فطيرة لذيذة الطعم و جميلة الشكل تلفت النظر في كل بوفيه أعملها ..

تحضر الحشوة أساساً من البصل و الثوم و الفطر مع الدجاج المسلوق و يمكن إضافة الخضر المختلفة كالذرة و الفليلفة الحمراء و الخضراء لمزيد من الألوان و النكهات ..

بالصحة و الهنا

زلال بيضة
ملعقة كبيرة حليب
رشة صغيرة فلفل أبيض

·          يسلق الدجاج و يضاف عود زعتر أخضر لمرق السلق في حال توافره و يترك حتى ينضج تماماً ثم يفرم لمكعبات .

·          يفرم البصل و الجزر لمكعبات صغيرة  , يهرس الثوم و يفرم الفطر .

·          يقلب الجزر و الفطر بالزبدة حتى ينضج الجزر قليلاً ثم يضاف البصل و يقلب حتى يطرى , يضاف الثوم و يقلب الكل لدقيقة إضافية  ثم يضاف الدجاج المسلوق و يقلب لبضع دقائق أخيراً  يرش الملح و البهار و تضاف البازلاء , أصبحت الحشوة جاهزة تترك جانباً حتى تبرد  .

·          يمزج مرق الدجاج مع علبة القشطة .

·          تدهن صينية بايركس أكبر قياس بالقليل من الزبدة ثم تمد إحدى رقاقتي الباف باستري في الصينية .

·          تغطى العجينة بالحشوة المجهزة ثم تغطى بمزيج الكريما .

·          تمد الرقاقة الثانية من عجينة الباف على طاولة العمل ثم تقطع إلى أصابع طويلة باستخدام سكينة حادة .

·          ترتب أصابع العجين المقطعة على وجه الحشوة بشكل متراكب حتى الحصول على شكل يشبه الشبكة ( كما ظاهر بالصورة ) .

·          يخلط زلال البيضة و الحليب و الفلفل الأبيض و يدهن بها وجه الفطيرة ثم تخبز في الفرن المحمى على درجة حرارة 180 حتى تنتفخ و تشقر .

·          و هي شكل الفطيرة و هي مقسومة .

 

تعليقات (22)

2  الكاتب منى, on 04-11-2007 15:11 هلا بتول     أختي الباف باستري نوع من أنواع العجائن الجاهزة التي تباع في السوبر ماركات   و هي عبارة عن عجينة مورقة ..    ما دامك بسوريا فأفضل نوع هو عجينة الباف باستري من أبو اللبن و العلبة الواحدة فيها رقاقتين رح نستخدمهم لهل الوصفة

3  hi الكاتب بتول, on 04-11-2007 20:12 اختي منى بصراحة انا كتير معجبة فيك و بنشاطك يا ريت تسمحلي الفرصة اتعرف عليك على فكرة انا كمان ادب انكليزي للعام 97-98 لكن للاسف حرقة في قلبي اني وصلت للرابعة ولم اتخرج حتى الان بسبب الزواج و الاولاد الله يخليهن يا رب انا و صديقاتي منقول انا سامعين كتير باسمك بس ما بعرف اذا صدف وشفتك بالكلية او لا على كل حال أنا أعتبر نفسي محظوظة باشتراكي بالموقع و اقبليني أخت جديدة لك و شكررررررررررررررررررا

4  الكاتب منى, on 05-11-2007 12:09 هلا بتول     معنى كلامك انك عم تعمليلي دعاية بين رفقاتك ..    يمكن سامعين بالاسم لان كنا كلياتنا بنابلس , بس انا دخلت للكلية بعد ما اتجوزت ب2001    يمكن انتي كنت مع اختي أية     و الله صعبة كتير انك تركتي الدراسة باخر سنة , يلا اذا الله راد بس يكبروا شوي بتكملي و هي سنة بتخلص كيف ما كان    الله يجبر بخاطرك يا عسل , و مية أهلا و سهلا فيك       سؤال ؟ كيف اتعرفت على الموقع ؟

5  hi الكاتب بتول, on 05-11-2007 18:56 اهلين بالحلوة بصراحةانا من كثر ما عجبني الموقع حكيت عنه لكل رفقاتي وأهلي و أقربائي و توقعي هجوم مؤنث على الموقع -- انا تعرفت على الموقع عن طريق منتدى لك تحياتي لك ولاختك ولكل آل الصابوني ع راسي والله (الله يجبر بخاطر الكل قولي آمين)   و هلق باي يا قمورة

6  الكاتب منى, on 06-11-2007 10:07 كلك زووء بتول     أمين يا رب , و مية أهلا و سهلا فيك و بكل رفقاتك و قرايبك و أهلك     سلام يا عسل

7  الكاتب ام نور, on 07-09-2008 15:31 منى انا ناوية جرب هالفطيرة غدا انشالله لان عندي كل المكونات بس عندي سؤال اذا ممكن لما نحط الكريما مع المرقة العجينة ما بتش وفينا نستغني عن المرق والجزر فينا نحطو مسلوق لان اسرع

8  الكاتب منى, on 07-09-2008 20:11 ما رح يصير فيها شي , رح تطرى شي بسيط , و اذا مو عاجبك ممكن تستغني عنه الجزر ما دامك رح تفرميه ناعم ما بياخد وقت يا دوب كم دقيقة     انت شاء الله بتعجبك حبيبتي و لا تنسي تخبريني شو بيصير معك

9  الكاتب رنا, on 13-04-2009 14:00 صارلي كم يوم عم فكر بهالاكلة وجعوني رجلي من كتر مارحت وجيت على هالصفحة بس خلص اليوم اتخذت القرار   بس عندي سؤالات ياستي هلأ عجينة الباف باستري مابتكون رقيقة يعني بدك تقولي 2سم هيك شي هلأ العجينة يلي عنك هيك حجمها ؟؟طيب اذا هيك انتي بترقيها ولا ببتركيها متل ماهي بقصد بهالسماكة لانه انا متوفرة عندي هالعجينة بس مربعات وانا بطالعهن قبل بشوي بعدين بلزقهن ببعض هديك المرة جربتها بالضفيرة ومشي حالها بس سؤالي هون انهارقهن للمربعات ولااوصلهن متل ماهنن   بعدين انا شايفة بالصورة انه صاير عندك حواف من العجينة يعني انتي بتطالعي العجينة لحواف الصينية ولا بس عالارضية .؟؟  خلصوا سؤالاتي الله يعطيكي العافية ويطووول بالك

11  الكاتب منى, on 15-04-2009 12:52 هلا رنونة   عجبتني من كتر ما رحت و جيت للصفحة , ان شاء الله ما رح تندمي     العجينة بتكون رقيقة , كيف 2 سم , عجينة المربعات ما بتصير , العجينة المطلوبة عجينة مستطيلة الشكل , ما بعرف كيف ممكن تعكلي بالعجينة المربعات , و الحواف على كيفك ممكن تخليهم و ممكن تخلي العجينة بس للأرضية     نخبزها بالول من تحت و بس ما اشقرت اذا بقي في داعي نخبزها شوي من فوق

12  الكاتب رنا, on 15-04-2009 17:58 ايووووووووووه  ياستي انا هالعجينة بتعمل حماتي فيها الاوزي وانا حبيته وحسيته كتير تغيير شكل عن العجينة هديك الرقيقة كتير يعني عجينة الرقائق   كنت مخبية الفروجات لاعمل هالاكلة بس بماانه احترت بالعجينة رح استنى لروح عالسوبر ماركت واليوم احترنا بالطبخ قام عملت عالفروجات رز صيني ببقا بس جربها بخبرك  بس انا استغربت كيف عجينة الباف باستري عندك رقيقة ؟؟ يعني رقيقة كتير متل الورق؟  انا وقت بتساويها حماتي للاوزي بترقها شي كم رقة وبعدها بتحشيها ؟؟يعني العجينة المطلوبة لهالوصفة رق الورقة ؟؟

13  الكاتب رنا, on 15-04-2009 18:09 يبعتلي شو غليظة رجعت وقريت ردي وشفت شو مخبصة ياستي العجينة اللي عندي بدك تقولي 2 ملم مو سم مافي كتير فرق ما عن جد اسفة كتير عم خربط بواحدات القياس

14  الكاتب منى, on 16-04-2009 06:56 ايه و لا يهمك , متعودة انا على هل الغلطات البسيطة .. لسا من يوميين الاولاد كان عندهم مذاكرات رياضيات و نتفت شعراتي , بس هلا كملت رح قصهن و اخلص منهن     العجينة المطلوبة هي الي ذكرتيها يعني بسماطةى شي 2 ملم و بعد الخبز رح تنفش ان شاء الله شوي و بتصير يميي

15  الكاتب dado, on 21-04-2009 19:57 عنجد كتير العنوان لابق للصورة   كيفك منوش؟  من زمان أنا غاطة.. اشتقتلك.  حابة جرب هالوصفة بعد كم يوم لأنو عندي عزيمة. بس عندي استفسارين:  1- بتنصحيني غامر وجربها عالعزيمة ولا اعمل فطيرة اللحمة ع طريقة سيما لأنو التانية مجربتها من قبل وطلعت كتير زابطة وطيبة.  2- قديش حجم عبوة العجينة؟ لأنو هون في أكتر من قياس : 375 غ و500 غ و750 غ ،فاي وحدة استخدم؟  وشكرا كتير الك.

16  الكاتب منى, on 21-04-2009 20:29 هلا دالو حبيبتي   انا دايما مشتاقة الك بالذات يا قمر و اتلهف لاقرا ردودك     الوصفتان قراب لبعض من المبدا و انصحك تجربي هل الوصفة من باب التغيير , و مقدار العجينة هو نفسه الي استعمنلتيه لفطيرة سمسومة

17  الكاتب dado, on 24-04-2009 18:08 مرحبا مرة تانية منى  بعتذر عم بزعجك بالأسئلة.. بس مالي غيرك استعين فيه لأني ما كتير بفهم باللحومات   ممكن ساوي الحشوة قبل بيوم من تخضير الفطيرة؟  و ذا كان ممكن.. بتنصحيني خلي إضافة القشطة والمرق لقبل وقت الخبز مشان الحشوة ما تمتص السوائل؟  شكرا كتير و جازاك الله كل خير

18  الكاتب منى, on 25-04-2009 13:26 هلا دالو     و لو حبيبتي انا بخدمتك و تحت امرك دايما   الحشوة اكيدة ممكن تحضريها و تتركيها بالبراد و بيوم الاعزيمة عودي طبقيها و حطي فوقها المرقة مع القشطة .    ان شاء الله بتزبط معك و تعجب ضيوفك

19  الكاتب dado, on 27-04-2009 17:02 هاللو    مبارح حضرتها لضيوفي وطار عقلهن فيها.. وزوجي ما حب ياكل غير قطعة زغيرة على الغدا مشان يزيد منها ويستفرد فيها بعدين   عنجد منظرها كتير حلو وريحتها بتشهي ومرتبة كتير... وبظن إنو توزيع العجينة هيك أحسن مو بس مشان الشكل وإنما حتى مشان ما تطلع معجنة من فوق.   جهزت الحشوة قبل بيوم وطبقتها وقت التقديم وكانت تمام التمام .  شكرا كتير يا قمر

20  الكاتب gsm, on 12-03-2010 14:25 سلام عليكم منونة بصراحة انا جربت الفطيرة من كذا يوم وانبني ضميري انو كيف بجربها وما اخبرك على النتائج بصراحة كتيير الوصفة كانت ظريفة وتغير شكل عن اكلات الدجاج التقليدية بس مشكلتها بدها شي جنبها لأنو لحالة كتيير ناشفة وفكرة اضافة القشطة مع الخلطة كانت رهيبة عططتها طراوة رائعة للحشوة بالاضافة لشوية دسامة ظريفة يسلموا ايديك يا رب لأنو انا صاير فيني عم اجرب كم وصفة قبل ما يجوا لعندي بيت حماي خطي خليني اجرب بزوجي بلا ما اجرب فيهن مع انو يللي بياخد وصفاتك ما بيندم الله يجزيك الف خير على هل الموقع ويخليلك ولادك يا رب عن جد انتي المنقذة وقت الازمات

21  الكاتب اللزيزه, on 24-04-2011 15:31 رح جربها ان شاء الله اعملت العجينة وهيها بتلاجه وان شالله تزبط

22  الكاتب marmour, on 06-11-2011 11:35 من اطيب الوصفات اللي جربتها واللي صارت تنطلب مني وين ما رحت طبعا انا عملت خليط من طريقتها مع طريقة فطيرة الشاورما والنتيجة بتجنن

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved