L2ma.com | لقمة طيبة | L2ma.com | لقمة طيبة | كنافة ام النارين | الكنافة, على, حتى, · , اللبة | L2ma.com

القائمة الرئيسية

الأكثر تصفحاً

كنافة ام النارين

الكاتب/ منى

10/09/2007

كنافة بين الناريين

من أشهر الحلويات العربية و إن كانت ذات أصول تركية و تسمى أيضاً كنافة بين النارين أو كنافة عثمنلية و هي نوع مختلف عن الكنافة النابلسية المحشية بالجبنة ..

و أظن أن أصل الاسم تشبيه طبقتي الكنافة بلونها البرتقالي الجميل بلون النار أو لأنها تطبخ بين ناريين عند الحلونجي حتى تنضج و تأخذ هذا اللون الجميل .

و بما أن شهر رمضان الكريم على الابواب , أحببت أن أشاركك بهذه الوصفة الرائعة التي تعلمتها من جدتي ..

تحشى الكنافة باللبة و هو القشطة المصنوعة من الحليب الذي يرضع به الخراف الصغيرة و يتميز بدسامته و فوائده التي لا تعد و لا تحصى و إذا لم يتوفر اللبة يحشى بالكريما المطبوخة و إن كانت الطعمة مختلفة تماماً .. بالنسبة لي نادراً ما أعدها بغير اللبة ..

بالصحة و الهنا

كيلو من الكنافة الشعر
2 كوب من السمنة أو مزيج من السمنة و الزبدة و الزبدة البلدية
قطر
سمنة لدهن الصينية

الحشوة :

كيلو لبة
أو مقدار من القشطة المطبوخة
direction

·          توضع الكنافة في وعاء كبير , تذوب السمنة على نار متوسطة ثم تصب فوق الكنافة و تفرك بين أصابع اليدين حتى تنعم و تتغطى الخيوط بالسمنة , تقسم الكنافة إلى قسمين على أن يكون أحدهما أكثر بقليل من القسم الأخر .

·          يجمى الفرن على درجة حرارة 160 درجة مئوية .

·          يدهن قاع و حواف صينية ألمنيوم كبيرة بالسمنة ثم يمد النصف الأكبر من الكنافة في الصينية حتى يغطيها و يكبس باليد حتى يستوي سطح الكنافة .

·          توزع اللبة على الكنافة بالتساوي حتى تغطيها مع ضرورة عدم الاقتراب من حواف الصينية بمقدار نصف سنتيمتر تقريباً كي لا تحترق اللبة , يمسد وجه اللبة بملوق حتى يصبح مستوياً .

·          يوزع النصف الثاني من الكنافة على وجه اللبة , تؤخذ كمية من الكنافة و ترش على اللبة و تكرر العملية حتى تنتهي لدينا كل كمية الكنافة و تتوزع و تغطي اللبة بالتساوي .

·          يوضع ورق نايلون على وجه الكنافة و يمسد سطحها بلطف حتى يصبح مستوياً ثم تخبز الصينية في الفرن المحمى لمدة 45 – 6- دقيقة حتى تشقر حواف الكنافة .

·          يحمى الفرن من الأعلى و تترك حتى يحمر وجه صينية الكنافة .

·          تخرج الصينية من الفرن و تقلب على طبق التقديم رأسا على عقب ثم يصب عليها القطر و تترك لمدة 10 دقائق لترتاح و تمتص القطر .

·          تقطع الكنافة إلى مكعبات و تزيين بالفستق الحلبي المبشور و مربى زهر الليمون ان وجد ثم تقدم مع المزيد من القطر حسب الرغبة .

أضافة إلى المفضلة (2) |

أقتباس | مشاهدات : 7577

تعليقات (21)

1 الكاتب ام نور, on 11-09-2007 22:24
سبحان الله من بلد لا بلد بيتغير اسم الاكلة بلبنان منسمية بصمة اما الكنافة عنا غير نوع.
الصراحة
انا كتير بعملا بس عطريقتي وبدل القشطة
بستعمل جبنة خاصة بالحلويات لعدم توفر القشطة بفرنسا
بدهن الصينية زبدة وبحط الشعيرية بعدان الجبنة وبغطيا بشعيرية و بحط عالوج نتفة زبدة وبدخلا عالفرن بتطلع الشعيرية شقرا ومحمصة وما فيا كتير دسم وكل شخص بيحط قطر على زوقه يعني بتطلع شغل بيت

2 الكاتب منى, on 12-09-2007 11:21
هلا ام نور

اكيد من بلد لبلد و من منطقة للتانية بيتغير الاسم ..

أول مرة بعرف ان اسمها بصمة :roll

الف شكر ليك ام نور على الافكار الجديدة الي عم تعلميني ياها كل يوم

هلا الكنافة ما بتفركيها مع السمنة !!
طيب ما بتصير قاسية

انا بعمل الكنافة النابلسية الي منحشيها جبنة بس مو بالكنافة الشعر , بس هي فكرة حلوة تعلمتها منك , رح جربها اذا الله راد برمضان

3 الكاتب ام نور, on 14-09-2007 21:31
لا ابدا ما بتطلع قاسية دهني الصينيز زبدة وضعي الشعيرية وكبسيها منيح وحطيي جبنة حلوة خاصة بالحلو ورشي قليلا من العسل عالجبنة وفستق حلبي وغطيون بالشعيرية وحطي نتفة زبدة على كل الصينية ويكون الفرن حامي بتطلع ولا اروع الجبنة التي نستعملها في فرنسا رائعة بتدوب وبتصير متل القشطة

4 الكاتب منى, on 14-09-2007 22:40
رح جربها أول ما جيب كنافة اذا الله راد

رح تطلع خفيفة و بطعمة جديدة على عيلتي

أفكارك رائعة , تسلمي اختي ام نور

5 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-09-2008 23:10
اختي منى لو اكل كل يوم كنافة ما اقول لا اموت في كل انواع الكنافة شكرا على الوصفة المضبوطة

6 الكاتب منى, on 21-09-2008 08:13
هلا منونة

و خصوصا ايام رمضان والشتوية الي على الباب أطيب من الحلويات العربية ما في , هنا و عوافي على قلبك

7 الكاتب أم الهدى, on 28-09-2008 12:58
اممممممممم شكله بشهي تسلم ايدك هلق اذا بدي أستعمل قشطة التاج بحطها على حالها ، سمعت في طريقة بضيفوا للقشطة حليب ونشا شو رأيك عندك فكرة
الله يعطيك ألف عافية

8 الكاتب منى, on 28-09-2008 14:46
هلا ام هدى

اي اختي منحطها متل ما هي و الفكرة من اضافتها للوصفة لحتى تعطي نكهة و غنى للقشطة , الطريقة الي زكرتيها ما عرفتها , هل الوصفةاستعملها اذا كان ما عندي قشطة بلدي و هي قليلة كتير تصير , بتعرفي نحنا القشطة ما اطيبها و على الاغلب متوفرة و تازة

9 الكاتب بشرى, on 20-08-2009 15:20
السلام عليكم منونة الحلوة ..
أختي بدي إسألك كيف يعني ورق نايلون ؟ شو قصدك بالضبط .. يعني ورق زبدة أما ورق ألمنيوم ؟

ما فمت منيح عذريني .. حابة إعملها على رمضان هيه ووربات القشطة بقى ساعديني الله يخليكي وكل سنة وإنتو سالمين ..

10 الكاتب منى, on 20-08-2009 21:00
هلا بشورة

الورق الي اقصده هو ورق من النايلون و اذا مو متوفر فيكي تجيبي كيس نايلون شفاف و تقصيه لحتى ينفتح و تستخدميه

ان شاء الله انت سالمة و انت و كل حبابك يا حق

11 الكاتب بشرى, on 27-12-2009 02:27
يا سلام عليكي يا منونة على هالطريقة هي .. صار عملتها كتير وصارت الناس تطلبها مني وطبعاً قلن انه الفضل لأحلى منى بالعالم .. طيبة كتير كتير وما بتلبك وسهلة وعيارتا مزبوطة لدرجة صرت اعملها وأنا مغمضة

12 الكاتب Mays, on 06-04-2010 09:12
امبارح جربت هالكنافة ، بس أنا طبعا مافي عندي لبة فخلطت جبنة حلوة مع شوية قشطة مطبوخة و طلعت طيبة كتير.
بس أنا لونها ما صار هيك برتقالي و حلو ، يعني كانت شقرا شوي و حسيت إذا تركتها بالفرن أكتر راح تنشف كتير . يا ريت صورتها و حطيت الصورة ـ بس من أد ما كانت ريحتها طيبة ماعاد و عيت على شي :roll

يسلمن منوووووش

13 الكاتب farah, on 13-08-2010 14:15
منى قصدك باللبة الشمندور؟؟يا ترى هو نفسه بيقولوله اللبئ

14 الكاتب خولة, on 04-06-2010 05:10
أهلين منى ..

مشتهية أتعرف على أصناف الكنافة بانواعها بكل سوريا،

لأننا لما بنروح لمحل الحلويات الشامية بنلاقي أنواع كتيرة وكلها طيبة :zzz

15 الكاتب منى, on 04-06-2010 09:10
تكرم عيونك , هلا انا مو كل الانواع اعرف احضرها , بس في اكتر من نوع بحضره و ان شاء الله بنزل الوصفات قريب

16 الكاتب juman, on 09-07-2010 07:02
مرحبا منى,,يا ستي فشلت فشلا ذريعا في عملها :sigh

طلعت كتير يابسة,,ما بعرف لاني عملتها بموزاريلا او بالصينية البايركس!!! المهم عندي طلب ولو فيها غلبة :roll

انا ما بعرف شي عن الكريمالا انواعها ولا الفرق بينها,,فاذا بتوضحيلي بكون كتير شاكرة ويا ريت تحطي اسما بالانجليزي حتى اقدر الاقيها,,مبارح عملت سمبوسك وكتير طلعت طيبة,,كمان جربت العوامة وفخدات الدجاج وحمدلله زبطو,,فيا ريت تجاوبيني لانو عندي مناسبة قريب وحابة اعمل جاتو ويلي مانعني جهلي بالكريما,,اسفة طولت عليكي ويسلمو كتير على الموقع وجهودك الكبيرة

17 الكاتب منى, on 18-07-2010 20:05
هلا جمان

لا ما الها علاقة البنة او الصينية , ممكن تكوني قللتي السمنة او ممكن تكوني جرتي عليها بالخبز ,

يا ترى ايا كريما عم تقصدي ؟ الكريم للكاتويات هو الكريم فريش و اسمه whipping cream
و هادا النوع الي استعمله اكتر الشي للحلويات

هنا و الف عافية على الاشيا الي جربتيها و انا اسفة للتاخير بالرد لان كنت مسافرة لمدة اسبوع :zzz

شكرا الك و لثقتك في و لتجربتك وصفاتي , هلا

18 الكاتب رهف مهتدي, on 09-09-2010 10:07
السلام عليكم ورحمة الله وبركاته:

أنا من سورية وعايشة في هولندا من 6 سنين واليوم أول يوم عيد عنا وجربتها طلعت كتير كتير طيبة وهي سخنة أطيب وأطيب بتشكرك من كل قلبي والله يعطيكي العافية

19 الكاتب منى, on 16-09-2010 12:21
هلا رهف

كل سنة و انت سالمة و ينعاد عليك و انت بصحة ان شاء الله

صحتبن و الف و عافية و هنا , كتير انبسطت انها زبطت معك لانها وصفة بدها شوية شطارة

عوافي نور الموقع فيك و بطلتك رهف

20 الكاتب نهى, on 21-10-2010 15:42
أنا برضه مش فاهمة قصة النايلون؟؟
ح يدخل الفرن مع الكنافة؟؟ مش ح يسيح؟؟
ولا انا مش فاهمة صح :upset

21 الكاتب منى, on 25-10-2010 09:38
لااا حرام عليك نهى

شو يدخل للفرن , هادا بس نستعمله لتمسيد الكنافة لحتى يصير وجها مستوي و بعدها رح نرفعه و نرميه

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 20/09/2008 )

< السابق		التالى >

[ عودة ]