الوصفة فازت بأكثر التصويتات و انتقلت كالنار في الهشيم في كل المواقع و المنتديات الأجنبية ( انكليزي , أميركي , فرنسي , ألماني , تركي )  , و نحنا أخر من يعلم !!

الفكرة بسيطة جداً ..
طحين و ماء و كمية قليلة جداً من الخميرة ثم تخمر لفترة 18 ساعة تقريباً ثم تشكل بهيئة كرة و ترتاح لساعتين ثم تخبز في فرن حامي جداً


أعجبتني الفكرة كثيراً  و جربت الوصفة ...
و النتيجة رائعة رائعة بالفعل ..كل ما أتمناه في الخبز المحضر في البيت , و تلك أسبابي :

- العجينة سهلة جداً و تحضر تقريباً بدون أي مجهود , يمكن لطفل عمره 6 أو 7 سنين  أن يحضرها

- طري و خفيف و فيه ثقوب كبيرة و جميلة من الداخل

- القشرة صلبة و مقرمشة و تتكسر تحت السكين من دون أن تكون قاسية

- الوقت الطويل في التخمير أفسح المجال للخميرة لإعطاء الخبز طعماً غنياً و رائحة تذكرني و تحملني لأيام الطفولة و الخبز الساخن الخارج تواً من الفرن , سألني زوجي إذا استخدمت الزبدة في المقادير .

- أخيراً الطريقة الجديدة في خبز هذا الرغيف في فرن حار جداً و في صينية سميكة و ساخنة تخلق بيئة تشبه أفران المخابز الحقيقة



يخبز الرغيف في صينية سميكة من الحديد المسبوك أو المطلي بالمينا أو بطبق فخار أو بيركس

الوصفة الأصلية لا تحوي على سكر و لكني أضفته في المرة الثانية و أعطت طعماً ألذ

أتمنى أن تعجبك الفكرة و تجربيه و تحكمي بنفسك ..

بالصحة و الهنا

طحين أو نخالة للرش

·          يمزج الطحين و الماء و الخميرة و الملح و السكر في وعاء كبير , يضاف الماء و يحرك الكل بملعقة خشبية , ستكون العجينة طرية و تلتصق بأطراف الوعاء .

·          يغطى الوعاء بورق نايلون لاصق و يترك في غرفة دافئة ( 44 درجة مئوية تقريباً ) لمدة 18 ساعة , تكون العجينة جاهزة عندما يصبح وجهها منقطا بفقاعات الهواء .

 

·          يرش الطحين على طاولة العمل ثم توضع عليها العجينة و يرش وجهها بالمزيد من الطحين و تطوى على بعضها البعض مرة أو مرتان ثم تغطى بورق نايلون بشكل غير محكم و تترك لترتاح لمدة ربع ساعة .

·          ترش منشفة مطبخ قطنية نظيفة ( من دون وبر ) بالكثير من الطحين أو النخالة ,  تمرغ اليدان بالمزيد من الطحين و تشكل كرة من العجينة بلطف و بسرعة ثم تنقل الكرة إلى المنشفة المجهزة و يرش الوجه بالمزيد من الطحين أو النخالة و تغطى بمنشفة ثانية و تترك لمدة ساعتين حتى يتضاعف حجمها , تصبح العجينة جاهزة عندما يضغط عليها فلا تعود إلى شكلها الأصلي بسرعة .

 

·          قبل نصف ساعة من خبز العجينة على الأقل , يشعل الفرن على درجة حرارة ( 230 مئوية - 450 فهرنهايت ) , توضع صينية سميكة في الفرن حتى تصبح ساخنة .

·          عندما تصبح العجينة جاهزة , تخرج الصينية بحذر من الفرن , توضع اليدان تحت المنشفة القطنية ثم تقلب العجينة على الصينية , تهز الصينية مرتان أو ثلاثة ثم تغطى بورق ألمنيوم و تخبز في الفرن لمدة نصف ساعة .

·          تخرج الصينية من الفرن و يرفع ورق الألمنيوم ثم يرجع الخبز للفرن و يترك 15 – 30 دقيقة أخرى حتى يتلون وجه الخبز بشكل جميل .

·          يخرج الرغيف من الصينية بمنتهى السهولة ثم يوضع على مشبك سلك حتى يبرد , أصبح الخبز جاهزاً استمتعي به في الفطور أو لتجهيز سندويشات بالشوكولا أو الجبنة .

 

 

تعليقات (25)

2  الكاتب منى, on 20-08-2007 01:09 هلا بلسم     الله يسلم قلبك و بدنك أختي

3  الكاتب أم مــــالــــك, on 16-04-2008 16:50 ما شاء الله شكلها روعه تسلم ايدك

4  الكاتب منى, on 16-04-2008 20:25 الله يسلمك ام مالك و كمان كتير سهلة

6  الكاتب منى, on 11-08-2008 19:15 هلا أمونة   ما بتعرفي ادييه انبسطت انك جربتي الخبز و عجبك , هل الوصفة بحسها من الوصفات المظلومة في الموقع لان اعتقد انك أول واحدة جربتيها     يا ستي هنا و عوافي على كل مرة ساويتيها فيها , و هي اضافة الحشوة فكرة بتاخد العقل , على التجريب القريب باذن الله     شكرا على الرد و على النصايح المهمة كتير , بصراحة رد أغنى الوصفة    نورتي حبيبتي

8  الكاتب منى, on 14-11-2008 07:20 هلا رنا   لا تتركيه في الفرن لحتى يستوي و الوقت بقى حسب حماوة فرنك , انت أدرى فيه

10  الكاتب منى, on 07-06-2009 19:58 هلا دالو   اكيد فيك و المقدار هو ربع ملعقة , ياا ودب شي خفيف

12  الكاتب منى, on 28-09-2009 12:19 هلا قمر   مممم , هل المعلومة اكيدة لان صار سمعتها من اكتر من حدا , انا لما جربت الوصفة كانت جديدة علي و ما خطر ببالي انها مشهورة .    الف شكر الك للاضافة و للذكريات الحميمة الي ذكرتيها , تعيشي و تتذكري و يبقوا الاهل كلهم باحسن صحة و عافية يا رب

14  الكاتب منى, on 07-10-2009 07:32 هلا قمر   الف هنا و صحة و عافية يا رب على كل لقمة , كان المفروض تستني عليه و هو رح ينفش لحاله متل الصلاة على النبي المهم ان النتيجة النهائية كانت على زووءك و متل ما بتحبي و هادا اهم الشي     لاحقتك على السمبوسك

15  كتير عجبتني الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 24-02-2010 08:54 السلام عليكم ورحمة الله وبركاته ،     كتير عجبتني هالعجبنة وشكلها بشهي ، ح قوم ابتدي فيها بسم الله و ببقى بخبرك بالنتايج هلأ حاطة بالفرن خبز فرنسي طلعت ريحتو مممم لقوم الحقو وببلش بالعجينة الجديدة منمون يسلم ايديكي على هالموقع الروعة الله يوفقك ويجزاكي كل خير

16  الكاتب منى, on 24-02-2010 18:53 نورتينا و شرفتينا اختي   يا رب تجربيه و يطلع طيب , هو ما في اسهل منه و طعمته يممي     رح استنى رايك

17  الكاتب gsm, on 13-07-2010 17:16 سلام عليكم منى انا حلمي اخبز الخبز ببيتي بس بدي اسالك  لازم اخبزها بهل النوع من الصينية ما بيمشي الحال الصينية العادية   كتيير مشتهية اجربه وخايفة ما يزبط  عم استنى ردك

19  الكاتب إسراء, on 18-10-2010 22:13 حابة جرب اعمل هاد الخبز بس انا متوقعة اني رح ابقى فايقة لمدة عشرين ساعة ما لح اقدر نام لحتى يصير

20  الكاتب منى, on 25-10-2010 08:36 هلا غفران  هلا بيصر , بس بهل النوعية رح يطلع افضل   اذا مو متوفرة جربي ايا صينية تكون سميكة نوعا ما       هلا اسراء   لا مين قال انه لازم تحرسيه   انتي حطي الخميبرة و نامي و لما بتفيقي بيكون جاهز و عم ينطرك

21  الكاتب gsm, on 02-11-2010 17:03 سلام عليكم منى انا جربت الخبز بصينية توست عادية بس للاسف ما نجح طلعت العجينة كتيير معجنة وقاسية كتيير   مانها متل الصورة هشة وطرية بس لما عجنت العجين كان قاسي شوي اتخيل بده شوية مي ما هيك ما بعرف وين كان الغلط صار معي احباط

22  الكاتب منى, on 09-11-2010 07:24 هلا غفران   معناها نوعية العجين عندك بده مي اكتر لان هل الوصفة رح يتحرك العجين بالملعقة الا شوي على اد مو طري    يلا خيرها بغيرها و ازرعيها هل المرة بدقني

24  الكاتب منى, on 16-03-2011 20:31 ما دامه معجن معناها بده وقت كمان في الفرن , ما الها علاقة الحشوة , او ممكن يكون القالب الي استعملتيه ارتفاعه كبير     صحتين و هنا و شكرا كتير كتير للدعوات الكريمة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved