الكريما الشانتيه :

علبة كريما بيضاء
ثلاث أرباع كوب حليب بارد جداً





·          يخفق البيض حتى يصير هش و يفتح لونه يضاف السكر و بشر البرتقال و يخفق الكل على سرعة عالية  حتى يذوب السكر بالكامل و يتكون لدينا الشريط عندما نرفع الخفاقة .

·          ينخل الطحين مع البيكنغ بودر , ثم يضاف الحليب و عصير البرتقال و الزيت لمزيج البيض و السكر  بالتناوب مع الطحين المنخول و يقلب بلطف حتى الحصول على مزيج متجانس .

·          يصب الكاتو في قالب مدهون و يخبز في الفرن لمدة 45 – 60 دقيقة أو حتى ينضج ثم يترك القالب حتى يبرد .

·          لتحضير الكريما : يمزج السكر و الطحين و بشر البرتقالة و العصير و البيضة جيداً في قدر صغير ثم يوضع على النار و يحرك باستمرار حتى يغلي المزيج و يسمك .

·          تبعد كريما البرتقال عن النار و تضاف الزبدة و تقلب بمضرب سلك حتى تذوب الزبدة , و مع الاستمرار  بالتقليب السريع ستصبح كريما البرتقال ناعمة و جاهزة .

·          بعد أن يبرد القالب يقطع لنصفين و يحشى بنصف كمية كريما البرتقال ثم يغطى بالنصف الثاني من الكاتو و يغطى الوجه بباقي الكريما .

·          تخفق الكريما البيضا مع الحليب البارد حتى تشتد و تنتفخ ثم يدهن بها وجه الكاتو و يمكن أن يزين بشرائح البرتقال ثم يقدم بارداً .

·          يمكن أن يقدم الكاتو سادة من دون كريما البرتقال .

 

 

تعليقات (37)

2  مية أهلا و سهلا ليندا الكاتب منى, on 26-08-2007 11:32 أمين يا رب العالمين ..    حاسة الدنيا كلها منورة بقروب رمضان     امبارحة رجعت من السفر , كنت بالشام و لو تعرفي شو اتذكرتك     ان شاء الله صحتين و هنا و عوافي على قلبك يا رب     هلا رح نزل الكبة النية و هي وصفة خاصة برمضان و ما في يوم بيمرء من غير ما تكون على السفرة مع الفتوش و شوربة العدس     الله يخليك ليندا , أخت عزيزة و غالية على قلبي

3  الكاتب linda, on 26-08-2007 18:04 هلا منى   الحمدلله على السلامة و ان شالله تكوني انبسطتي بالشام وعجقتها       بتعرفي انا كمان كل ما حس رمضان قرب بحس البي من جوا بيفرح     رايحة شوف الكبة       و الله انا كمان بحس انك متل اختي و قريبة من قلبي كتير   احبك في الله

4  الكاتب منى, on 27-08-2007 09:52 الحمد لله انبسطنا كتير     بتذكري مرة لما طلبتي مني وصفة فطاير المحمرة و أنا قلت لك ان اسمهم فطاير الفليلفة   طلعوا فطاير الفليلفة بحلب هم نفسهم فطاير المحمرة بالشام     و أنا كمان أحبك في اله ليندا

6  الكاتب منى, on 21-01-2008 12:02 صحتين و هنا يا رب على قلبك و قلبن يا رب و الله يخليلك يااهن و يباركلك فيهن     هدول متل ابني كمان روح قلبو الكاتويات     هي قصة الرطوبة غريبة المهم انهم حبوها

7  الكاتب سارونات, on 08-01-2009 12:31 السلام عليكم و رحمة الله و بركاته  من الصيف و انا حاطة عيني على الوصفة و ناطرة يجي موسم البرتقال و فكرة كريما البرتقال كتير حلوة   بدي ارعف اذا قطر الصينية هو 22 سم كالعادة او اكبر  ما خبرتك صار لازم تباركيلي مو اشتريت صينية قطرها 22 سم و فرحانة فيها بس لهلأ ما جربتها و لقيت بس اللي بتنفتح من تحت بس قلت يلا احسن من ولا شي و هذا يقودنا الى سؤال اخر ألا و هو هالصينية اللي بتنفتح من اسفل عندي وحدة بس حجمها كبير المهم جربت فيها من قبل كاتو لوز و جوز و موز من غير لا جوز و لا لوز المهم ما كان في مشكلة بس لما جربت كيكة السنيكرز سالت من تحت و ساوت بلاوي في الفرن فهل لما استعمل هالصينية بقدر حط تحتها مباشرة صينية اكبر مشان ما يصير شي للفرن و اذا فيني فهل هالشي بيأثر على المدة اللي بتاخذهاالكيكة تحتى تنضج  بالتوفيق  سلام

8  الكاتب منى, on 08-01-2009 17:36 هلا سارونات   هي الوصفة بدها صينية اكبر حوالي 26 سم     انا ما بحب الصواني الي بتنفتح من تحت للكيد لان رح يصير متل ما صار معك , قصدي رح تسيح في الفرن و تزع الدنيا الا اذا كانت الصينية من نوعية ممتازة     ممكن تحطي صينية تحت , و ما اعتقد رح ياثر على فترة الخبز بس اكيد اتاكدي من الكيك قبل ما اطالعيه

10  الكاتب منى, on 14-01-2009 11:58 أختي تحتها بس لو بينفع تعمليها بصينية عادية احسن , هيك ما بعرف شو ممكن يصير معك     البرتقال ممكن ترشيه بالسكر لحتى يصير عليه متل كراميل

12  الكاتب سارونات, on 17-02-2009 15:55 السلام عليكم و رحمة الله و بركاته  عم حس فكرة الكاكاو ما بتنفع بس يمكن ليش لا شو قولك  بالتوفيق  سلام

13  الكاتب منى, on 17-02-2009 18:42 سكر عادي سارونات , بس كمان انا مو مجربة , يعني ما بعرف اذا رح تزبط أو رح تنزل من عصيرها و تنزعلك الكيك , شو رايك بااول ما تحطي شي و جربي الوصفة و تشوفي اذا ظبطت معك و بعدها بتبقي بتضيفي اشياء على زووءك       اختي العلبة الي عندي ما بعرف كميتها , بس المفروض انها تغلف كل الكيك و اذا حابة تضفي شوكولا بعد ما تخفقي الكرييما و تنفش بتضيفي 2 أو 3 ملعقة كبيرة كاكاو منخول لحتى تحصلي على الطعم الي بتحبيه

14  الكاتب سارونات, on 26-02-2009 15:09 السلام عليكم و رحمة الله و بركاته  الكيك هلا في الفرن و ايدي على قلبي ان شاء الله يطلع خفيفي متل ما مبين بالصورة بس بتوجعك ايدك و انت عم تقلبي بنفس الاتجاه و بخفة اكيد لان ثلاثة كوب و نص طحين انا معودة لما ساوي كيك شوكولا دوق اللي بيظل بالاناء اللي خلطت فيه الكيك حتى لما كنت صغيرة كانت امي الله يحفظها لي تخليلي ياه مشان اكله و رجعلها الطبق نظيف و ما فيه نقطة كيك عقد مانو طيب و ما بدوق ابدا الكاتو الابيض الا بعد ما ينضج بس هالمرة دقتو و شو طيبة طعمتو و ريحتو كمان ان شاء الله يضبط بعد ما طالعه من الفرن    شو بدي قول بعد ما طالعه من الفرن و خليه يبرد شوي غطيه بنايلون او اتركه متل ما هو لان عم فكر حطله الكريما بكرا   كمان سؤال بعد ما حطلو الكريما و كل شي و حطه بالبراد غطيه بنايلون او لا و قديش بيضاين خصوصا اذا ما حطيتلو كريم شانتيه و اكتفيت بس بكريما البرتقال لان لساتني ما قرررت تحتى شوف النتيجة  بالتوفيق  سلام

15  الكاتب منى, on 26-02-2009 19:00 متل اولادي بينصفوا بالدور لمن اعمل كاتو و بيرجعوا الصحن نظيف و عم يضوي     ما بده تعملي شي خليه لبكرة و احشيه بالكريما عادي     أختي انا بحفظ الكيك بعلب الكيك الي الها غطا لحتى يبقى تازة و طري و بيضاين ليومين او تلاتة اذا بقي منه شي

17  الكاتب سارونات, on 27-02-2009 13:05 اختي منى بالنسبة لكريما الشوكولا بعد ما اخفق الكريما و ضيف الكاكاو بعدين بحركها بملعقة او مضرب سلك او اخفقها بالخفاق الكهربائي   بالتوفيق  سلام

18  الكاتب منى, on 28-02-2009 10:03 يلا عم استنى النتيجة , ان شاء الله بيطلع على زووءك     كريما الشوكولا بعد ما تضيفي الكاكاو بتخفقي ترجعي بالخفاقة الكهربائية يمكن لنص دقيقةو بس لحتى تنخلط منيح و تتلون الكريما

19  الكاتب سارونات, on 28-02-2009 20:01 السلام عليكم و رحمة الله و بركاته  اختي منى يا احلى اخت بالدنيا ما بعرف كيف بدي اتشكرك شو هالكيكة اللي بترفع الراس طلعت بتجنن شكلا و طعما و كل شي عنجد هيك محلات الحلويات يعني ما عم بعرف كيف بدي اوصفهانفشت كتيير و طرية و لذيذة و خفيفة و هشة و كل شي و خصوصا لما بردت منيح طلعت اطيب و اطيب     ربنا يجازيك كل خير اختي منى و الله يوفقك يا رب دنيا و اخرة انت و كل اللي بتحبيهم و الله يحبب فيكي خلقه اكتر و اكتر و يديم عليك و على كل اللي بتحبيهم الصحة و ينور قلوبكم و يجازيكم الجنة    اخت يمنى لا تنسي تقدري الردود اللي فوق هالرد مشان السؤال    سلام

20  الكاتب DOUHA, on 18-03-2009 13:22 انا مبارح جربتو وطلع هاااااااااااااااائل مرسي منى بس ياريت تكتبي الزيت ضمن الطريقة ومرسي

21  الكاتب منى, on 18-03-2009 18:39 هلا ضحى     الف هنا و الف عافية على كل لقمة , بس شو ضحى الزيت موجود بالمقادير     مرة تانية الف صحة و هنا , كتيرر انبسطت انه عجبك

22  الكاتب DOUHA, on 31-07-2009 19:15 اليوم رجعت عملتوا وطلع واووو  جد يا هيك مقادير يا اما بلاااا

23  الكاتب منى, on 31-07-2009 20:10 هلا ضحى     و الله معك حق بشغلتين , الاولى ان هل الكاتو وااو و التانية ان مقاديره مزبوطة ..    يعني الي بالي بالك عقدني و بعدها قلت خلصونا و حذفته سماح ايه ضحى

24  الكاتب شيرين, on 25-11-2009 13:13 مرحبا منى كيفك؟هالكاتو عمل كومة مشاكل .عملته البارحة وريحته الرائعة طغت على البيت و لما طالعته هجم جوزي عالمطبخ وأصر أنو أقطعله حتى ياكل منه و لما قلتله أنو تاركته لبكرا و لسا بدي أحشيه بكريما البرتقال وأزينه بالكريما زعل من كل عقله .بس اليوم لما داقه بعد ما صار جاهزانبسط و حبه كتييييييييير.تسلم ايديك فعلا بيجنن.كالعادة وصفاتك مقاديرها مزبوطة جدا و بتجنن. الله يخليلنا اياك و كل عام و أنت بألف خير

25  الكاتب farah, on 10-01-2010 23:54

26  الكاتب منى, on 11-01-2010 11:36 هلا شيرين   لا الله يبعد المشاكل , ما الا قدرتها و الله . ان شاء الله الف هنا و صحة . يا مزوءة ردك الحلو من زووءك حبيبتي     ان شاء الله انت بخير و ينعاد عليك و على كل عيلتك بالخير و البركة

27  الكاتب Mays, on 02-02-2010 05:23 فعلا كلمة رائع قليلة على هالكاتو  انا جربته مرتين قبل إمبارح و كتير حبوه الأولاد و كمان امبارح طلبوه إعملهن ياه بس للأسف كان الموقع ما عم يفتح و أنا ما كنت كاتبة المقادير ، المهم قلت خليني جرب هالذاكرة لشوف شو حيطلع.  و متل ما توقعت الذاكرة طلعت تعبانة كتير و طلع شي بيشبه كاتو البرتقال بس أكيد مو هو   و الأولاد قالو لي : ماما إنتي متأكدة إنو هاد نفسه إللي عملتيه من قبل   و طبعا حتى ما خجل حالي معهن قلتلن طبعا ماما هو نفسه ، بس البرتقال هالمرة مو كتير طيب ، مشان هيك انتزع الكاتو     و طبعا اتعلمت درس مفيد كتير ، هو إني إكتب المقادير على الدفتر و افتحه و تبع متل الشاطرين و ما اعتمد ع الذاكرة

28  الكاتب منى, on 02-02-2010 08:08 وووااخ ميوس , يلا خيرها بغيرها .    سبحان الله انا امبارحة عملت هل الكيك و هلا قايمة احشيه , بقى اذا على بالك كاتو برتقان من برتقان طيب رح ابعتلك على الايميل     هنا و الف صحة على المرات اي نجحت و بوسات للاولاد

30  الكاتب منى, on 03-02-2010 10:50 امين يا رب و انت كمان

31  الكاتب جمان, on 22-04-2010 20:49 السلام عليكم أختي منى.    منذ فترة طويلة وأنا أتابع الموقع. جهد رائع سلمت يداك.  سؤالي عن هذه الوصفة: قررت تجربتها اليوم، لكني بصراحة فوجئت بالمقادير. 3 أكواب ونصف طحين شفتها كثيرة، وكمان السكر. فهل تقصدين بالكوب هو الذي مقاسه 250 مل؟ وبصراحة أنا من فترة طويلة لا أجرب أي وصفة مكتوبة باللغة العربية لهذا السبب. المواقع الأجنبية كلها تكتب المقادير بالمل والجرام، أو الملعقة المقاس العالمي (ملعقة صغيرة، ملعقة شاي، ملعقة طعام.. إلخ). لذا أرجو منك توضيح هذه المعلومة، لأني خفت أجرب وأتورط بالكمية، خصوصا انه عيني فيه بس ما عندي أكّيلة في البيت

32  الكاتب منى, on 23-04-2010 11:40 هل الكيك كميته كبيرة , فيك تقسمي المقدار على نصفين و تستعملي 2 بيض من حجم صغير . ما دام ما عندك اكيلة    الكوب الي استعمله هو كوب الشرب العادي , انت فيك تستعلمي الكوب المعياري لهل الوصفة ..    وصفة ما بتتفوت جربيها و ما بتدمي ان شاء الله

34  الكاتب منى, on 17-05-2010 13:08 مممممم     هنا و الف صحة يا رب , حو تعبير دافية

35  الكاتب فرفوشة, on 05-06-2010 20:10 واااااااااااااااو شو طيبة   يسلمو إيديك يارب يا منمونة  جربتها لما رحت ع بيت أهلي بما إنه العيلة كبيرة وبتشجع لعمل الكاتويات   عجبتون كتييير  بس انا ما قدرت أفتح الكيكة وأحشيها لأنه عملتها بقالب كبير فحطيت الكريمة على الوجه وزينتها بشرايح برتقال   طلعت بتاخد العقل

36  الكاتب منى, on 06-06-2010 07:24 صحتين و الف هنا و عافية على البك و الب افراد العيلة كلهم , غير شكل اللمات الجلوة     انبسطت انه زبط معك و عجبك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved