من أهم المكونات التي تستعمل بكثرة في المطبخ السوري و اللبناني و التركي لإعداد الحمص و المتبل و غيره

و على الرغم من توفرها بشكل عادي في أي سوبر ماركت في بلادنا , إلا أنها قد تكون نادرة في البلاد الأخرى و خاصة البلاد الأجنبية .
لذا سأذكر هنا طريقة تحضيرها , و هي كما ستلاحظين سهلة و لا تحتاج لأي جهد ..

بالصحة و الهنا

5 كوب سمسم أبيض
نصف كوب زيت نباتي

تعليقات (11)

1  الكاتب ام نور, on 05-09-2007 23:09 والله فكرة كتير عجبتني وشكلا بسيطة بدي جربهاانت مجربتيها اخت منى

2  الكاتب ام نور, on 05-09-2007 23:11 وبتطلع نفس الطحينة الجاهزة لان مخلصة طحينة وبما اني بفرنسا لا اجدها الا في محلات العرب

3  الكاتب منى, on 06-09-2007 03:32 هلا أختي ام نور     أختي انا لا أكتب وصفة إلا إذا كانت مجربة     بتطلع نفس الجاهزة تقريباً , أصعب الشي فيها هو الطحن لحتى تصير ناعمة ..    إذا جربتيها خبريني شو بيصير معك

4  الكاتب سارونات, on 26-07-2008 22:04 انا كان بدي ساوي طحينة بالبيت و وصفتك كتير سهلة ساويتا اليوم بس عملت كمية زغيره لان خفت ما تضبط معي و اصلا ما كان عندي كتير سمسم راح تضحكي علي لان اول شي قسمت الكمية ليكون كوب و اخدت كوب كتير زغير و استعملته و بالنسبة للزيت قسته بالمليمتر و الله جبت مسطرة و حطيتا على الكوب لزغيرو ساويت المقدار المناسب بعد ما حسبته يعني دخلت عليها و لا المحقق كونان المهم اول شي طلع اللون اغمأ من اللي بالصورة يمكن لان السمسم احمر شوي بس شويييييييييي ما عليه بس المشكلة لما طحنتو بخلاط الكوكتيل كمية الزيت ما كفت ابدا طلعت كتير قليل مع الني حسبتها بدقة المهم دليتني عم زيد زيت و ظليتني وراها لحد ما صارت تشبه الطحينة بس مع كل كمية الزيت اللي حطيتها طلعت سميكة و انا بدي ياها متل اللي بالصورة و ما قدرت زيد زيت لان حطيت كتير فشو الحل برأيك و قوليلي بتظل فيهاريحة السمسم أوية لان طلعت ريحتو قوية كتير   جازاك الله خيرا و جعله في ميزان حسناتك و اعانك على اسئلتي اللي ما بتخلص   بكرا راح اعمل حمص و الله يستر و يضبط ان شاء الله

5  الكاتب سارونات, on 01-09-2008 14:37 السلام عليكم و رحمة الله وبركاته  يا فرحتي يا فرحتي ساويتها من شوي و طلعت سائلة و متل الطحينة بس اللون طلع غامق شوي لاني كنت عم اطبخ اشيا تانية و نسيتها فاحمرت شوي بالفرن و غير هيك طلعت تمام و لقيت حل لمشكلة الطحن اول ما طلعتها من الفرن و هي سخنة دقيتها بالهاون لصارت ناعمة و بعدين تركتها تبرد و حطيتها بالخلاط مع زيت زيتون مشان تطلع اخف و ان شاء الله المرة الجاية راح يطلع لونها متل الجاهزة و بلكي بساوي مصنع للطحينة و بصير بيعها منتشارك انا وياكي شفتيلي شلون دمي صري خفيف من الفرحة   و ربنا يجازيك الجنة ان شاء الله و تقبل الله صيامك و صيام جميع المسلمين  بالتوفيق  سلام

6  الكاتب ام يامن, on 28-08-2009 06:13 مرحبا منى أنا عضوة جديدة في هالموقع الرائع  أنا عايشة في اليابان والطحينية مش متوفرة جربة أعملها لكن طلع لونها غامق   فشو العمل

7  الكاتب منى, on 28-08-2009 11:21 هلا سارونات     كيف فاتني ردك مع ان فيه عرض عمل و مشاريع و قصص كبيرة     كتير انبسطت ان ظبط معك المرة التانية و هي شغلى نسيت اذكرها بالمقادير , انه يفضل استخدام سمسم ابيض لحتى يطلع اللون معك تمام التمام و بمحلات الطحينة بيستخدموا شي اسمه سيرج عوض عن الزيت النباتي , و طلع هادا السيرج ممكن ينباع , بقى لازم نتفق مع شي محل لحتى يوردلنا السيرج , شو رايك

8  الكاتب منى, on 28-08-2009 11:23 هلا ام يامن   شرفتي و نورتي بيتك و مطرحك , اللون الغامق حله انك تستخدمي سمسم ابيض مو احمر , بتطلع ان شاء الله متل ما بدك و احسن   ايا سؤال تاني انا تحت امرك

10  الكاتب منى, on 22-04-2011 11:58 مممم و الله الفكرتين حلوات و مميزات , رح جرب و شوف شو بيصير معي     هلا اذا كان الخلاط قوي فرح ينطجن من دون مشاكل و بيصير ناعم , بس كمان بحب جرب افكارك لشوف     مية هلا فيك اختي عطر , ان شاء الله مميزة دوما و ان شاء الله بتنورينا على طول

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved