذا بصير شو الفرق من العجن بلإيد أو الماكينة
وشكرا كتير لهل الموقع اللي صار دليلي
(جنيت امبارح لطالع الوصفات بعد ما وقف بس الأخير لقيت طريقة اليوم الحمد لله اشتغل الموقع تمام
سلام
نعوم

10 الكاتب na3oom, on 15-12-2009 00:12
كيفك منوش
والله اشتقنالك من زمان ما حطيتي شي وصفة والكبة الحميس أول مرة بسمع فيها
المهم من رمضان حطيت كم سؤال على الكبة هون ويمكن ما شفتيهم إن شاء الله تفضي وتجاوبيني عليهم الله يعطيك العافية
كيف بردات حلب هالكم يوم

11 الكاتب منى, on 15-12-2009 07:11
مشان الله لا تزعلي مني , ايه ضعت :roll

صار كم يوم مروا بووووظ رسمي , يعني مطر الحمد لله رب العالمين ما عم يهدى و الدنيا نقف على قولة اخي :grin

اللحمة مو هبرة , هي لحمة الكباب العادية الي نستعملها للطبخ , انا مو مجربة أفرم اللحمة لان هي اصلا مفرومة , بقى هي ما رح ااقدر فيدك فيها

الف صحة و هنا على كل الوصفات الي جربتيها و كلك زووء عى هل الرد الحلو

12 الكاتب محبةالمصطفى ملك, on 12-05-2010 01:12
منى حبابة لا تزعلي لأني عبكتر أسئلة مو :roll

هلأ هي نفس الكبة القصيبية و لا لأ؟
و اذا شويتها بالفرن بتطلع طيبة؟؟؟؟؟

13 الكاتب منى, on 12-05-2010 07:31
نفسها

اذا شويتيها في الفرن بتطلع طيبة بس مو متل تبعة شوي الفحم

14 الكاتب محبةالمصطفى ملك, on 12-05-2010 13:50
يسلموووووووووووووووووووووووو

15 الكاتب منى, on 12-05-2010 19:16

16 الكاتب محبةالمصطفى ملك, on 24-05-2010 00:47
منوووووش أنا ما عندي سيااخ الشوي بشو أثقب الكبة؟؟؟

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 12/05/2010 )

< السابق		التالى >

[ عودة ]