هيدي كمان وصفة حلو أخذتها من البابا و هو شيف  مختص بالحلويات العربية  نسميها في لبنان صفوف ما بعرف شو بيسموها في غير بلد بس كتير مشهورة عنا و طيبة

3 كوب سميد ناعم
1 كوب طحين
كوب زيت نباتي
ظرف باكينغ باودر
رشة صغيرة ملح
ملعقة صغيرة يانسون ناعم
2 ملعقة صغيرة عقدة صفراء ( كركم )
كوبان و نصف سكر
كوبان حليب
2 ملعقة كبيرة طحينة

للتزيين :

صنوبر أو لوز





·          يخلط الطحين و السميد و الباكينغ باودر و اليانسون و العقدة الصفراء جيداً ثم يضاف الزيت و يفرك المزيج .

·          يذوب السكر في الحليب و يضاف إلى المزيج و يخلط جيدا حتى الحصول على عجينة طرية و متماسكة .

·          تترك العجينة لترتاح لمدة ساعتين .

·          يدهن قعر صينية و جوانبها بقطر 30 سم بالطحينة و يسكب المزيج فيها و يزين السطح بالصنوبر .

·          يخبز الصفوف في فرن شديد الحارة مدة نصف ساعة أو حتى يصبح وجه الصفوف ناشف .

·          تترك الصينية حتى تبرد ثم تقطع مكعبات و تقدم .

 

تعليقات (17)

1  الكاتب منى, on 06-09-2007 04:24 تسلم هل الديات اختي ام نور     هل الوصفة كانت تعملها جارة لأهلي و كانت تسميها سفوف ..    و انا كنت حبها كتير ..    الله يسلم هل الديات ام نور ,,,    عن جد الكرم كرم أهل لبنان و الزوء زوءهم

2  الكاتب ام نور, on 06-09-2007 08:23 خجلتيني والله ليش ما بيعملوها المحلات بسوريا واذا بتحبي تعرفي مقادير اي نوع من الحلويات قوليلي الاسم وانا بجيب الوصفة من البابا اختصاص الحلويات العربية وبما اني مسافرة بيعطيني اسرار المهنة بس لو كنت في لبنان كان صعب

3  الكاتب منى, on 06-09-2007 13:32 لا ابدا ما بيعملوها بسوريا     الله يكرمك اختي ام نور و الله العظيم خجلتيني بكل هل الكرم و الزوء ..    ما عندي طلب محدد , انت أدرى , و انت كريمة أختي.ز    كل ما بيكون عندك وقت و جاي على بالك ابعتيلي شي وصفة من الحلويات اللبنانية ..    عن جد فرحانة بمشاركاتك كتير , الله يجزيك كل الخير

5  الكاتب منى, on 06-09-2007 18:54 الله يهنيكم ببعض يا رب ..    و انا متلك أختي كل ما بيعجبني شي وصفة بسأل عنها , و الي ما بيسال ما بيتعلم       انا بانتظار مشاركاتك أختي , و الله لا يحرمني من هل الطلة الحلوة

7  الكاتب منامينو, on 28-11-2008 18:16 إم نور يا عيوني يسلمو إيديكي وإيدين البابا على هالصفوف اللي كتير حلوة وعالأصول. أنا اليوم عملتها وطلعت حلوة كتير، خفيفة ومش دسمة أبدا.. بس طلع عندي مشكلة وحدة يا ريت تحليلي اياها     أول شي مذكور بالطريقة إنه منخبزها بفرن شديد الحرارة.. شديد الحرارة يعني كم؟؟ هالنقطة شوي ما وضحت لي وفرقت معي شوي    ثاني شي أنا طلعت معي لذيذة، بس ناشفة شوي ، يعني الشاي كان ضروري معها، فيا ترى شو السبب؟؟ ، يمكن السبب بتعلق بدرجة الحرارة لإنها أخدت معي أكثر من نص ساعة لتستوي    يا ريت حبيبتي توضّحيلي هالنقطتين من فضلك عشان تكمل معي الوصفة المزبوطة.. على فكرة، أنا كنت أعملها زمان بس بطحين، يعني بدون سميد. بس هيك لقيتها أزبط. وكمان إضافة اليانسون للوصفة الأصلية كتير موفقة وحلوة.    ظل شغلة وحدة. إنا لما طلّعتها من الفرن، دهنت وجهها بشي قليل كتير من الزبدة بالفرشاة. أنا هيك كنت أعرف الوصفة زمان. وهذا طرّى الوجه شوي..     يا ريت تجاوبيني على أسئلتي. وكمان مرة حبيبتي يسلمو كتير كتير إلك وللبابا

10  الكاتب منامينو, on 02-12-2008 06:15 تسلميلي حبيبتي أم نور، كلّك ذوق والله عالإجابة السريعة والوافية.    طمّنتيني لكان لإنه أنا هيك عملت. خطرلي إنه أكيد بدّه يكون الفرن بنفس الحرارة اللازمة للكاتو. وعلى رأيك، خليتها لعند ما طلعت السكين نظيفة. فإذن الحمد لله فهمت مزبوط، وهي طبيعتها هيك تكون ناشفة شوي. مممم فإذن ممكن نستعمل نص زبدة ونص زيت مثلا عشان ما تطلع دسمة كتير.    بس على فكرة الزبدة اللي مندهن الوجه فيها ما بتحسي فيها أبدا إلا بشوية طراوة، يعني ما بتحسي بدهن أبدا ولا بتشوفيه لإنه الكمية قليلة كتير والوجه بيمتصها فورا. هاي الحركة كنت ماخديتها من الشيف أنطوان من شي محطة لبنانية بس وصفته كانت بس بالطحين . وصفتك طلعت أزبط معي     يخليلك البابا يا رب ، عن جد وصفة بتبيّض الوجه. خلص اعتمدتها

11  الكاتب الدمشقية, on 14-12-2008 11:19 حبيبتي أم نور كل عام وانت بخير بمناسبة عيد الأضحى أعاده الله على الجميع باليمن والبركة  حبيبتي جربت هالأكلة وفعلاً لذيذة جداً وحتى عملت شوية تغييرات يعني حطيت لبن بدل الحليب لأنه ما كان عندي حليب وما حطيت يانسون لأنه ماحاد عندنا بالبيت بيحبه زياده  بس طلعت لذيذة جداً بشهادة أهلة ورفيقتي

13  الكاتب منى, on 27-04-2009 11:35 هلا حنان ريتو عوافي و الف الف صحة   ما اتوقع ممكن تقللي الزيت و الا رح تطلع قاسية بس السكر ممكن تعدليه حسب زووءك

14  الكاتب حنان, on 28-04-2010 20:36

15  الكاتب منى, on 29-04-2010 07:51 شو في

17  الكاتب منى, on 18-06-2010 00:38 هلا فيك اختي   نورتي الموقع و صحتين و عافيه على البك    الوصفة الي طلبتيها ما عرفتها ابدا حبيت ساعدك , ان شاء الله خيرها بغيرها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved