L2ma.com | لقمة طيبة | L2ma.com | لقمة طيبة | قوارب الكوسا غراتان | · , حتى, الكوسا, الصلصة, كوب | L2ma.com

القائمة الرئيسية

الأكثر تصفحاً

قوارب الكوسا غراتان

الكاتب/ منى

03/08/2007

وصفة جميلة بالشكل و بالطعم و شكلها حلو في أي بوفييه ..

بالصحة و الهنا

كيلو كوسا متوسطة الحجم
كوب مرقة دجاج

الحشوة :

ملعقة كبيرة زبدة
حبة متوسطة بصل مفروم ناعماً
فص صغير ثوم مهروس
نصف كوب فطر مفروم لمكعبات متوسطة
نصف كيلو لحمة مفرومة
4 – 5 حبة بندورة مقشرة و مفرومة
ملح
نصف ملعقة صغيرة بهار مشكل

الصلصة البيضاء :

2 ملعقة كبيرة زبدة
3 ملعقة كبيرة طحين
2 كوب حليب
رشة فلفل أبيض
رشة جوزة الطيب مبشورة طازج
1 – 2 ملعقة قشطة ( اختياري )

للوجه :

كوب أو أكثر جبنة صفراء مبشورة
direction

تحضير الحشوة :

·          تذوب الزبدة على نار متوسطة ثم يقلب فيها البصل و الثوم حتى يطرى , يضاف الفطر و يقلب الكل لبضع دقائق إضافية .

·          تضاف اللحمة المفرومة و تقلب حتى يختفي اللون الأحمر و يجف مرقها و تنضج ثم تتبل بالملح و البهار و تضاف البندورة و تترك حتى تتسبك و تسمك الحشوة , أصبحت الحشوة جاهزة .

تحضير الصلصة البيضاء :

·          تذوب الزبدة على النار ثم يضاف الطحين و يقلب لبضع دقائق حتى تظهر رائحة الطحين الجميلة من دون أن يتغير لونه .

·          ترش البهارات و الملح و يقلب الكل لمدة دقيقة .

·          يضاف الحليب الفاتر بالتدريج مع التحريك بعد كل إضافة بمضرب سلك حتى تغلي و تسمك و تصبح ناعمة .

·          تبعد الصلصة عن النار و تقلب الصلصة بسرعة , أصبحت الصلصة البيضاء جاهزة .

تطبيق الوصفة :

·          تدهن صينية بايركس كبيرة بالزبدة ثم يصب فيها مرق الدجاج .

·          تزال رؤوس الكوسا ثم تغسل و تقطع كل حبة إلى نصفين بالطول .

·          يوضع ماء في طنجرة على النار و يترك حتى يغلي ثم تسلق في أنصاف الكوسا لمدة 5 - 10 دقيقة أو حتى تطرى مع ضرورة الانتباه أن لا تطرى كثيراً و أن تحافظ على بعض القرمشة .

·          يفرغ قلب كل نصف من أنصاف الكوسا بملعقة صغيرة ثم ترتب الأنصاف في الصينية المجهزة و يمكن أن يستعمل اللب لتحضير متبل الكوسا .

·          تملئ حبات الكوسا المحفورة بالحشوة ثم توزع عليها الصلصة البيضاء ( و هي لا تزال ساخنة ) بالتساوي و ترش بالجبنة المبشورة .

·          تخبز صينية الكوسا في الفرن حتى تنضج و يحمر الوجه ثم تقدم ساخنة مع سلطة خضراء أو مع الأرز المفلفل حسب الرغبة .

أفكار و تنويعات :

·          يمكن تحضير حشوة من الدجاج و الخضار المشكلة ,

·          يمكن إضافة جزر أو فليلفة حمراء و خضراء و ذرة للحشوة أو أي نوع من الخضار المفضلة .

·          يمكن استبدال مرق الدجاج بصلصة بندورة , يقلى فص ثوم بالقليل من الزيت ثم يضاف كوب من عصير البندورة و نصف كوب من الماء و فليلفة حمراء ناعمة و رشة ملح و بهار و تترك لمدة عشر دقائق ثم تصب في الصينية المدهونة .

