من أطيب أكلات الصيف و محاشي الصيف و الكل بيحبه كبير و صغير  . و هل الوصفة بتتحضر بطرق قريبة بكل بلاد الشام . نحنا بحلب نطبخ المحشي بالمرق مع ثوم و نعناع و بعد ما يستوي نقدمه مع لبن مثوم . واحدة من رفقاتي الشاميات علمتني طريقتها , الصوص طلع بياخد العقل بس للحشوة كانت بتضيف عصفر و هل الاضافة ما كتير حبيتها و لا بقى ضيفها للمحشي الي بعمله دوما .

بالصحة و الهنا

2 كيلو كوسا حجم متوسط


الحشوة :

ثلث كيلو لحمة مدهنة 
2 كوب رز مصري
نصف ملعقة صغيرة بهار مشكل
ربع ملعقة صغيرة قرفة
نصف كوب ماء
ملح

صلصة اللبن :

ماء يكفي لغمر المحشي كوسا
4 فص كبير ثوم مهرووس
نصف ملعقة كبيرة نعناع  يابس
2 ملعقة كبيرة كورن فلاور
كيلو لبن

تعليقات (15)

2  الكاتب منى, on 03-02-2008 13:17 ان شاء الله كوكو يا عسل و اكيدة مش رح تندمي ,, أنا الصراحة ادمان على هل المحشي

3  ماشاء الله تبارك الله الكاتب أحمد الله, on 03-07-2008 01:39 الله يعطيك كل العافية اخت منى ..  بحكم الغربة تعلمنا كل شي بشغل البيت من الألف الى الياء خاصة الطبخ و اليوم طبخت الكوسا بلبن ..  هي نفس طريقتك بس نحن بنطبخ اللبن لحاله مع نشا و بيضة و نحرك فيه لحتى يغلي منشان ما يفرط و بعدين بنطبخ الكوسايات فيه..انا بضف للبن شوية فلفل أحمر بيعطي نكهة و الوان حلوة مع الكوسا والنعنع

4  الكاتب منى, on 03-07-2008 06:38 الله يعافيك و يخليك أخي الكريم , ما هي الغربة بتعلم الواحد اشيا ما بتخطر على البال ..    أنا بطبخها بهل الطريقة بحس ان اللبن بياخد من نكهة الكوسا بس بضمن أن ما يفرط , و إذا حضرتك من أهل الشام فانتو أهل و اصحاب هل الطريقة الطيبة و انا اتعلمتها من واحدة شامية     مية هلا أخي و ان شاء الله بترجع بخير و سلامة

6  الكاتب منى, on 17-09-2008 05:54 مية هلا منونة و الطبخة هي بالتحديد راائعة , اتفضلي حبيبتي

7  وأخيراً .. طبخت محشي! الكاتب آرام, on 12-07-2009 09:39 أخت منى ما بعرف كيف بدي أتشكرك .. لأول مرة بحياتي بعمل محشي .. وكان رائع وناجح تماماً من أول مرة .. يمكن هو عادي بس من فرحتي على حالي شفته أطيب محشي كوسا أكلته بحياتي   ما فيه أي ملاحظة غير أن زاد كتير من الحشوة .. عملت نصف الكمية وقسمت كل المقادير على 2 .. بس عرفت بعدها أن السبب أني اخترت حبات كوسا صغيرة للغاية (الكيلو طلع 17 حبة) .. وسمعت أن حبات الكوسا كلما كانوا أصغر بيستهلكوا حشوة أقل ..  على فكرة .. أخذ معي حفر الكوسا لوحده ساعتين إلا ربع بالضبط! يعني بسرعة السلحفاة بس باعتبارها أول مرة فما فيه مشكلة .. والسرعة بتزيد مع الوقت .. المهم أن الحفر طلع نظامي تماماً وما تمزقت ولا حبة ..  هالمرة طبخته بالماء والصراحة ما تجرأت أطبخه باللبن .. بس المرة الجاية إن شاء الله بدي أجربها .. بس بدي أسألك أختي أنت متأكدة أنك بتضيفي اللبن وهو بارد؟ مو لازم نغليه قبل ما نضيفه فوق المحشي؟!!

8  الكاتب منى, on 12-07-2009 12:40 هلا ارام يعني اتذكرت حالي اول مرة طبخت فيها , بيبقى الشي الي الواحد بيطبخه من تحت دياته اطيب الشي .. عوافي يا حق   الكوسا حفره اسهل الشي من بين الخضار,و ساعتين الا شوي على كيلو كوسا وقت طويل , اكيد لان هي اول مرة , بس الانجاز هو ان و لا واحدة انشقت , انا اول مرة حفرت كوسا من كتر ما طلعوا معي الكوسايات تحفة غيرت فيها الاكلة من كوسا محشي لمتومة     الحشوة متل ما قلت لان الكوسايات الصغار بياكلوا حشوة ااقل بس انا بحسهن طيبين كتير و تغير شكل عن المحشي الكبير     اخي اللبن انا بضيفه على البارد , بس لان اللبن الي بجيبه لبن غنم مكفول و ممتاز . معك حق , اذا انغلى اللبن قبل بيكون اضمن و مو الكل متوفر عندهم لبن منيح , رح عدل هلا الوصفة لحتى تزبط بكل الأحوال ..    هنا و الف عافية على المحشي , و ان شاء الله تجربه باللبن و يعجبك , عندي بالبيت في من الاولاد بيحبوا المرقة اكتر من المحشي نفسه .

10  الكاتب روان, on 08-01-2011 13:12 كيفك يا اخت منى ؟؟ شو أخبارك ؟؟ انشالله انك بخير انتي وكل حبايبك ؟؟؟ يا ستي بس اسمحيلي اسألك .. لازم ننقع الرز قبل ما نستعمله بالحشوه ؟؟ لانه حسيتك ما بتنقعيه ؟ .هلا انا خبرتي كتيييييييير بسيطه لهيك عنجد ما بعرف !! الله يخليكي تحكيلي انا بشتري الكوسا محفور جاهز لاني ما بعرف احفر .... بستنر ردك يا عسل بلكي قدرت اعمل هالمحشي لانه جوزي بموت عليه !!

11  الكاتب منى, on 09-01-2011 08:01 هلا لاروش   الف صحة و هنا حبيبتي على البك , مو مشكلة اللحمة المهم كله على بعضه كان يميي

12  الكاتب منى, on 09-01-2011 08:13 هلا روان   لا ما دام رح تجيبي الكوسا محفور معناها الاحسن انك تحضري الحشوة و تتركيها شي ساعة لحتى تنتقع حبة الرز     ان شاء الله بتجربيه و يعجب الباشا , خبريني شو بيصير معك

14  الكاتب روان, on 11-01-2011 12:41 اختي منى ..انب عرف انك مشغوله لهيك ما رديتي علي يا ستي انا طبخت المحشي ..بس كان ناقصه ملح واللبن فرط شوي والله يا منى اني بطبق حرفي زي الوصفه ..مابعرف ليش هيك صار معي ..انا حاسه اني عمري ما رح اتعلم الطبخ ..حاسيته ابدا ما يطلع معي زاكي عنجد بدي اشكيلك همي يا اختي لاني بحسك كتير قريبه مني ,,انا ما بدي ازعجك بس انا كتير زعلانه عحالي

15  الكاتب منى, on 11-01-2011 14:54 لا تزعلي و لا على بالك , كل واحدة بيصير معها احيانا فصول ناقصة غير شكل , مثلا الاسبوع الفايت حضرت فروج مشوي , قام طلع مالح متل الصبر و مو مستوي و قاسي كمان     بتصير قصص كتير بس منها الواحد فيها بتتعلم اكتر و كل خبرة سيئة بتمر عليك بتكوني اتعلمتي شي , سواء عن الازم او الي مو لازم تعمليه     الملح قصته بسيطة , بس اللبن ما دام فرط معناها غليتيه زيادة على النار    اما الحشوة فانا قصدي انك تنقعيها مع البهارات و اللحمة بتصير طعمتها كتير طيبة و على زووءك    مسحي دموعك و قولي لحالك اليوم اتعلمت اني لازم انتبه لحتى يكون ملح الطبخة مزبوط و المرة التانية لازم دير بالي على اللبن

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved