L2ma.com | لقمة طيبة | L2ma.com | لقمة طيبة | سندويش التوشكا | اللحمة, · , على, صغيرة, الجبنة | L2ma.com

القائمة الرئيسية

سندويش التوشكا

الكاتب/ منى

12/08/2007

من السندويشات اللذيذة و السهلة و التي تنفع كوجبة عشاء سريعة ..

بالصحة و الهنا

نصف كيلو لحمة غنم مدهنة قليلاً
جبنة بيضاء مقطعة شرائح رقيقة
نصف ملعقة صغيرة بهار مشكل
نصف ملعقة صغيرة بهارات السجق الجاهزة
رشة صغيرة قرفة

خبز عربي
ملح حسب الحاجة
direction

·          تدعك اللحمة مع البهار و القرفة و القليل من الملح مراعاة لملوحة الجبنة .

·          تقسم أرغفة الخبز إلى أربع أرباع ثم تمد طيقة من اللحمة في أرغفة الخبز المقسمة .

·          تمد شرائح من الجبنة فوق اللحمة بحيث تغطيها .

·          تشوى سندويشات التوشكا في صينية تيفال على نار متوسطة و تقلب على الوجهيين حتى تنضج اللحمة و تذوب الجبنة و يمكن شويها أيضاً على الفحم فتأخذ نكهة لذيذة جداً .

أضافة إلى المفضلة (0) |

أقتباس | مشاهدات : 4719

تعليقات (13)

1 الكاتب بدور, on 12-08-2007 19:26
انتي مصرة كل يوم تجوعيني قبل ما أروح عالبيت :grin

يسلمو إيديكي عنجد شي كتير كتير طيب و مشهي من الشكل بس, فشلون رح يكون الطعم :zzz

2 الكاتب منى, on 13-08-2007 06:32
كل ما جعت بتاكل أطيب

تسلمي على زووءك و كلامك الحلو

نور الموقع بدور

3 الكاتب سارونات, on 12-10-2008 21:39
السلام عليكم و رحمة الله و بركاته
يا فرحتي انا بالجبنة البيضااختي منى بينفع نستعمل جبنة مثلثات نقطعها شرائح او بستعمل الجبنةالبيضالكبيرة الطويلة اللي يسهل تقطيعها لشرائح
السندويش مبينتو طيب و شكلو كتير حلو
اختي منى بدي اعرف كمية اللحم هي كم سندويش عملتلك لان راح ساوي بس كمية صغيرة تحتى احسب حسابي و كمان لازم صينية تيفال ما بينفع صينية عادية او راح تلزق و هل فينا نحطن فوق ورق المنيوم تحتى نتفادى انهم يلزقو او يحترقو
جازاك الله خيرا اختي منى و جعله في ميزان حسناتك
بالتوفيق
سلام

4 الكاتب منى, on 13-10-2008 09:16
هلا اختي

لا اكيد ما بينفع جبنة المثلثات , و الجبنة البيضاء الي حكيتي عليها أظن انها بتنفع :roll

, الكمية على التحديد ما بذكر بس ممكن 3 أرغفة عربي من الحجم الوسط , بس مو متاكدة , أختي لازم التيفال لان رح تلزق , مو ضروري صينية اذا عندك طواية بيصير و إذا كان و لا بد ممكن تجربيها على صينية عادية بس عينك تبقى عليها , انا مو مجربتها

5 الكاتب رندوش, on 01-06-2009 11:43

ما شاء الله بيشهي رائع

6 الكاتب منى, on 01-06-2009 12:03
هلا رنوشة

لا حبيبتي مسحي دمعاتك , يلا أحلى سندويش توشكا لعيونك خلال دقيقتين او تلاتة و سخن كمان

7 الكاتب رندوش, on 01-06-2009 20:19
جربتها يا منى تسلمي بتشهي ممممممم
الله يبارك فيك يا رب :grin

8 الكاتب هادينة, on 18-03-2010 12:32
يسلمو منى مشي الحال تفعل التسجيل امبارحة جربت هالاكلة عملت نص السندوشات توشكا ونصهم ماريا شو طلعو طيببين مع صحن تبولة وعصير زكرتيني بحلب وايام حلب :zzz

صار كتير جربت وصفات يعطيك العافية يا شطورة

9 الكاتب منى, on 23-03-2010 09:00
هلا هادينة

الف صحة و هنا و عافية يا رب بكل لقمة , الله يعافيك و يخليك يا رب

10 الكاتب violet, on 04-05-2010 20:38
بس هيك يعني مابدا بندورة ما بندورة
بتذكر انو يمكن اكلت منها مرة كان الها خضار
عكل يمكن مخربطة ويسلمو كتير

11 الكاتب منى, on 06-05-2010 12:59
هديك الماريا الي بدها بندورة ما بندورة

12 الكاتب رغد غسان علاء الدين, on 27-02-2011 12:49
ممم من الوجبات المغرية والشهية جدا..أنا بعملها بنفس الطريقة لكن ما خطرتلي فكرة القرفة..رح جربها انشالله..تسلم إيديكي يا شطورة الشطورات

13 الكاتب منى, on 27-02-2011 18:29
الله يسلمك رغودة حبيبتي و منور قسم السندويشات بطلتك :zzz

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 14/10/2010 )

< السابق		التالى >

[ عودة ]