مافن لذيذ جداً جداً ..
يتميز عن باقي وصفات كاتو الجزر بإضافة البرتقال مما يعطيه طعماً و نكهة مميزة ..

يمكن أن تحضر الوصفة بقالب كيك عادي ثم يخبز في الفرن المحمى لمدة 45  دقيقة أو حتى ينضج و بعد أن يبرد يزين بالكريما و يقدم ..

بالصحة و الهنا

2 بيض بدرجة حرارة الغرفة
رشة فانيليا
كوب سكر ناعم
كوب طحين
ملعقة صغيرة قرفة
ملعقة صغيرة بيكنغ بودر
رشة ملح
ربع كوب زيت دوار الشمس
بشر و عصير برتقالة صغيرة ( ما يعادل ثلث كوب )
نصف كوب جزر مبشور ناعماً
ثلث كوب جوز محمص و مفروم خشناً ( اختياري )

للتزيين :

5 مكعبات جبنة طرية (  كيري ) أو 100 غ من أي نوع أخر مثل فيلادلفيا
ثلثي كوب سكر بودرة منخول
بشر و عصير برتقالة صغيرة

أنصاف جوز ( اختياري )

تعليقات (16)

1  الكاتب linda, on 15-08-2007 15:35 والله من جيت على هل البلد مشتهية اعمل اي اكلة حلو بالفرن   فرني غريب عجيب بيشتغل من جنب واحد من داخل الفرن بالصدر و بتشوفي النار طالعة فيه   مرة جربت ساوي كيك قام نفخ من جنب و ما استوى من الجنب التاني و ما عاد عدتها               بس اكيد يعطيكي العافية

2  الكاتب منى, on 15-08-2007 19:25 مشكلة الفرن هي صعبة     بتخلي الواحد يبطل يعمل أشياء جديدة     ممكن تجربي انك تدير الكاتو بنص مرحلة الخبز للطرف التاني لحتى تتوزع الحرارة بشكل متساوي على كل أطراف الكاتو

3  الكاتب بدور, on 16-08-2007 19:54 يم يم شي كتير طيب   شكلا هي الأكلة التانية يلي رح جربا   يسلمو إيديكي عنجد شي بشهي نيال أهلك عليكي

4  الكاتب منى, on 17-08-2007 11:00 ممممممممم    معنى الكلام ان في اول أكلة     يا ترى شو هي ؟؟  سلطة الجرجير و الا كاتو الموز     الله يخليك بدور و لا يحرمني هل الطلة الحلوة و الكلام المزووء

5  الكاتب بدور, on 19-08-2007 10:45 اول اكلة كاتو الموز و طلع طيب كتير على رأي أهلي بي أكيد مو متل شطارتك و بطيبة اكلاتك بس نشالله شوي شوي بتعلم اصير متلك

6  الكاتب منى, on 20-08-2007 00:49 ما شاء الله بدور     هي الوصفة مش سهلة و بدها شغل كتير و ما دامها نجحت معك فان شاء الله رح تسبقيني و صير انا اتعلم منك     صحتين و هنا يا رب

8  الكاتب منى, on 21-06-2008 17:41 لا ما أظن هاد السبب نوارة , ممكن تكون المواد الي استعملتيها باردة ؟ متل البيض و الطحين و عصير البرتقال , أو ممكن يكون الفرن انفتح أو أكل شي ضربة باول نص ساعة , في هيك شي و الا لأ ؟

10  الكاتب منى, on 22-06-2008 16:26 يلا منيح طعمتو طيبة , ان شاء الله المرة التانية بيظبط معك     انت الي ابوسك نوارة , يلا هانت كم يوم و بعزمك على الهمبرغر الشهيرة

11  الكاتب سارونات, on 25-08-2008 23:08 السلام عليكم و رحمة الله و بركاته  بتجنن هالوصفة اكيد البرتقال بالكيك في الو طعم خاص و كمان الجزر مع اني ماجربت كيك بجزر بس سمعت عن كيكة الجزر يا ريت ازا بتقدري اختي منى تحطيلنا ياها بشي يوم اكيد مو هلأ بس بعدين انا ناطرة موسم البرتقال تحتى ساوي كيك البرتقال بكريما البرتقال و كمان هالوصفة و يا ريت لو عندك كمان وصفات بالبرتقال تحطيهم شي يوم شكلي هالسنة راح ساوي هجوم على البرتقال   عندي سؤال مكونات الكريما تخفق بالخفاقة الكهربائية او بملعقة و هل يمكن الاحتفاظ بها في البراد لتاني يوم  و كمان يا ريت تقليلي كم حبة عملتلك تأعمل حسابي و كمان قوالب المافن مليتيهم للنص او ثلاثة ارباع   جازاك الله خيرا على كل الوصفات و على مساعدتك النا و جعله في ميزان حسناتك  بالتوفيق  سلام

12  الكاتب منى, on 26-08-2008 07:16 أكيدة ان شاء الله بس يجي موسمه رح نزل اله وصفات جديدة , عندي كتير وصفات زعلانيين مني بدهم اني اجربهم و انا بقلهم طولوا بالكم ليجي وقتكم     الكريما بتخفقيهم بمضرب السلك أو بالخفاقة الكهربائية بس اهم الشي ان السكر يكون بوووودرة ناعمة تمام و فيك تحتفظي فيها بالبراد لتاني يوم شرط تغطيها منيح لحتى ما تنشف, هلا ما بذكر كم حبة عملت لي بس لما بحضر الوصفة بقالب كيك بتعطيني قالب من الحجم الوسط و القوالب لنصفهم بمليهم     من عيوني اختي أي سؤال انا حاضرة

13  الكاتب نهى, on 19-10-2008 08:00 يعنى ما ينفع اعملها بالخلاط مثل الكيك العادى ولا لازم مضرب البيض؟؟

14  الكاتب منى, on 19-10-2008 09:15 اختي انا قليل ما اعمل كيك بالخلاط , كله بمضرب البيض . بس في كتير من الستات بتحضر كل الكيك بالخلاط و بينجح معاها , ممكن تجربي و تخبريني اذا ظبطت او لا

15  الكاتب نهى, on 19-10-2008 13:46 انا كنت باعمل كله بمضرب البيض بس في مصر..  ولما جيت هنا ماعنديش مضرب بيض للأسف بس كل الكيك اللى باعمله بالخلاط بيطلع حلو  ح اجرب وربنا يستر

16  الكاتب منى, on 21-10-2008 17:04 و انا بانتظار النتيجة و انشاء الله بيطلع لذيذ و بيظبط معك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved