من المطبخ السوري , وصفة شتوية لذيذة كتير منقدمها كطبق رئيسي مع الليمون والخبز المحمص . و هل الوصفة الها خوات كتير في تركيا و لبنان و غيره سواء من ناحيةالاسم أو المقادير , بس وصفتنا الحلبية غير شكل .
بالطريقة الاصلية نطبخالرز مع العدس لحتى يستوي , بس هلا بعد التجربة اكتشفت ان اذا انطبخ الرز لوحدهاسهل , اول الشي ما بيعلق و تاني شي ما بيخبص , بقى اذا حابة تطبخي الوصفة بالطريقةالاصلية , بعد ما تسلقي العدس و تطحنيه بتضيفي نصف كاسة من الرز المصري المنقوع وبتخلي الرز يستوي بقلب العدس .
كمان شي تاني , ممكن البصل تقليه جوانح وتقدميه حد المخلوطة , و كل واحد بيضيف على كيفه و متل ما بيحب , انا بحب اطبخ البصلبقلب المخلوطة , بحسها هيك يممي اكتر الشي .
بالصحة و الهنا
2 كوب عدس أحمر مجروش 3 – 4 ليترمرق دجاج أوماء نصف ملعقة صغيرة كمون 4 - 5 ملعقة كبيرة أرز مصري مطبوخ 4 ملعقة كبيرة زيت زيتون أو ملعقة كبيرة سمنة بلدي نصف كيلو لحمة غنم مفروم ناعماً نصف ملعقة صغيرة بهار مشكل 2 حبة بصل كبيرة
للتقديم :
خبز محمص فليلفة ناعمة بودرة عصير ليمون
·يغسل العدس جيداً ثم يغمر بثلاثة لتر من مرق الدجاج و يتبل بالكمون و يضاف الملح حسب الحاجة ثم يوضع القدر على نار متوسطة و يترك حتى يغلي , تهدى النار و يغطى القدر و يترك العدس حتى ينضج تماماً .
·يوضع مزيج العدس في خلاط الكوكتيل و يخفق حتى يصبح ناعماً ثم يعاد للقدر و يضاف المزيد من المرق إذا كان المزيج سميك و يترك حتى يغلي . ·تقلى البصل بزيت الزيتون أو السمنة حتى يشقر قليلاً , تضاف اللحمة و تقلب على نار قوية و تفكك بالملعقة حتى تنضج و يجف كل مرقها ثم تتبل بالبهار .
·قبل التقديم تضاف اللحمة و البصل المقلي و الرز للمخلوطة و تترك لتغلي بضع دقائق فقط ثم تسكب في طبق التقديم و تزيين بالفليلفة الناعمة و تقدم مع عصير الليمون و مكعبات الخبز المحمصة .
تعليقات (17)
