L2ma.com | لقمة طيبة | L2ma.com | لقمة طيبة | بيف برغر | الهمبرغر, · , أقراص, صلصة, يمكن | L2ma.com

القائمة الرئيسية

بيف برغر

الكاتب/ منى

26/08/2007

سندويش لذيذ و مغذي و تحضيره سهل , يمكن تجهيز الأقراص مسبقا ووضعها في الفريزر حتى وقت الاستعمال , تحضر أقراص الهمبرغر و تصف فوق بعضها البعض و يفصل بين كل قرص و الأخر بورق نايلون ..

سندويش البرغر الجاهز الذي يشترى من المحلات يستخدم لإعداده أسوء أنواع اللحوم ثم يضاف له الكثير من البهارات فلا يستطعم الزبون أي شيء يأكل , لذا أحضر الهمبرغر في البيت و لا أشتريه جاهزاً أبداً ..

يدهن سندويش الهمبرغر بالمايونيز , و يمكن دهنه بالمايونيز المضاف له القليل من الثوم أو يمكن دهنه بصلصة المايونيز الممزوجة مع الكتشاب و الخردل و هي صلصة لذيذة جداً .

في البوفيهات الكبيرة أحضر سندويشات الميني برغر بنفس المقادير و الطريقة مع استبدال خبز الهمبرغر الدائري بخبز دائري صغير و أعمل الأقراص بحجم يناسب الصمون و يكون منظره حلو و مغري .

بعد شوي أقراص الهمبرغر تصف في صينية فرن , و تغطي كل قطعة بشريحة من جبنة التشيدر أو الغرويير و توضع في الفرن حتى تذوب الجبنة , ثم يحشى بها خبز الهمبرغر فنحصل على التشيزبرغر , أو تغطى أقراص الهمبرغر ببيضة مقلية فنحصل على الإيغبرغر .

الكمية تعطينا 16 قرص تقريباً .

بالصحة و الهنا

كيلو لحمة عجل أو خروف
حبة بصل مفروم
ملح
نصف كوب كعك مطحون
ملعقة كبيرة كتشاب
ملعقة كبيرة صلصة ورشسترشاير WORCESTERSHIRE SAUCE
ملعقة صغيرة بهار مشكل
رشة فلفل أسود و رشة قرفة

للتقديم :

ورق خس
شرائح من البندورة
حلقات من البصل ( اختياري )
شرائح من مخلل الخيار
سلطة الكولسلو
بطاطا مقلية
صمن الهمبرغر الدائري الكبير

صلصلة الهمبرغر :

نصف كوب مايونيز
نصف كوب كتشاب
ربع كوب خردل
direction

·          يفرم اللحم و البصل على ماكينة فرم اللحمة مرتان , و يمكن استعمال اللحم المفروم و دعكه مع البصلة المفرومة و المقلبة قليلاً بالزيت .

·          يضاف الكعك و البهارات المشكلة و الملح و الكتشاب مع صلصة الورشتسر للحمة و يدعك الكل جيداًُ .

·          توضع ملعقتان كبيرتان أو ثلاث ملاعق من مزيج اللحمة في حلقة معدنية خاصة بتشكيل الهمبرغر بعد تبليلها بالماء لمنع التصاق اللحمة ثم يضغط على اللحمة بالملعقة على منتصف قرص الهمبرغر للحصول تجويف صغير , و هذه هي الطريقة الأصلية لتحضير أقراص الهمبرغر , و يمكن تشكيل الأقراص باليدان المبللتان بالماء في حال عدم توفر القالب .

·          تسخن مقلاة غير لاصقة و تشوى فيها أقراص الهمبرغر على الوجهين حتى تنضج .

·          تمزج مقادير صلصة الهمبرغر حتى تتجانس .

·          يفتح خبز الهمبرغر و يفرغ أحد القسمان من لب الصمون ثم يدهن النصف الأخر بالقليل من صلصة الهمبرغر المجهزة ثم تغطى بورقة خس ثم شرحة بندورة و توضع فوقها شرحة من الهمبرغر و فوقها بضع حلقات من البصل و مخلل الخيار و القليل من البطاطا المقلية ثم تغطى بالنصف الثاني من صمون الهمبرغر .

·          تسخن السندويشة في الفرن قليلاً ثم تقدم مع سلطة الكولسلو .

أضافة إلى المفضلة (2) |

أقتباس | مشاهدات : 5818

تعليقات (32)

1 الكاتب linda, on 27-08-2007 11:35
:zzz

انا صايمة اليوم بس من حشريتي فتت
صارت معدتي تعصر عليي من المنظر

خلص النزلة الجاي على سوريا بدي اجي لعندك شي كم مرة
عل الغدا بس مشان التقلة :roll

يسلمو ايديك يا قمر

2 الكاتب منى, on 27-08-2007 15:09
ايه مية أهلا و سهلا و ان ما شالتك الأرض بتشيلك عيوني

وعد منك هل الزيارة

الله يسلمك و ان شاء الله صيام مقبول

3 الكاتب بدور, on 28-08-2007 14:11
اليوم انا صايمة بمناسبة النصف من شعبان كل عام وإنت بألف خير والله يتئبل منا جميعا يا رب ومع ذلك ماكنت أتأدب و مابدخل إلا وأنا صايمة وجوعانة :cry

يسلمو إيديكي والله شي كتير مشهي عبتمنى أبئى بالبيت ديما مشان ضل جرب أكلاتك المغرية ماشاء الله عليكي على هالذوق والشطارة الله يحميكي ياااا رب

4 الكاتب منى, on 28-08-2007 20:17
الله يتقبل يا رب

و انت ان شاء الله بخير , و ان شاء الله السنة الجاية يتكوني بأحسن حال

كلك زووء بدور , يلا جربي بس لا تنسي تخبريني شو بيصير معك

5 الكاتب ام نور, on 24-09-2007 21:35
اليوم جربت الهامبرغر بس عملت الاقراص على سطح علبة ذرة وضعت كيس ورقيت اللحمة لان ما عندي القالب والله كتير طلعوا طيبين اما سلطة الملفوف الله يبارك فيكي على هالوصفة كتير بحبا بس ما كنت اعرف سرا ميشان هاك ما كنت اعملا اليوم عملت وطلعت متل الجاهزة بالمطاعم ما في فرق ودعيتلك اخت منى نحن وعم ناكلا

6 الكاتب منى, on 25-09-2007 07:21
مية اهلا و سهلا أختي ام نور

ان شاء الله عوافي و صحة يا رب و ان شاء الله كل شي دعيتيلي ياه يجيك متله و احسن يا رب

7 الكاتب نهى, on 12-03-2008 12:14
سبحان الله من كام يوم وانا بادور على طريقة البرجر..
ان شاء الله اجربها بس ممكن اى لحم مفروم ولا لازم عجل او خروف؟؟
وماهو الكعك؟؟

8 الكاتب منى, on 12-03-2008 17:29
هلا نهولة

ممكن تستعملي اي لحم مفروم , بس لو لحم دجاج الطريقة شوي مختلفة فيك تشوفي الطريقة على هل الرابط

الكعك ااقصدفيه البقسماط , يا ريت تكوني فهمتي عليا :roll

9 الكاتب نهى, on 12-03-2008 15:26
أيوة عارفة البقسماط الحمد لله :grin

10 الكاتب منى, on 12-03-2008 17:17
:grin

الحمد لله , و يا ريت تجربيه و يعجبك

11 الكاتب نهى, on 21-04-2008 17:30
باقول يامنى.. انا جهزت الاقراص وحفظتها بالفريزر.. بس هو انتى بتحطيها فى المقلاة من غير اى مادة دهنية؟؟ أكيد؟؟ :roll

12 الكاتب منى, on 21-04-2008 17:35
بعد زمان نهى

تمام أختي بشرط تكون المقلاة من النوع الغير لاصق , لان الأقراص رح تنزل من الدهن الموجود في اللحمة ..
بس كمان فيك تدهني المقلاة بشوية زيت , انا عني ما بدهنها

13 الكاتب نهى, on 23-04-2008 09:19
امبارح شويت بعض الاقراص لزوجى وعجبته جدا وقال انها احسن من اللى بنشتريها

انا انبسطت لان زوجى مدمن برجر وانا عارفة انه بيتعمل من اسوا انواع اللحوم
جزاكى الله خيرا

14 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-01-2009 23:57
مرحبا حابه اشكرك على هالاكله امبارح ساويتها وكانت طيبه . دعيتلك ونحنا عم ناكلها

15 الكاتب منى, on 11-01-2009 06:27
الف هنا و عافية اختي

ريتو صحة و الك متل الدعوات و احلى يا رب

16 الكاتب سلاف, on 01-02-2009 15:09
يعطيكي العافيه منى انتي مو ذاكره بالمقادير بيض وكاتبه بالطريقه بتحطي بيضه بقى فيه بيض ولا لاء ؟؟؟

كمان سؤال تاني بجهزهن وبحطهن بالفريزه بعد مانشويهن عالغاز ولا بصير نحفظهن بدون شواء ؟؟؟ كمان شغله اذا بدي ضيف شوي ماده دهنيه بحط زيت زيتون ولا سمنه ولا زيت عافيه؟؟ ولا مابتفرق
ناطره ردك يخليلي ياكى منى مالي غنى عنك وعن مطبخك :zzz

17 الكاتب منى, on 01-02-2009 15:51
تم التعديل هلا , الف شكر للتنبيه

بحطهم في الفريزر من دون شوي اكيد و انا بفضل اشويهم شوي اما اذا حابة تستخدمي زيت ممكن تستعملي زيت ذرة

ان شاء الله تساويها و تعجبك و بانتظار رايك

18 الكاتب ام محمد, on 02-02-2009 07:11
مرحبا يا احلى منى

شفت تعليق الاخت سلاف
وسؤالها عن الهمبرغر كان نفس سؤالي بس انا
جربته وحطيت بيضةوطلع طيب بس بدي اسالك عن الصلصلةيا ترى بلاقيهاهون بالسعودية :zzz

19 الكاتب منى, on 02-02-2009 12:24
قصدك صلصة ورشسترشاير ؟
اكيد بتلاقيها في قسم الصلصات جنب الصويا صوص و رفقاته

20 كل عام وأنتم بألف خير
الكاتب آرام, on 19-09-2009 14:54
مرحبا أخت منى
من زمان كنت مدمن همبرغر بس امتنعت عنه نهائياً من كذا سنة بسبب قصة نوعية اللحوم الي حكيتي عنه .. أحياناً كان يعن على بالي وخصوصاً لما أمر من جنب محلات متل سيرجية أو باباي بس نفسي ما كانت تتقبل آكل لحم شو ما كان .. وبالنهاية ما كنت آكل من السوق إلا اللحم الواضح متل الدجاج أو السمك الي ما بيقدروا يغشوه .. هلأ انحلت المشكلة وصار فيني آكل برغر كل ما خطر ببالي .. جربت الوصفة وطلعت روعة .. عملت كمية صغيرة واستخدمت لحم غنم .. بس نسيت أحط معه بصل .. على كل حال طلع لذيذ جداً جداً .. وخصوصاً أني استخدمت مايونيز وكتشاب معمول على إيدي وطبعاً من وصفات الموقع .. يسلموا إيديك أختي.

21 الكاتب منى, on 24-09-2009 16:19
كل سنة و انت بخير اخي انت و كل الغوالي على البك , تكونوا دوما باحسن حال
الف الف صحة و هنا و عافية على الهمبرغر , كتير انبسطت انك جربته و انه عجبك و اكيد بلحم الغنم بيطلع يممي كمان , الله يسلمك و يحفظك من كل سوء

22 GooD
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-06-2010 17:21
واو
يسلمو إيديكي كتير على هالوصفة
بس حبيت نبهك لشغلة
هلأ البرغر أنواع
تشيز برغر و هو برغر الجبنة
بيف برغر و هو برغر لحم البقر
هام برغر (همبرغر) و هو برغر لحم الخنزير
أنا بصراحة قبل ما إجي على بريطانيا ما كنت انتبه للاسم

23 الكاتب منى, on 14-06-2010 08:59
يعطيك الف عافية للتنبيه , ما بعرف كيف فاتتني هل القصة , مع ان المعلومة مو جديدة علي :roll

شكرا كتير و هلا تم تعديل الاسم

24 الكاتب ورد, on 04-03-2011 15:36
ممكن اسأل عن هالصلصه ماعرفتا ابدا وهل ممكن استبدالها او انو الغيا لأنو انا في فرنسا وعمتختلف علي الاسماء كتير وعم أتعذب لحتى الاقي ابسط الاشياء لهيك بتمنى تردي علي هل ممكن نلغيا؟؟

25 الكاتب ورد, on 04-03-2011 15:36
ونسيت قلك يسلمو ايديكي على كل وصفه عمتحطيا الهل يعطيكي الف عافية والله شي بيشهي وبيرفع الراس انك حلبيه

26 الكاتب منى, on 04-03-2011 22:49
هلا ورد

هلا فيك تلغيها بس هي بتعطي طعمة مميزة و بتشكل فرق , و هي بالاساس صلصة بريطانية و انا اكيدة انو متوفرة بس انت بدك تدوري شوي

ان شاء الله الف صحة و هنا على كل شي جربتيه , مية هلا فيك

27 الكاتب ورد, on 06-03-2011 14:13
مرحبا
انا جربت البرغر بدون الصلصه وطلع بيجنن واطيب من اللي منشتري برا اي والله وحتى زوجي قلي بدو يجيبلي كميات لحمه عشان اعملو كتير قد ما حبو بجد انك فنانه ومزوءه شكرا كتير الك

28 الكاتب hussam, on 29-03-2011 13:20
السلام عليكم أخت منى
بس حبيت أعرف شو هي ال WORCESTERSHIRE SAUCE ؟؟
و هل هي مهمة ؟؟
و جزيل الشكر لكم

29 الكاتب منى, on 29-03-2011 14:25
عوافي و الف الف صحة ورد , الحمد لله انها عجبتك و لو تامنت معك الصلصة مرة جربيها و رح تشوفي الفرق بنفسك

30 الكاتب منى, on 29-03-2011 14:31
, عليكم السلام اخي حسام , مية هلا فيك بالموقع

اخي الصلصة موجود في ايا سوبر ماركت كبير و لو حضرتك بسوريا , فبالمولات متوفرة بشكل عادي بقسم الصلصات و الكتشاب و الذي منو , شكلها بيشبه الصويا صوص , لونها اسود و مريقة شوي

بتعطي طعم لذيذ و متل البرغر الاصلي الي بيحضره اهم محل برغر

مية هلا فيك مرة تانية و ايا سؤال تاني انا بالخدمة ان شاء الله

31 الكاتب hussam, on 31-03-2011 00:36
لقد جربتها فعلا بكل مكوناتهاو خصيصا الصوص !!!
ماذا عساي أقول ؟؟؟
الوصفة رائعة ...
و بالمناسبة لم أتعنى في إيجاد الصوص خصيصا هنا في دبي يتوفر كل شي " أنا سوري مقيم في دبي "
و جزيل الشكر لكم

32 الكاتب مريومة, on 15-04-2011 19:22
مدام منى بصير ساويها بدجاج

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 14/06/2010 )

< السابق		التالى >

[ عودة ]