أضافة إلى المفضلة (1) |

أقتباس | مشاهدات : 3615

تعليقات (10)

1 الكاتب بدور, on 17-09-2007 14:10
والله مبينتها رائعة

أنا ما بعرف هالاكلة بس كتير شتهيت عليها نشالله بجربا عن ئريب و بخبرك شو بصير معي

الله يسلملي هالايدين الحلوين يا رب :zzz

2 الكاتب منى, on 17-09-2007 14:32
جربيها بدور و رح تعجبك كتير اذا الله راد

خبريني شو بيصير معك

نورتي بدور

3 الكاتب ام نور, on 17-09-2007 22:43
بتعرفي اخت منى انو هالاكلة كتير بيعملوها الفرنسين انا تعلمتها هون بس كل ناس الون طريقتون بتحضيرها

4 الكاتب منى, on 18-09-2007 05:36
هلا فيك أختي ام نور

بالفعل متل ما قلتي هل الاكلة كتير الها طرق تحضير , و كنت بالاول حضرها بحشوة بس فطر و جبنة , بعدها زدت عليها اللحمة و طلعت أطيب, بعدها زدت عليها البندورة و طلعت أطيب و أطيب , و كمان مرة جربتها بالجاج و كمان طلعت لذيذة :grin

5 الكاتب ام نور, on 18-09-2007 21:35
لو بتشوفي اخت منى شكل الكوسا الفرنسي كيف :grin

6 الكاتب منى, on 19-09-2007 10:04
ما بيشبه الكوسا الي منعرفه , ما هيك :roll

أظن لونه أخضر غامق كتي و إلا شو

7 الكاتب سارونات, on 13-09-2008 13:35
السلام عليكم و رحمة الله و بركاته
عملتها بالايام الاولى من رمضان يمكن اليوم الخامس او السادس
وشكلها حلو و طلعت طيبة بس صارت معي احداث كتيرة خليني احكيلك ياها
بالاول ما قدرت الوقت منيح و لما كنت عم جهز الحشوة لقيت و اللحم المفروم عم ينضج و كنت فرمت البندورة لقيت انو الوقت ما ارح يكفي تضيف البندورة و تنضج فما ضفتها يعني حطيت كل مكونات الحشوة ما عداالبندورة و بينكما كنت عم ساوي الصوص الابيض بعتقد كان مفروض وطي النار شوي لان شكلتن الزبدة مع الطحين كرات فعدتها مرة تانية و صار نفس الشي هاد كلو من النار المرتفعة :cry

فساويت صوص بيشاميل تاني و استعملت فيها النشاء و طلع مزبوط و صبيتو فوق الحشوة و كل شي تمام و دخلتها الفرن و كنت عاملة خبز بالفرن بس حطيتها هي و حطيت الخبز بالفرن الكهربائي اللي تقريبا ما بستعملو ابدا و الفرن الكهربائي عم يطلع بخار فعكستهم يعني حطيت الخبز بفرن الغاز و الكوسا بالكهربائي و الله لو تشوفيني بتموتي عليي ضحك حتى انا بعدين مت من الضحك على حالي و هاد كلو لان ما قسمت الوقت منيح و النتيجة كانت مقبولة بعد كل هاد لان قوارب الكوسا طلعت طيبة بس الكوسا ما استوت منيح يعني الشكل تمام و طعم الحشوة تمام باقي بس تستوي الكوسا شوي اكتر
بعتقد كان لازم خليها تنسلق لفترة اطول مع اني خليتها لشي 10 دقايق بس بعتقد الكوسا كانت قاسية شوي و لازمها وقت اكتر
اكيد راح جربا مرة تانية و راح ساويها بكير و اسلق الكوسا منيح و وطي النار و حط طماطم بالحشوة و ان شاء الله راح تطلع كتير طيبة و راح اتعلم من الاخطاء اللي ساويتها المرة الماضية بس و الله كانت مستاهلة و تجربة لا تنتسى و راح ظلني اتزكرها واضحك عطول
عندي سؤال بس بدي اعرف قديش بتاخد بالفرن بالتقريب مشان كون مطمنة اكتر مشان الوقت
بالتوفيق
سلام

8 الكاتب منى, on 02-04-2009 07:47
هلا سارونات

زكرتيني بوقت ما كنت عروسة جديدة , كتير هيك قصص كانت تصير معي و خصوصا بالعزاايم :zzz

هي ما بتاخد كتيربالفرن , يا دوب نص ساعة و بتكون جاهزة و على طاولتك

9 الكاتب شفاء, on 15-09-2011 10:05
يالله يامنى هالاكلة رااااااااااائعة
انا بالنسبة الي عشقتا من اول لقمة
وطبعا عدتها بعد فترة قريبة
بس اللي لاحظته
اني لما احط الباشميل عالوش وادخلها الفرن
بتصير قطعة وحدة
يعني ما بعود ببين الكوسا
ياترى انا عمبكتر باشميل مثلا ؟؟؟

10 الكاتب منى, on 15-09-2011 20:51
اي بيصير انك عم تكتريه او ممكن انط عم تقربيهم من بعض و تغطيهم كتير , الاحسن انك تبعدي شوي بين القطع و تضيفي البيشاميل بالمعلقة على كل واحدة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 05/08/2008 )

< السابق		التالى >

[ عودة ]