قشطة مطبوخة , فكرة ممكن يستفيدوا منها الأخوة المغتربيين من لا يجد القشطة الطازجة التي نستخدمها لاعداد حلوياتنا متل الكنافة و القطايف و الشعيبيات و غيره و غيراته ..

الطعم أكيد مختلف و لكن بيحل محل القشطة البلدية

بالصحة و الهنا

4 كوب حليب
4 ملعقة كبيرة سكر
علبة قشطة نستلة أو بوك
5 ملعقة كبيرة دقيق الذرة ( كورن فلاور ) أو 3 ملعقة كبيرة كورن فلاور مع 2 ملعقة كبيرة سميد
ملعقة كبيرة ماء الزهر
ملعقة صغيرة ماء الورد ( اختياري )

تعليقات (18)

2  الكاتب منى, on 18-05-2008 17:48 هلا ايمان     بالاول كتير انبسطت ان مشي الحال , و اسفة لكل المشاكل الي صارت معك لحتى قدرت تفوتي للموقع , كان من عيوني ايمان , بس انت فهمت غلط , مو أنا الي والدي اله خبرة بالحلويات , هي الاخت أم نور الله يخليلها اياه     شوفي ايمان في اشياء ممكن نزل وصفاتها متل الفواكهة المجففة و اشيا بسيطة , بس المن و السلوى صعبة , ما بعرف اعملها     وعد مني ايمان اذا قدرت حصل طرق لهل الوصفات الي طلبتيها رح جرب و نزلهم , و هلا بعتت رسالة للاخت ام نور , ان شاء الله تقراها و يكون عندها الوقت لافادتك و افادتي كمان       و بانتظار وصفاتك الي خبرتيني عنها أمولة

4  الكاتب منى, on 19-05-2008 07:20 و لا يهمك ايمان , انت قرأت هل الشي على الموقع هون لان الاخت ام نور ذكرت ان والدها معلم حلويات بشي وصفة من الوصفات الي علمتني اياها     بتعرفي ايمان اول ما اتجوزت لما اجي لاطبخ طبخة أسال امي و بعدها حماتي و بعدها عمتي و بعدها جارتي الي نفسها طيب وبعدها جرب الطريقة الي احسها اطيب الشي, انا روح قلبي اتعلم و مين ما بعرف ان عندي وصفة بساله من دون تردد أو خجل بس المشكلة ان قليل الي بيعطيكي و منهم اذا عطوا بيعطوا غلط , و حتى هل القصة منتشرة بين ستات البيوت , بتلاقي واحدة عندها وصفات لذيذة بس ما بتقول طريقتها لحتى تبقى مميزة بطبخاتها     و حتى من أصحاب محلات البهارات الاول عطاني وصفته من دون سؤال و عن طيب خاطر و التاني إلي عطاني وصفة الزعتر لو ما يعرف ان عندي موقع نت و خبره اني رح أحط اسمه ما كان عطاني الوصفة , يعني دعاية و مصلحة بالأخير ..    و غيرهم عطوني وصفات كتيرة , بس لما جربتها كانت مو تمام , متل وصفة السحلب أو بهارات الكاري ..    انا روح قلبي الوصفات التقليلة , مرة جربت الراحة , طلعت طيبة بس مو راحة , طلعت شي بيشبه المارشميلو     عم استنى المن و السلوى على نار , و اذا عندك وصفات تانية انت كريمة و نحنا منستاهل

5  الكاتب ام نور, on 20-05-2008 16:55 السلام عليكم يا اخواتي العزيزات,انا دائما معكون ولا استطيع الاستغناء عن هذا الموقع المفيد ابدا.  انا جاهزة يا اخت ايمان لاي سؤال او اكلة حلويات بتحبي جيب طريقتامن والدي خصوصي له 35 سنة بمجال الحلويات العربية والافرنجية وعنده باتيسري في لبنان ولا يبخل علي بأي سؤال وانشالله بس انزل علبنان ناوية اعمل دورة مكثفة بالمعمل واتعلم تطبيق كتير حلويات مع الاسف كنت شوفو عم يعملون قدامي بس ما كنت اهتم قبل الزواج وما عرفت قيمة لا سافرت وانحرمت من كل الانواع متل الفطائر بجوز وبقشطة وشعيبيات وفي اكلة اسما الملوكية وهي عبارة عن عجينة المعمول ومحشية بالقشطة المطبوخة والمكسرات بداخلا سدقوني اكلة اما المفروكة ما بعرف اذا الاسماء متشابهة بين لبنان وسوريا .ومتل ما تفضلتي وقلتي المسافر كتير بيستحلي شغلات وبيصير يحاول يتعلم ويجرب ايا شي من بلدو ,بالنسبة لا الكلاج عزيزتي من شوي اتصلت وفهمت شو قصتا والبابا اتفاجىء وقلي بنتي لا هون وصلت مواصيلك لا عجينة الكلاج فطلعت العجينة كتير صعبة ومكلفة لان تصنع من زلال البيض ومتوفرة بشكل كبير في لبنان وحتى الدول العربية وهو بيجيبا من المعمل واقترح علي انو ممكن ابقى لما انزل علبنان اخود العجينة خصوصي انها مغلفة جيدا واضعهافي الفريزر ووقت الاستعمال اخرجها قبل ربع ساعة واغطسها بالحليب لانها تكون يابسة واحشيها بسرعة بالقشطة المطبوخة واقليها وفي لبنان بيحشوها بالقشطة البقرية وبيزينوها بالفستق وبياكلوها نية يعني حسب الرغبة انشالله كون قدرت جاوبتك واي سؤال انا بالخدمة

6  الكاتب ام نور, on 20-05-2008 17:00 ماشالله عنك يا منى حتى الراحة جربتيا مع انها صعبة كتير عمي اخو والدي عندو معمل خصوصي لا صنع الراحة والملبن والنوجا وهالشغلات والها مكنة خاصة كنت شوفا بتعمل كل الشغل هو بس بيدخل المقادير ولكن انشالله رح اسال وجيب فكرة عن المقادير زيادة معلومات

7  الكاتب منى, on 20-05-2008 18:59 انا ام نور بحب جرب مزاج , يعني الراحة نفسها ما كتير بحبها بس لما شفت وصفة قلها ما قدرت قاوم الاغراااء     الله يعطيكي العافية ام نور , يا ريت تسجليني مع بالدورة عند البابا , و الله شو حابة اععمل هيك دورة , الله كريم ان شاء الله     شكرا ليك على الرد و الاهتمام

9  الكاتب منى, on 21-05-2008 06:33 المن و السلوى فرد مرة , ممم شكلي متلك امولة صار لازم ادخل على المطبخ , الله يعطيكي العافية يا رب و ان اء الله بس ما تفضلي شوي بتنزلي باقي الوصفات

11  الكاتب منى, on 25-11-2008 06:14 الف هنا دالو , كتير منيح ان الوصفة زبطت معك و سدت حاجة .  ضحكتيني على محل الحلويات اليتيم عوضك على الله .  كمان مرة هنا على كل مرة جربتي فيها القشطة و الف شكر ليك على الكلام الزووء

13  الكاتب منى, on 17-12-2008 06:14 هادا بس من زوءك أختي   تكرمي هلا في طريقة لحلاوة الجبن للأخت هيا رح نزل الوصفة اليوم اذا الله راد

16  الكاتب منى, on 16-09-2010 12:32 هلا رهف   الف صحة و هنا و عافية يا رب على البك و الب كل مين داقها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved