L2ma.com | لقمة طيبة | L2ma.com | لقمة طيبة | بيتي فور | فور, البيتي, حتى, ممكن, · | L2ma.com

القائمة الرئيسية

الأكثر تصفحاً

بيتي فور

الكاتب/ ام نور

11/09/2007

شو رأيكن أخواتي بوصفة البيتي فور جربوها و ادعولي عجبنة سهلة و طيبة مكوناتها

لكل كيلو طحين نصف كيلو زبدة طرية نتركها حتى تذوب لحالها بفعل حرارة المنزل (beurre moux) نسميها بالفرنسي وكل ما كان نوع الزبدة فاخر كل ما طلع البيتي فور أطيب.
2 كوب سكر ناعم بودرة
ثلاث بيضات
ظرفان فانيليا
direction

·          يخفق البيض جيدا مع الفانيليا .

·          يضاف السكر الناعم و يخفق الكل جيداً .

·          تضاف الزبدة الرخوة و تخفق جيدا حتى الحصول على خليط متجانس.

·          و في الأخير يضاف الطحين إلى الخليط و يقلب الكل جيداً , ثم تترك العجينة ترتاح ساعتين .
بعدها بواسطة قالب خاص بالبيتي فور ممكن نصنع أشكال مختلفة .

·          و بواسطة العجينة نفسها ممكن إضافة الكاكاو البودرة أو صبغة غذائية حسب نوع البيتي فور الذي نرغب فيه لتحضير ألوان و نكهات مميزة و ممكن إضافة زبيب أو لوز وهكذا من عجينة واحدة نصنع أشكال مختلفة .

·          يخبز البيتي فور في فرن محمى على درجة حرارة 180 درجة مئوية حتى ينضج .

ألف صحتين

أضافة إلى المفضلة (2) |

أقتباس | مشاهدات : 5447

تعليقات (17)

1 الكاتب منى, on 12-09-2007 11:01
بتاخد العقل ام نور

طريقة جديدة , بس مبين عليها تحفة

هلا انا لما بعمل البيتي فور بخلط المواد مع بعضها من دون خفق ..
بس هل الطريقة شكلها اطيب :eek

كلك زووء ام نور و الله لا يحرمني من هل الطلة الحلوة

2 الكاتب رنا, on 28-02-2009 14:06
بدي جرب هالبيتي فور شو بتنصحيني ؟؟؟انا بعمل البيتي فور بس باغلب الاوقات بيغلبني لانه بيطلع مو كتير طري ...يعني قاسي شوي ...وكمان بالفرن مابعرف شو اعمل بحطه عالرف المتوسط وبخبزه من فوق ومن تحت ...احيانا بيتقمر واذا قمته قبل بيبين مو مستوي :grin

شو عندك نصائح للبيتيفور

3 الكاتب منى, on 01-03-2009 10:12
هلا رنونة

لازم تخبزيه على الرف الوسط و من دون ما تشعليه من فوق , بباخد من 8 إلى 12 دقيقة و بعد ما تحسي ان قفاه استوى شعليه من فوق بس كم دقيقة و بيطلع خيلة

4 الكاتب رنا, on 21-04-2009 14:21
رح جرب هالبيتيفور بس بدي اسأل هلأ اذا رح اعمل نص كيلو طحين يعني كيف بدي اقسم كمية البيض يلي هي 3 ؟؟؟والف شكررر

5 الكاتب منى, on 21-04-2009 19:31
ممكن تستعملي تنتين صغار أو واحدة كبيرة

و فيك تقسمي المقدار على تلاتة و هيك أضمن , يعني تستعملي 335 غ طحين مع 165 غ زبدة و تلتن كوب سكر بودرة

6 الكاتب رنا, on 22-04-2009 13:08
الف شكر منى دائما بلاقيكي باللحظات الحرجة :grin

7 الكاتب منى, on 23-04-2009 07:39
و لو بدنا شي محرز

8 الكاتب رنا, on 10-06-2009 21:39
منى بدي اسْئلك هلأ اذا بدي اعمل البيتفور لونين ابيض واسود لازم انقص عيار الطحين يعني اعجن كل واحد لحاله ؟؟؟جاية على بالي جرب هالطريقة من البيتفور وكل يوم بأجلها :grin

لانه بيطلعلي سؤال

9 الكاتب منى, on 11-06-2009 13:32
هلا رنونة

بعد ما تجهزي العجينة تقسميها نصفين , لاول نصف تضيفي ملعقة كاكاو او اكتر لحتى يظبط اللون و التاني بتتركيه سادة
بتعرفي عندي وصفة الها نفس الفكرة و مصورتها من اكتر من 4 شهور , ان شاء الله يصحلي نزلها لحتى الكل يستفاد

10 الكاتب رنا, on 11-06-2009 13:47
الله يسلم هالانامل يامنونة خلص وضحت الفكرة :grin

وياريت تنزلي وصفتك المصورة لانه صاير مخي سميك شوي :grin

11 الكاتب رنا, on 13-06-2009 21:27
اليوم طقت مية الراس متل مابيقولوا وساويت هالبتي فور
بصراحة طعمته كتير طيبة ولذيذ بس يلي كنت متمنيته طعمة انعم لقطع البيتفور يعني كان بدي ياه يدوب بالتم متل بتي فور المحلات بس انا طلع معي متل البسكوت يعني قاسي نوعا ما ..ياترى في خطأ بالتطبيق
بس الطعمة عن جد لا يعلى عليها

12 الكاتب منى, on 14-06-2009 11:00
هلا رنونة

و الله انا مو مجربة هل البيتيفور لجاوبك , بس على كل الحوال الي قلتي عليه كمان بتصير معي بوصفتي , و ما بيطلع معي ناعم و متل ما بدي :roll

13 الكاتب رنا, on 14-06-2009 13:45
مممممم عن جد صار عندي تحدي بوصفة البيتي فور وماعم بقدر اعتمد ولا وصفة مشان قصة القساوة ..حتى مبارح بعد ماداقه زوجي قلي كتير طيب بس قاسي :zzz

يلا الله يجمعنا بوصفة بتي فور على مزاجنا تكون بتهرت هرت

14 الكاتب rose84, on 19-09-2009 17:06
وصفة رااااااااااائعة ان شاء الله راح اجربها :grin

15 شي رائع
الكاتب لولين, on 06-12-2009 09:14
يمكن فينا نعوض عن الزبدة بالسمنة وهيك بتتطلع مثل الغريبة هشة وطرية
بس اللي عنكم طلب اذا ممكن شي طريقة البرازق
وكثير مشكورين على تعبكم وتحياتي الك يا منى

16 الكاتب منى, on 06-12-2009 10:48
هلا فيك لولين

ان شاء الله بنزل الوصفة اذا ربنا راد

نورتي اختي

17 الكاتب ريتات, on 14-10-2010 07:55
اكلة سهلة ومريحة شكرا الك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 21/04/2009 )

< السابق		التالى >

[ عودة ]