من أطيب السلطات عندي و الي بديت قصتي معها لما دقتها اول مرة من تحت ديات خالتي حسنا , و لهلا ما دقت متل بابا غنوجها و لا رح دوق . هيك بتحسها بتحضرها بفن و زووء و هندسة ...
الها كتير اسماء و نحنا منسميها بابا غنوج و هل الوصفة واحدة في المطبخ العربي و التركي .
بالصحة و الهنا
2 حبة باذنجان كبيرة عصير نصف أو حبة كاملة ليمون نصف حبة فليلفة حمراء نصف حبة فليلفة خضراء حبة بندورة بصلة صغيرة جداً أو عود من البصل الأخضر فص ثوم ( اختياري ) 2 –3 ملعقة كبيرة من البقدونس المفروم ناعماً ملعقة كبيرة نعناع أخضر طازج مفروم ( اختياري ) 3 – 4 ملعقة كبيرة زيت زيتون ملح رشة كمون رشة فليلفة حمراء ناعمة
للتزيين :
زيت زيتون حب رمان جوز مجروش
·تثقب حبات الباذنجان بالسكين بضعة ثقوب ثم تشوى على النار حتى تصبح القشرت سوداء و ينضج قلب الباذنجان .
·يقشر الباذنجان ثم يفرم و يتبل فوراً بعصير الليمون كي لا يسود لونه ثم يوضع في البراد .
·تفرم البندورة و الفليلفة مكعبات صغيرة , تفرم البصلة ناعماً جداً و تدعك بالملح و يهرس الثوم .
·قبل التقديم مباشرة تخلط جميع الخضار مع الباذنجان و يتبل بالبهارات و الملح و زيت الزيتون ثم تسكب في طبق التقديم و تزين بالمزيد من زيت الزيتون حسب الرغبة و الجوز و بضع حبات من فرط الرمان في حال تواجده أو شرحات من الزيتون و تقدم فوراً .
تنويعات و إضافات :
·يمكن استبدال عصير الليمون بعصير الرمان أو دبس الرمان , و لكن عند استعمال دبس الرمان سيكون لون السلطة غامق .
·يمكن اضافة حبة من الفليلفة الحرّة للسلطة حسب الرغبة .
تعليقات (12)
