L2ma.com | لقمة طيبة | L2ma.com | لقمة طيبة | فاصولياء بالزيت | البندورة, الفاصولياء, · , الفاصوليا, حتى | L2ma.com

القائمة الرئيسية

الأكثر تصفحاً

فاصولياء بالزيت

الكاتب/ منى

20/07/2007

مممم , الخبز تازة و الفليلفة نار و هل الصحن كله لااالي

من أطباق الصيف الشهية و اللذيذة و التي أعتبرها واحدة من المفضلات عندي , مم

في نوعان من الفاصولياء : الفاصولياء العريضة و الفاصولياء الرفيعة و فيك تحضير الوصفة باستخدام كلا النوعان , و تحضر الفاصولياء بالزيت بنفس الطريقة تقريباً في سوريا و لبنان و تركيا .., و تعرف في لبنان باسم لوبيا خضرا

يضيف البعض معجون البندورة للصلصة , و هذا يغير الكثير من الطعم و اللون ,, لذا أستخدم حبات البندورة الناضجة اللذيذة فقط في اعداد وصفتي ..

بالصحة و الهنا

كيلو فاصوليا خضراء
نصف كوب زيت زيتون
حبة كبيرة بصل
4 فص ثوم
4 حبة كبيرة بندورة
ملعقة صغيرة فليلفة حمراء ناعمة
نصف ملعقة صغيرة بهار
ملح
direction

·          تمشط الفاصوليا ثم تفرم , يفرم البصل لجوانح أو خشناً و يدق الثوم و تقشر البندورة و يفرم .

·          يحمى الزيت على نار متوسطة ثم يضاف البصل و الثوم و يقلب حتى يطرى و يصبح شفافاً .

·          تضاف الفاصوليا و تهدى النار و تغطى الطنجرة و تقلب كل بضعة دقائق حتى يتحول لونها للأخضر الغامق , تحتاج لربع ساعة تقريباً .

·          تضاف البهارات و الملح و البندورة و تقلب و تترك على النار حتى تنضج الفاصولياء و تتسبك الصلصة .

·          تقدم الفاصوليا بزيت فاترة أو باردة مع الخبز العربي .

أضافة إلى المفضلة (0) |

أقتباس | مشاهدات : 7371

تعليقات (15)

1 الكاتب arwen, on 26-10-2007 10:24
الله يسلم هالايدين عفكرة هالاكله بموووووووووووووووووووت فيها كتير بحب اكلات الزيت وبالذات هي..بس بدي اسالك اختي انو انا بعرف انو بنحطلها كزبرة مو مضبوط...ولا هي غير طريقة؟ :roll

2 الكاتب منى, on 27-10-2007 11:06
هلا فيك أختي

أختي الفاصوليا بزيت ما بدها كزبرة , أما الفاصوليا بلحمة بدها و بتلاقي الوصفة على هل الرابط
ان شاء الله تلحقي تجربيها و تكون على زوءك , أنا بحبها كتير

3 الكاتب ام نور, on 01-12-2007 15:16
نحن بلبنان منسميا لوبيا بزبت او بلحمة اما الفاصوليا فهي الحب اليابس ما بعرف شو بتسمو انتو

4 الكاتب منى, on 02-12-2007 10:38
هلا ام نور

نحنا منسمي النوع الرفيع من الفاصوليا باللوبيا ..

أما الفاصوليا الحب منسميها الفاصوليا البيضا و رابط تحضيرها

و هي الفاصوليا بلحمة

5 الكاتب Eman, on 27-11-2008 03:31
ولا مرة جربت أعملها بالبصل .. دائما بحط لها توم وكزبرة متل الفاصوليا بلحمة ،ومع ذلك بتكون لذيذة جداًُ .. ناوية روح هلأ اعملها ورح أستعمل بندورة طازجة ،عادة بعملها بالمعجون ,, بس أعتقد أطيب بالطماطم الطازجة :zzz

6 الكاتب منى, on 27-11-2008 22:41
هلا ايمان

اكيد بتكون طيبة , انا بعملها بهل الطريقة لحتى تتميز طعمتها عن الفاصوليا بلحمة , اما الدبس فنووو :roll

لان راحت الطعمة الفريش و التازة بهل الوصفة
ان شاء الله تجربيها و تحبيها

7 الكاتب Eman, on 29-11-2008 12:15
عن جد كتير طلعت طيبة ... وزوجي حبها كتير ، يمكن لأن الخضار كانت فريش .. عادة بعملها بفاصوليا مفرزة ومعجون طماطم .. بس هالمرة على طريقتك .. كله فريش ، فكانت لذيذة جدا

أنا ما بتفرق معي إذا كانت متل فاصوليا بلحمة ، لأن نحن ما بنعملها بلحمة .. ،بس التنتين طيبين ..

8 الكاتب منى, on 29-11-2008 12:23
هنا و عوافي على قلبك و قلب زوجك
كتير انبسطت انها عجبنك و كانت على زووءك :zzz

هلا امولة

9 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-07-2009 20:05
واخيرا عرفت الطريقة ، جاري التجربة وان شاء الله بتطلع معي طيبة :roll

10 الكاتب منى, on 13-07-2009 21:18
يا رب تطلع متل الي دقتيها او اطيب

11 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-07-2009 19:06
واخيرا تم التطبيق ملينا من الفاصوليا برز ، عملتلهم فاصوليا بزيت بس شو الطعم روعة وطبقت الخطوات مزبوط اي والله طيبه واكتشفت مكدوس الفاصوليا رح جربو كمان ان شاء الله ، مبسوطة كتير اني تعرفت على موقعكم الحلو

12 الكاتب منى, on 19-07-2009 12:19
و انا مبسوطة اكتر حنونة

الف عافية و صحة و هنا يا رب على كل لقمة و كل تغميسة و ان شاء الله تجربي المكودسات و انا اكيدة انه رح يعجبك باذن الله

13 طيبة ... !!!
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 28-07-2010 17:08
السلام عليكم

منوش شكرا كتير عالموقع والوصفات (أنا شلت الكلفةمن أول تعليق هههه، لأنك ببساطة صرتي من عنا من العيلة ! ، لما بناقش أمي وأختي بالوصفات، بقلون: بس منى ما هيك بتعملها !!، أو هنة بيقلولي: منى ما منزلة هالوصلة الفلانية ؟)
طيب منجي للفاصوليا بزيت .. نحنا بالبيت ما كنا نعمليها بالزيت، نعملها عادي باللحمة. بصراحةهيك بتجنن بتسطل، أول مرة عملتها من شي سنة وأخدتها عالشغل، عجبتون كتير كتير. وهلئ صرت أعملها لزوجي وهو صار يطلبها كتير

مشكورة كتير

والسلام عليكم

14 الكاتب منى, on 29-07-2010 08:42
و عليكم السلام و رحمة الله و بركاته , نورتي و شرفتي اختي , و انا عم قول لحالي ليش دانانتي عم اطن :grin

سلميلي عليهم

الف صحة و هنا على البك و الب كل مين داقها من تحت دياتك و كتير مبسوطة انها عجبتك و عجبت ابو الشباب و كمان رفقاتك

15 الكاتب MAYSON, on 08-06-2011 00:33
السلام عليكم
مدام منى يسلم دياتك ع الوصفه سؤال
زوجي ما بيحب البصل المطبوخ ازا عملتا بدون بصل بتتغير الطعمة كتير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 04/08/2009 )

< السابق		التالى >

[ عودة ]