L2ma.com | لقمة طيبة | L2ma.com | لقمة طيبة | الكوسا بالزيت ( المثومة ) | الكوسا, · , المثومة, يفرم, يترك | L2ma.com

القائمة الرئيسية

الأكثر تصفحاً

الكوسا بالزيت ( المثومة )

الكاتب/ منى

03/08/2007

مثومة

من أطباق زيت الزيتون المفضلة لدى عائلتي . تحضر المثومة من لب الكوسا الذي زاد بعد حفر الكوسا و يمكن أن تحضر باستخدام حبات الكوسا الكاملة , تنظف حبات الكوسا ثم تفرم مكعبات رقيقة ثم تطبق الوصفة كالتالي ..

بالصحة و الهنا

كيلو كوسا
ثلث كوب زيت زيتون
حبة بصل متوسطة الحجم
2 فص كبير ثوم
نصف ملعقة صغيرة ملح
فليلفة حمراء ناعمة
direction

·          يحفر الكوسا لتحضير الكوسا محشي و يحفظ اللب لتحضير المثومة .

·          يفرم لب الكوسا فرما ناعما ثم يوضع على مصفاة و يرش بالملح ثم يترك جانباً لمدة ساعة كي يتم التخلص من ماءه .

·          يفرم البصل مكعبات صغيرة ثم يقلى بزيت الزيتون حتى يطرى .

·          يضاف لب الكوسا للبصل و يقلب لمدة 10 دقائق ثم يضاف الثوم و يقلب الكل لبضع دقائق أخرى ثم تهدى النار و يغطى القدر و يترك حتى يجف كل ماء الخضار مع التقليب من وقت لأخر .

·          يرش الملح حسب الرغبة في أخر دقيقة ثم تسكب المثومة في طبق التقديم و ترش بالفليلفة الحمراء و تقدم فاترة أو بارد مع الخبز العربي .

أضافة إلى المفضلة (0) |

أقتباس | مشاهدات : 2910

تعليقات (12)

1 الكاتب ام نور, on 14-09-2007 21:22
سلم دياتك منعملا كتير هيدي الاكلة حتى ما نكب اللب حرام وكمان منستعملو مع عجة الخضار او منقلي عادي مع بيض منحط بهار ونعنع يابس كتير بيطلع طيب

2 الكاتب منى, on 14-09-2007 22:37
ان شاء الله عوافي و صحة

انا بحبها كتير كتير و كتير احيان بسويها بالكوسا بدل اللب لما بتكون جاية على بالي

هلا ام نور

3 الكاتب Eman, on 14-01-2008 08:24
يسلمو أختي منى على الوصفة ، من شوي عملتها وجهزتها مشان لما فيق ما أشتغل فيها، ولما طلعت ريحتها ما قدرت قاوم مادوقها، وبعد مادقت لقمتين ،ماقدرت قاوم ما أسكب صحن، وهيك لخلصت نص الطبخة

.
يعني يدوب تكفي زوجي بكرة.

هي أول مرة إلي بجرب هالأكلة ،عملتها لأستغل لب الكوسا اللي عملته شيخ المحشي،وفعلا طلعت طيبة ولذيذة،بس شفت وصفة تانية للب اسمها متبل الكوسا،شو رأيك فيها؟ ومين برأيك أطيب؟

بدي خليك تجربي قبلي مشان ما أتورط :grin

، ولأنو كلشي من إيدك بيطلع طيب.

كمان عندي سؤال تاني،مين أطيب شيخ المحشي بلبن ولا بدون لبن على طريقتناالتقليدية؟

المشكلة جديدة على الكار وبخاف يطلع معي تخبيص. :upset

4 الكاتب منى, on 14-01-2008 11:11
هلا أمولة حبيبتي

صحتين و هنا و عوافي يا رب , كأنك متلي :grin

أنا بخبيها تخبياة لحتى ما شوفها ادامي و خلصها ..

متبل الكوسا كمان طيب و أنا بتبله متل المتبل العادي , بسلق الكوسا وبهرسه بالشوكة بخليه ليصفى تمام و بعده بحط معه طحينة ة ليمون و شوية توم ,, شو خفيف و طيب..
امي بتضيف عليه زيادة شوية لبن لحتى طلع لونه كاشف و كمان طيب ..

بس الصراحة بحس المتومة أطيب

شيخ المحشي بالطريقتين طيب , أما إذا كان جوزك ما بيحب الاشياء الجديدة على الطبخات الي بيعرفها فنصيحة ما تجربيه إلا متل ما بيحبه و إلا بعدها ممكن يفكر ان الطبخة نفسها طلعت مو طيبة معك..

هلأ محشي كوسا بلبن أنا بحبه مع اللبن أكتر بكتير من دونه , و شيخ المحشي بحبه بالطريقتين

5 الكاتب نادين, on 16-04-2009 13:32
ياعين اديش بحب هالاكله وللاسف الكوسا كتير كبير عنا وما بينعمل محشي لينحفر... بس من اسبوع جبت الكوسا وعملت عمليه جراحيه واقطع الكوسايه بالنص واحفر واحشي وعملت محشي كان لذيذ بس اخد وقت طويل بالطبخ
بس اكتر شي جوزي انبسط على المثومه كار عقلو كانو عملت يبرق
بس للاسف مادائما بيجي الكوسا طويل ورفيع لاعملو عمليه تجميل ويصير متل الكوسا بسوريا

6 الكاتب منى, on 16-04-2009 19:02
و الله و الله انا هل الاكلة لو اكلت منها شو ما بشبع منها , الف صحة و هنا على قلبك و قلب جوزك , و ريتو عوافي يا حق

7 الكاتب na3oom, on 11-08-2009 22:46
أكلة طيبة كتير إذا انوجدت على السفرة بترك المحشي وباكل منها

8 الكاتب منى, on 14-08-2009 11:43
و انا متلك و الله , اذا انوجدت ما بعرف شو بيصير الي , لازم يرجع الصحن نظيف لحتى ارتاح :grin

9 الكاتب gsm, on 09-10-2009 21:23
اهلين منونة
انا من شوي عملت المتومة ماما دائما كنت تعملنا ياها وانا بآكلها بدال المحشي مو بإيدي بموت بأكلات الزيت بسبح فيها سباحة بس ما بقى اتذكر شو بينحطلها بس هلق عملتها وحطيتها على النار إن شاء الله تطلع طيبة بس انا ضفت من عندي معلقة صغيرة دبس فليفلة قولك مو بطلع طيب انا هل يومين شهيتي مفتوحة على أكلات الزيت شي فاصولية بزيت شي لبنة مكبوسة شي متومة ههههههه صايرة نباتية ما تواخذيني طولت عليك ويسلموا إيديك على هل الاكلات الطيبة

10 الكاتب منى, on 11-10-2009 12:32
و الله انا لما بتنوجد المتومة ضميري ما بيرتاح الا لحتى يرجع الطبق نظيف :grin

مممم ما بعرف على دبس الفليفلة , يا ترى كيف طلعت ؟

11 الكاتب gsm, on 11-10-2009 13:17
يا ستي طلعت كتيير طيبة ولذيذة وطبعا متل ما حكيتي رجع الصحن نضيف زوجي قعد ياكل من المحشي وانا حاطة هل المتومة ونازلة فيها :grin

بس عن جد كتيير حبيتها بتشبه تبعت ماما

والله يا منونة الله يخليلنا ياكي ويخليلك ولادك دائما موجودة لما نحتاجك

12 الكاتب منى, on 16-10-2009 11:58
ان شاء الله الف صحة و هنا يا رب , يمووووو هل الاكلة عندي غراام غرااام , ان شاء الله ما تكوني نسيتي تاكلي عني كم لقمة :zzz

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 26/11/2008 )

< السابق		التالى >

[ عودة ]