بياض 4 بيضات كبيرات بحرارة الغرفة
كوب سكر عادي
ربع ملعقة صغيرة ملح
نصف كوب طحين
فانيليا
2 كوب و نصف جوز الهند المبشور

تعليقات (42)

1  الكاتب linda, on 20-08-2007 14:09 السلام عليكم ورحمة الله وبركاته    والله العظيم كنت بدي اسألك عن هل الاكلة   هلاء عملتها وبدون مبالغة طلعت كأنها جاهزة كطعم   بس كشكل ما طلعت كرات طلعت شكلها اقراص   ساخت بس حطيتا بالفرن   شكرا الك كل الشكر

2  ريتو مية ألف صحة و هنا الكاتب منى, on 21-08-2007 09:15 هلأ ما دام البسكويت ساح معناها ما كنت خافقة بياض البيض منيح     شوفي في طريقة أسهل لهل البسكويت ..    نفس المقادير بس استبدلي السكر و بياض البيض بثلثي كوب من الحليب المكثف المحلى   اخلطي بالأول جوز الهند و الطحين و الملح و الفانيليا و بعدها أضيفي الحليب المكثف المحلى و قلبي لحتى يتجانس المزيج و اسكبيه في الصينية بالملعقة الصغيرة و بعدها خبزيه     هلا ليندا و انبسطت كتير ان جربتي واحدة من وصفاتي

3  الكاتب بدور, on 21-08-2007 16:37 يا ربي أنا بأي طريقة أعملها   شو هو الحليب المكثف المحلى؟ نفسو قشطة نستلة؟   و اذا ممكن بئدر استبدل ورق الزبدة بشرائح رقيقة زبدة أنا بقطعها؟ لإني ما بعرف ورق الزبدة   لا تحسبيني كتير غبية بس جديدة عالمهنة   يسلمو ايديكي شكلها كتير مشهي أنا كمان رح جربا.

4  هلا بدور الكاتب منى, on 22-08-2007 07:19 ممممم     الطريقة التانية أسهل بس الطريقة الأولى بحسها أطيب ..     هلأ الحليب المكثف المحلى هو من نستله بس مو قشطة , اسمه حليب مكثف محلى بيجي بعدة قياسات     و إذا بدك اعمليه بالبيت بيطلع تحفة و هي طريقة تحضير الحليب المكثف المحلى في البيت    منجي على ورق الزبدة     هو ورق رقيق و موجود بأي محل متخصص بكياس النايلون و الورق بالجميلية ادام المخفر في محل منيح أو بالتلل أو بالنيو تاون ..    و إذا مو موجود استعملي ورق الألمنيوم إلي منغطي فيه الصواني يلي بتنخبز بالفرن     و شو كمان ؟؟    زعلت منك على كلمة غبية , ليش أي واحدة جديدة لازم تسأل كتير إذا كان بدها تتعلم      أستنى أسألتك و نتائج تجربتك و ريتو بالصحة و العوافي مقدماً

6  ? الكاتب انو, on 15-10-2007 12:09 ليش لما اكتب تعليق ما بيطلع دائما

7  الكاتب منى, on 15-10-2007 13:24 مية أهلا و سهلا انو :    أختي التعليق ما بيطلع مباشرة لان لازم حدى من المشرفين ينشره     و دخيل الله لا تزعلي , ما لي قدرة على زعلك يا عسل     هلا انو ما دامها ساحت معك معناها مو خافقة البياض منيح , لازم البياض يصير متل الثلج و جامد و لما تقلبي الصحن ما ينزل منه و لا نقطة سائل , و هدا دليل على نجاح عملية الخفق   مع الحليب المكثف ما في داعي تاكلي هم خفق البيض , بس أنا بحس ان طريقة البياض أطيب

8  السلام عليكم الكاتب انو, on 17-10-2007 20:12 تسلمينا ان شا الله يا منى والله ما بعرف شو كان بدي اعمل من غير وصفاتك الطيبه وهو في حدا بدو يزعل منك

9  الكاتب منى, on 18-10-2007 08:22 الله يجبر بخاطرك و تسلمي على الكلام الحلو     إذا جربتي شي وصفة من الموقع يا ريت تخبريني , و بالعوافي و الهنا مقدما

11  الكاتب منى, on 21-10-2007 11:47 الله يسلمك انو   و هنا يا رب و مية صحة , و إذا الوصفة ما ضبطت فيك تقوليلي و ممكن حاول ساعدك لحتى تطلع تمام

13  الكاتب منى, on 14-01-2009 11:10 هلا أم كريم   مية هلا و الف صحة و عافية و هنا انك جربتيهم و عجبوك و كمان ظبطوا معك , الله يسلمك أختي و هادا بس من زووءك

15  الكاتب منى, on 23-02-2009 17:22 هلا ايمي     على شو الاسف و الله ما فهمت ,     ان شاء الله بتكون عزومتك و لاا اطيب و لا الذ و الصينيتين لان هل المقدار كبير و ما بيقدي صينية واحدة بيلزمنا صينيتين و كل ولحدة نمليها بكرات جوز الهند

17  الكاتب منى, on 24-02-2009 08:57 هلا أختي   احبك الله الذي احببتني فيه , و ان شاء الله ربي يديم المعروف دايما ,    و لا يهمك انا هون تحت الامر و الخدمة و اي سؤال تاني تكرمي

18  الكاتب رنا, on 03-05-2009 13:54 شكرا كتير منى هالوصفة كتير بحبها وماكنت شايفتها بالموقع  بصراحة جربتها وطلعت طيبة ...بس كانت طرية لما طلعت من الفرن بس بعد كم ساعة يبسوا ؟؟ياترى في شي غلط لاني خفقت البيض كتير كتير منيح ومابقي ولا نقطة سائل بس يمكن لانه ماغطيتهن بنايلون او شي

19  الكاتب منى, on 03-05-2009 15:33 لان ما غطيتيه يبسوا مو من الخفق , بالعكس الخفق المنيح هو سر نجاح الوصفة , نبعتيني لهل النقطة لازم ازكر هل الشي بالوصفة

20  الكاتب رنا, on 05-05-2009 21:11 صح منى لانه كانوا كتير زابطين وانا رجعت بذاكرتي لماكنا نشتريهن من المحل يكونوا مغلفين تغليف بالنايلون يلا الواحد بيتعلم

22  الكاتب منى, on 09-11-2009 10:29 ان شاء الله تجربيه رنونة مرة تانية و تكون على زووءك

23  الكاتب منى, on 09-11-2009 10:33 هلا اماني   ممم , المفروض انها مقرمشة من برة و من جوى طرية , ما بعرف كيف طلعت معك ..    بكل الاحوال الف هنا و صحة و عاافية و ان شاء الله المرة التانية تطلع متل ما بدك تمام

24  الكاتب gsm, on 26-12-2009 17:48 السلام عليكم منى من شوي طلعت البسكوتات من الفرن كتيير طلعت طعمتهن طيبة بس متل ما صار مع الأخوات فرشت كتيير وصارت البسكوتة منبسطة مع إنو خفقت البياض منييح لحتى تشكلت قمم وقلبت الصحن وكان جامد بس ما بعرف انا ضفت السكر بعد ما خفقت البيض وخفقت السكر مع البياض بالخفاقة بشكل تدريجي ما بعرف شو السبب ؟ يا ريت تفيدينا ولك جزيل الشكر

25  الكاتب منى, on 26-12-2009 18:57 و الله اختي ما عندي فكرة , ان شاء الله رح نزل الوصفة بالخطوات المصورة لحتى يصير كل شي اوضح

27  الكاتب منى, on 27-12-2009 10:21 ابوس عينك و لا يهمك , الله يخليلي ياكن يا احلى اخوات

28  الكاتب hajar, on 18-05-2010 03:10 يممممممممم لازم اكيد جربا شكلا بتجنننننن يسلمووووووو

29  الكاتب نجمة, on 08-01-2011 12:37 السلام عليكم شكرا كتييير عالوصفة والله بعد ما جربتها ما حسيت حالي إلا بحلب على أد ما نجحت وطلعت متل الجاهزة لأنو هون بالسعودية ما في منا طيبة متل وحدة حلب بتعرفي كل بلد إلو أكلاتو الله لا يحرمنا منك ولا من أكلاتك الطيبة

30  الكاتب منى, on 09-01-2011 07:53 الله يسلمك هاجر , مية هلا اختي               هلا نجمة   الف الف صحة و هنا و عافية على البك ’ شة انبسطت انها زبطت معك و عجبتك و الله يهون الغربة عليك و ترجعي سللمة و غانمة

32  الكاتب مزهرة, on 19-03-2011 20:24 سلم هالايدين ياحق اليوم جربت الوصفه وطلعت ولا احسن من هيك ذكرتني بكاتو جوز الهند تبع الجديده بحلب

34  الكاتب منى, on 05-07-2011 19:48 لا ما بدها تقمير , بدها بس نخليها تتحمر شي بسيط يا ترى كنتي مغطيتيها منيح ؟  صحتين و الف الف عافية على البك و الب كل مين داقها

35  الكاتب منى, on 05-07-2011 20:01 هلا اسراء)  صحة و الف الف عافية يا حق بكل لقمة   اذا ما نشف قلبهن منيح فيك تخففي النار , بس اتركي العيار على حاله لحتى تبقى زابطة

36  الكاتب منى, on 05-07-2011 20:04 هلا مزهرة   ما بتعرفي اديه انبسطت انها عجبتك , صحة و عافية بكل لقمة و ان شاء الله تعيشي و تعملي

39  الكاتب syrian girl, on 15-01-2012 02:01 شكرااا كتير مدام منى بصراحة انا جربتا وطلعت احسن وصفة   بس في مشكلة اني حسيتا شوي قاسية   شو الحل؟؟؟

40  الكاتب منى, on 17-01-2012 07:49 اذا طلعت قاسية فالمرة التانية خليها وقت ااقل بالفرن   و ان شاء الله بتزبط متل ما بتحبي و اكتر

42  الكاتب منى, on 23-01-2012 11:48 هلا حبيبتي   شرفتي الموقع

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved