طريقة جميلة لتحضير  مربى البرتقال و يستخدم لضيافة مميزة ..

قشور البرتقال تجهز و تغلى بالقطر الخفيف و تترك حتى تتشبع بالسكر و تنضج ثم تغمس بالشوكولا السائحة ,, يم يمي

بعد تغميس القطع بالشوكولا يمكن تمريرها على كاكاو بودرة و ذلك حسب الزوق

بالصحة و الهنا

5 حبة كبيرة برتقال
كوب ماء
كوب سكر
500 غ شوكولا غامقة من نوعية فاخرة

 

·          يقطع طرفا حبة البرتقال ثم يحزز قشر البرتقال إلى أربع أرباع و يقشر كل ربع و يبعد عن قلب البرتقالة , ثم تقطع الأرباع إلى عيدان بالحجم الظاهر بالصورة .

·          ينقع قشر البرتقال بالماء البارد لمدة 24 ساعة مع تغيير الماء أربع أو خمس مرات للتخلص من المرارة الموجودة في قشور البرتقال , بعد مضي الوقت تذاق إحدى القطع للتأكد من التخلص من المرارة و إلا فتترك القشور لوقت أطول حتى تصبح جاهزة مع تغيير الماء . تغمر القشور بالماء البارد و تغلي لبضع دقائق , يرمى الماء و تغمر القشور بالماء البارد مجددا و تسلق لمدة دقيقة اخرى . تكرر العملية بضع مرات للتاكد من التخلص من المرار .

·          يوضع السكر و الماء على النار و يترك المزيج حتى يغلي ثم تضاف قطع البرتقال و تترك حتى تغلي ثم تهدى النار و تترك لمدة 15 - 25 دقيقة تقريباً حتى تمتص القشور كل القطر و تصبح ناضجة .

·          ترفع القشور و توضع على مشبك سلك حتى تبرد و يتم التخلص من القطر الزائد .

·          تجهز صينية كبيرة و تغطى بورق الزبدة , تذوب الشوكولا على حمام مائي ثم يغمس فيها المربى المحضر بسرعة  و يصف على الصينية و يترك حتى يبرد .

·          تحفظ القطع المجهزة في وعاء محكم الإغلاق حتى وقت التقديم .

 

تعليقات (37)

2  الكاتب منى, on 23-09-2007 20:40 هلا قطة     لا تنسي إذا جربتيها تدوقيني منها     رح تعجبك كتير ان شاء الله

3  الكاتب ام نور, on 01-11-2007 12:27 على فكرة اخت منى مرة جارتي الفرنسية قالتلي انو لما بتجيب البرتقال بتاكل القلب والقشر ما بتكبو بتقطعو رفيع وبتغطسو بالشوكولا وقالتلي انو كل الفرنسين الي ساكنين بالقرى الكبار بالسن هاك بيعملو لان هيدا اكل ولازم نحافظ علي فانا استغربت وقلتلا اسا القشر بدنا ناكلو اوف شي كتير وقلت بنفسي شو فاضين البال فبصدفة انا وعم اتصفح قسم الحلويات شفت الوصفة ذاتها متل ما حكتلي جارتي انا كنت مفكرة من بخلا جارتي ما بتكب القشر فطلعت وصفة مشهورة وظلمت المراة حكيت كتير مهاك

4  الكاتب منى, on 01-11-2007 21:39 هلا اختي ام نور     بالعكس معلومات استفدت منها ..    نحنا هون عم يحضروا هل الوصفة و بيبيعوها بمحلات الشوكولا بأسعار كبيرة مع ان طريقتها كتير سهلة     حبيت اسألك شو معنى الاورانجيتيه

6  الكاتب منى, on 29-11-2007 13:50 يعطيك الف عافية ام نور   غلبتك معي ..    حلو كتير الموقع هاد , عم اتصفحه هلأ ,   بركي بشوف شي وصفة و جربها

7  الكاتب بدور, on 28-12-2007 20:03 ما شاء الله عليكي يا منى شئد صرلي بالموقع لهلأ في كتير شغلات لسا مو شايفتا ومميزة كتير     الله يئويكي ويسلم هالايدين يا رب

8  الكاتب منى, on 29-12-2007 10:36 هلا بدور     كلك زووء أختي و الله يسلمك و لا يحرمني من هل الدعوات الحلوة

9  الكاتب ام نور, on 31-12-2007 22:03 على فكرة جارتي عملت اورانجيت وبعتتلي ياي شو طيب ما بيخطر لا البال انو من قشور البرتقال ابدا نكهة البرتقال لذيذة وبتدوب بالتم وممكن يتغمس بشوكولا ابيض حسب الرغبة

10  الكاتب منى, on 06-01-2008 15:53 مممممممم    صحتين و هنا حبيبتي ام نور     ما دامه من تحت ديات جارتك الفرنسية معناها شي غير شكل     أول مرة بعرف ان ممكن يتغمس بالشوكولا البيضاء    كمان فكرة حلوة للضيافة

11  الكاتب souha, on 21-01-2009 22:25 السلام عليكم   كيفك منونة امبارحة بلشت بهالوصفة بس بكمية صغيرة للتجربة و إنشاء الله إذا نجحت بساويها ع كمية أكبر  سبحان الله بعد ما حطيت البرتقال تيحلى كنت عم استنى برنامج على قناة فتافيت للشيف جاك توريس و هو فرنسي الأصل فعمل نفس هالمربى بس هو غلى القشور ثلاث مرات لأنو هالعملية بتخلي القشر يطالع الحمض يلي فيه و هيك ما بدو تحلية و في المرة الرابعة حطلهن السكر و الماء وعم يذكر إنو أمه كانت تغليهم عدة ساعات   أنا سلقت القشر قبل التحلية على طلب إمي لأنو قالتلي إنو ما بيحلو بدون سلق قلت لحالي ما منها خسارة العملية كلو بينفد على بعضو و اليوم حطيتهم بالقطر و غليتهم شي ساعة و صار أجزاء منهم شفافة بقى بدي اسألك للازم إرجع أغليهم لحتى يختمو منيح و لا بيمشي الحال هيك و غطسهم بالشوكولا   الله يعينك ع قراءة التعليق كتبتلك جريدة   سلام

12  الكاتب منى, on 22-01-2009 07:15 أتوقع لازم تغليه لحتى يختم , بس بتعرفي سهى هلا ما بقى يطلع المربى معك مقرمش بس بيطلع طيب   متل ما قالت ماماتك , في كتير ناس بتحب تسلق البرتقال أو النانرج أو غيره قبل تحلايته , انا بحليه قبل و كله بينفد على بعضه بس هي شغلة ستايل بالطبخ     سبحان الله كممان انا شفت هل الحلقة بس مو هلا من زماان أول ما طلعت على فتافيت     يلا عم استنى رايك و ان شاء الله يعجبك

13  الكاتب souha, on 22-01-2009 21:25 هلا منونة   يا فرحة ما تمت طلعت من البيت و قلتلها لأمي تغلي المربى لحتى يختم قام نسيتهم و نشغلت مع أخوي كان مرضان قام احترقو رجعت لاقيتهم بلون الموبيليا   انشاء الله برد بجربهم وقت تاني   سلام

14  الكاتب منى, on 23-01-2009 07:23 و لا يهمك ام السوس خيرها بغيرها  ان شاء الله تجربيهم و يعجبوك

15  الكاتب souha, on 30-01-2009 22:09 السلام عليكم   كيفك منونة أخيرا رجعت عملت الوصفة و نجحت بس أنا ساويتهم بقشر الغريفون و طلعو طيبين إلهن مزة ظريفة بس غطستهن بشوكولا غامقة و حلوة لأنو ما عندي شوكولا شقرا و هي صورتهم    سلام

16  الكاتب منى, on 31-01-2009 07:30 الف هنا و الف عافية ام السوس على الغريفونيته فكرة كمان ليش لا الواحد بيتعلم و بيجربها على طريقتك

19  الكاتب محبةالمصطفى ملك, on 18-05-2010 23:04 اممممممممممم والله بتعرفي طعمة تمك   رح أجربها قريبا جدا و أردلك خبر

20  الكاتب منى, on 19-05-2010 11:56 هلا اكتشفتي     عم استنى ردك

21  الكاتب محبةالمصطفى ملك, on 22-05-2010 01:27

23  الكاتب منى, on 22-05-2010 10:54 اكيد , هلا في في برادي شوية قشور منقوعة عم تستنى فرج ربها

24  الكاتب محبةالمصطفى ملك, on 22-05-2010 23:38 هههههههههههههههههههههههههههههههه

25  الكاتب منى, on 23-05-2010 11:07

27  الكاتب منى, on 24-05-2010 17:47 الغلط ان الكمية قليلة فلازم تقللي الوقت و تكون الطنجرة كتير صغيرة

28  الكاتب محبةالمصطفى ملك, on 25-05-2010 00:35 طيب أنا حطيت أصغر طنجرة  بس النار متوسطة     و كيف بعرف انو استواا؟؟  يعني انا ما طولوا غير تلت ساعة فصاروا ماكنين كتيييير    و آخر سؤال بعد النضج رح يكونوا مقرمشين و لا متل قطع مربى المشمش طريين؟؟؟؟    عبنتظر الرد حتى أرجع أعيدها

30  الكاتب محبةالمصطفى ملك, on 25-05-2010 13:34

31  الكاتب محبةالمصطفى ملك, on 12-06-2010 20:46 منووش ما صاروا شو أساوي   هلأ بدي أسأل كم سؤال و بدك تطولي بالك علي     أولا وين بينباع من الأوراجيتيه و بنفس الشكل و لا لأ؟؟؟؟؟  و كمان سألتك هالسؤال من قبل بس بدي جواب مفصل أكتر المربي اللي بقلب الشوكولاتة بيكون قاسي و لا لين؟؟؟    أنا أول ما شفت الوصفة عجبتني كتييييييييير و قلت أكيد رح اجربها و رح اعتمدها عندي من وصفات الضيافة المميزة بس ما عبتنجح       اسمعي يا ستي انا حطيت قشور برتقالة و حدة بركوة (مشان الكمية القليلة) و حطيت ثلاث أرباع كوب ماء و ثلاث أرباع سكر و اتبعت الطريقة بعد45 د ابتدوا يصير أجزاء منهن شفافة (بس أجزاء) و وقت صار ساعة كاملة الن على نااااار واطية جدا طفيت و تركتهن يصفو المهم انوا بعد ما بردوا ما بتشوفيهن شفافات كلون بس أجزاء و وقت بتاكليهن قاسيين كتييييييييييييييير واااااااء بتعرفي بدي تجي عن طريق النت و تجيبيلي معك شوي بدوقن و بعدها بتعملي الطريقة قدامي ههههههههههههههههههههههههههههههههههههههه     دوختك ما

32  الكاتب منى, on 12-06-2010 21:06 ما عندي فكرة اذا متوفريين بحلب , الي بعرفهم شغل فرنسا و بنفس الشكل     المربى الي بقلب الشوكولا بيكون تماما متل مربى النا

34  الكاتب محبةالمصطفى ملك, on 13-08-2010 14:20

36  الكاتب منى, on 12-07-2011 11:51 ان شاء الله بيزبطوا و بيعجبوك

37  الكاتب منى, on 17-07-2011 10:51 هلا ملك   قصدي متل مربى النانرج   تكرم عينك , ايا سؤال من عيوني

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved