L2ma.com | لقمة طيبة | L2ma.com | لقمة طيبة | كرات البطاطا الملونة | البطاطا, حتى, · , مفروم, ملعقة | L2ma.com

القائمة الرئيسية

الأكثر تصفحاً

كرات البطاطا الملونة

الكاتب/ منى

14/08/2007

فكرة جيدة لتقديم البطاطا ..

تسلق البطاطا ثم تهرس و تتبل ثم تشكل لكرات و ترش بالفليلفة الحمراء الناعمة أو السمسم أو الكمون أو حبة البركة حسب الرغبة و الذوق ...

سيكون لكل فرد من أفراد العائلة نوع مفضل ..
الكرة المغلفة بالفليلفة الحمراء هو نوعي المفضل ..

بالصحة و الهنا ...

4 حبة متوسطة بطاطا
رشة بهار و جوزة الطيب و ملح
رشة كاري ( اختياري )
2 ملعقة كبيرة مايونييز
2 ملعقة كبيرة زيت زيتون
ملعقة صغيرة لبنة
6 قطعة جبنة مثلثات
نصف كوب فطر مفروم ناعماً
صدر دجاجة مسلوق و مفروم ناعماً

للتزيين :

فليلفة حمراء ناعمة
سمسم محمص
بذور كمون
زعتر أخضر طازج
حبة البركة
جزر مبشور
بقدونس مفروم
direction

·          تسلق البطاطا حتى تنضج تماماً ثم تهرس و هي لا تزال ساخنة و تتبل بالبهارات ثم تترك حتى تبرد .

·          تضاف اللبنة و الجبنة و المايونيز و يقلب الكل حتى تتجانس كل المكونات ثم يضاف الفطر و صدر الدجاج المسلوق .

·          توضع خلطة البطاطا في البراد حتى تبرد تماماً ثم تخرج و تشكل بهيئة كرات كبيرة .

·          تنثر الفليلفة الحمراء و السمسم و الكمون و حبة البركة و الجزر المبشور و الزعتر الأخضر كل على حدة على كرات البطاطا حسب الرغبة و الذوق ثم تعاد للبراد و تترك حتى وقت التقديم .

·          هذه كرات البطاطا بتغليفة مختلفة .

أضافة إلى المفضلة (0) |

أقتباس | مشاهدات : 3784

تعليقات (13)

1 الكاتب linda, on 15-08-2007 15:32
ولي على ألبي :upset

ما شاء الله شكل رائع جدا
خرج بوفيه مفتوح خفيفة نضيفة و شكل بيجنن
يعطيكي العافية

2 الكاتب منى, on 15-08-2007 19:49
سلامة قلبك ليندا

تمام , بتطلع في البوفيات كتير حلوة و شكلها مميز

الله يعافيك و لا يحرمني من طلتك الحلوة على الموقع

3 ما شاء الله
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 19-08-2007 13:01
طبق طيب
جزاك الله خير

4 الكاتب منى, on 20-08-2007 00:56
بالأول بحب أرحب فيك بلسم عضوة جديدة و عزيزة

و تاني شي اسمك كتير كتير حلو

مية أهلا و سهلا

5 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 27-03-2008 10:15
بدي اسالك ست منى
لما بنرفش الجزر والفليفلة بيلزقوا على طول بالبطاطا ولا كيف ؟؟؟

6 الكاتب منى, on 27-03-2008 15:22
هلا وفاء

أختي بيلزقوا مباشرة لان البطاطا رح تكون طرية , بس انا قصدي الفليلفة الناعمة مووالفليفلة الحماء العادية

يا رب تجربيها و تكون على زووءك

7 الكاتب سارونات, on 20-02-2009 22:53
السلام عليكم و رحمة الله و بركاته

اختي منى فكرة كتير حلوة و شكلها بيجنن متشوقة اعف كيف راح تطلع طعمتها

هل فينا نستغني عن المايونيز او نعوضو بشي تاني
و هل ضروري دجاج و فطر مع بعض يعني هل فينا نحط بس واحد منهم
و ايضا هل ممكن الاستغناء عن اللبنة او تعويضها بشي تاني

بالتوفيق
سلام

8 الكاتب منى, on 21-02-2009 12:22
هلا سارونات

شو ما خليتي شي :grin

الوصفة انا هيك مجربتها و اذا حابة تغيري شي من المقادير ما بعرف كيف رح تطلع :roll

اذا بتحبي جربيها متل الوصفة بمقادير صغيرة وبعدها غيري فيها شي لحتى تصير على زووءك

9 الكاتب سارونات, on 21-02-2009 20:18
السلام عليكم و رحمة الله و بركاته

معك حق :grin

طيب اختي منى بتعرفي طريقة تحضير اللبنة بالبيت و ما بينفع لبن بدال اللبنة مو هيك
بالتوفيق
سلام

10 الكاتب منى, on 22-02-2009 10:09
أختي اللبنة بتتحضر من اللبن , حطي اللبن على شاشة ناعمة كتير على مصفاة و خليه كم ساعة لحتى ينزل منه المي الزيادة بتطلع عندك اطيب لبنة

11 الكاتب ام عمر, on 01-11-2009 19:08
تسلم ايدك يا منى جربتها وطلعت واااااااااااااااو روعة
على فكرة وحدة بعالم حواء لاطشتها وكاتبة انو من اختراعها؟؟؟؟ >>>>> وحدة ما بتحب قلة الامانة

12 الكاتب منى, on 01-11-2009 19:34
لك اااخ يا ام عمر , اذا كان بس على هل الوصفة معلش ..

بشتهي قول الله يسامحهن , بس بصراحة ما بتطلع من قلبي :roll

ااايه , المهم هلا الف صحة و هنا على قلبك و ريتو مطرح ما سرى مرى يا قمر

13 الكاتب منى, on 01-11-2009 19:37
لك اااخ يا ام عمر , اذا كان بس على هل الوصفة معلش ..

بشتهي قول الله يسامحهن , بس بصراحة ما بتطلع من قلبي :roll

ااايه , المهم هلا الف صحة و هنا على قلبك و ريتو مطرح ما سرى مرى يا قمر

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 09/11/2010 )

< السابق		التالى >

[ عودة ]