L2ma.com | لقمة طيبة | L2ma.com | لقمة طيبة | كولسلو | ملفوف, حبة, ملعقة, كبيرة, حتى | L2ma.com

القائمة الرئيسية

كولسلو

الكاتب/ منى

27/08/2007

كولسلو

في حدا ما بيعرف الكولسلو أو ما بيحبه ! و مع هل الطريقة رح يطلع بيجنن و متل المطاعم إذا ما كان أطيب .

ما بحب كتير تكون صلصة المايونيز كتير لحتى تبقى السلطة خفيفة و مقبلة و انت فيك تزيدها اذا بتحبي و كمان ممكن استعمال ملفوف أبيض مع ملفوف أحمر لحتى تطلع ألوان حلوة

بالصحة و الهنا

حبة ملفوف أخضر صغيرة ( أو نصف حبة ملفوف أخضر و نصف حبة ملفوف أحمر )
2 - 3 حبة جزر كبيرة

الصلصة :

4 – 6 ملعقة كبيرة مايونيز
ملعقة كبيرة خردل ( مستردة )
2 ملعقة كبيرة خل التفاح
ملعقة كبيرة سكر
نصف ملعقة صغيرة ملح
نصف ملعقة صغيرة فلفل أسود مطحون طازج
direction

·          تقطع حبة الملفوف إلى نصفين ثم يقطع كل نصف إلى ربعان و يتم التخلص من القلب القاسي ثم يبشر الملفوف أو يفرم ناعماً بسكين حادة أو يفرم في محضرة الطعام , يبشر الجزر .

·          يغسل الملفوف و يترك حتى يجف تماماً ثم يوضع في طبق عميق و يخلط مع الجزر .

·          تمزج مقادير الصلصة حتى تتجانس .

·          تصب الصلصة على الخضار وتقلب حتى تختلط الصلصة بالخضار .

·          تسكب السلطة في طبق التقديم و تغطى بورق نايلون ثم تترك في البراد عدة ساعات قبل التقديم حتى تتمازج النكهات و تقدم مع الهمبرغر و غيره .

أضافة إلى المفضلة (0) |

أقتباس | مشاهدات : 1411

تعليقات (13)

1 الكاتب بدور, on 28-08-2007 14:38
يم يم ما أطيبا

أنا هالسلطة كتير كتير بحبا منيح حطيتيا قبل رمضان :zzz

يسلمو كتير ميمو الحلوة عنجد بستمتع كتير و انا عبتصفح موقعك و إذا غبت فترة وما ئدرت أدخل كتير بتدايئ الله يخليلنا ياكي يا رب

2 الكاتب منى, on 28-08-2007 20:20
و أنا كمان بيبقى بالي لما أخت غالية متلك ما بئى تطل :roll

ان شاء الله تجربيها و تحبيها و صحة و هنا مقدما

3 الكاتب نهى, on 17-03-2008 21:05
انا باموت فى السلطة دى تحفة وباعملها بنفس الطريقة بس بدل المستردة باستخدم ملعقة زبادي وبتبقي روعة برضه .. جربيها بالزبادي وقولى لى

4 الكاتب منى, on 18-03-2008 11:47
ان شاء الله نهولة

اجربها بطريقتك و لا تنسي تخبريني لما تعمليها بالمستردة

5 الكاتب نهى, on 07-10-2008 12:20
أخيرا جربتها بالمستردة..
حلوة برضه تسلم ايديكي

6 الكاتب منى, on 09-10-2008 13:40
هناو عافية , بس شكلك عاجبتك من غير المستردة أكتر :grin

7 الكاتب سارونات, on 08-11-2008 21:43
السلام عليكم و رحمة الله و بركاته
جازاك الله خيرا اختي منى
بدي اسألك ازا بتنفع بلا خردل و هل لازم خل التفاح او بينفع خل الليمون و كمان هل ممكن استبدل الفلفل الاسود بالابيض
و جازاك الله خيرا اختي نهى على فكرة الزبادي
بالتوفيق
سلام

8 الكاتب منى, on 09-11-2008 05:59
اختي الخردل اساسي للنكهة و ممكن اي خل , بس شو قصدك بخل الليمون ؟ و ممكن تستخدمي الفلفل الابيض

9 الكاتب سارونات, on 18-11-2008 20:05
السلام عليكم و رحمة الله و بركاته
ساويتها و شو طلعت طيبة :eek

و الالوان بتجنن البرتقالي مع الاخضر و الابيض و عن جد الملفوف كتير طيب بس ما في وصفات كتيرة لالو
المهم ساويتها من غير خردل و حطيت بس رشة سكر و طلعت تمام التمام و هيك اتعلمت سلطة جديدة للمناسبات السعيدة :grin

جازاك الله خيرا اختي منى
بالتوفيق
سلام

10 الكاتب سارونات, on 18-11-2008 20:10
السلام عليكم و رحمة الله و بركاته
ساويتها و شو طلعت طيبة :eek

جازاك الله خيرا اختي منى
بالتوفيق
سلام

11 الكاتب منى, on 19-11-2008 19:16
هنا و صحة اختي
كتير انبسطت انها عجبتك و طلعت على زووءك , الف شكر ليك على الدعوات و ليك متلهم و اغلى اختي

12 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-01-2009 06:53
مرحبا والله يعطيكي العافيه.وبتمتى انو تساويلنا: بالcraneberryشي شغله من ايديكي لانو والله نفسك غير شكل. شكرا الك

13 الكاتب منى, on 11-01-2009 10:44
هلا أختي

كنت اتمنى و الله اختي بس نحنا مو متوفر عندنا :roll

الشكر الك و لتوجدك الطيب اختي و نورتي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 12/01/2009 )

< السابق		التالى >

[ عودة ]