L2ma.com | لقمة طيبة | L2ma.com | لقمة طيبة | بسكويت الأوريو | · , حتى, على, كوب, البسكويت | L2ma.com

القائمة الرئيسية

الأكثر تصفحاً

بسكويت الأوريو

الكاتب/ منى

11/07/2007

لو جربتي هذه الوصفة مرة , رح تعيديها كمان و كمان و الكل رح يطلبها منك ..

البسكويت تحضيره كتير سهل و العجينة نجاحها مضمون إن شاء الله و ممكن تشكليها كيف ما بتحبي , دوائر أو مربعات , انت و خيالك ..

يجب استعمال نوعية ممتازة من بودرة الكاكاو لأنها أساس طعم البسكويت و نكهته و ممكن تحضير البسكويت من دون الكريما البيضاء بشرط مضاعفة كمية السكر .

بالصحة و الهنا

كوب و ربع طحين
نصف كوب كاكاو غير محلى
ثلاث أرباع كوب سكر ناعم
ربع ملعقة ملح
ملعقة صغيرة بيكنغ صودا
ربع ملعقة صغيرة بيكنغ بودر
اصبع و ربع زبدة غير مملحة
بيضة كبيرة
رشة فانيليا

كريما الحشوة :

ربع كوب زبدة غير مملحة ( بدرجة حرارة الغرفة )
ربع كوب سمنة نباتية شورتننغ ( أنا أستعمل كريسكو)
2 كوب سكر بودرة منخول
2 ملعقة صغيرة فانيليا سائلة
direction

·          تترك البيضة و الزبدة خارج الراد لمدة نصف ساعة قبل المباشرة بالعمل .

·          في وعاء كبير يمزج الطحين و الكاكاو و الملح و البيكنغ بودر و البيكنغ صودا و السكر حتى تمتزج كل المواد .

·          تضاف البيضة و الزبدة الطرية و الفانيليا و يفرك الكل بأطراف الأصابع ثم تشكل العجينة بهيئة اسطوانة و توضع في كيس بلاستيك و يضغط على الإسطوانة حتى تأخذ الشكل المطلوب و لكي لا يبقى أي فراغات داخل العجينة و يملس السطح ثم توضع في الفريزر لمدة ساعة .

·          يحمى الفرن على درجة حرارة 180 درجة و تجهز صينيتان كبيرتان و تغلفان بورق الزبدة ثم تخرج الاسطوانة من الفريزر و تقطع إلى دوائر بسمك نصف سنتيمتر باستخدام سكين حاد .

·          تنقل قطع البسكويت بلطف إلى الصينية و تترك مسافة 2 سنتيمتر بين القطع ثم تخبز في الفرن لمدة 9 – 10 دقائق .

·          تخرج الصينية من الفرن و توضع البسكويتات على مشبك سلك حتى تبرد تماماً .

·          تحضر الكريما , تخفق الزبدة و السمنة على سرعة خفيفة ثم يضاف السكر و الفانيليا بالتدريج ثم يخفق الكل على سرعة عالية لمدة 2 – 3 دقائق حتى يصبح المزيج ناعماً و منتفخاً , إذا لم تتوفر الفانيليا السائلة تستعمل الفانيليا العادية مع ملعقتان صغيرتان من الماء .

·          توضع الكريما في كيس الحلواني ثم يوضع مقادار ملعقة صغيرة منها تقريباً على منتصف البسكوتة ثم تغطى ببسكوتة تانية و تضغط بلطف حتى تمتد الحشوة حتى أطراف البسكويت , تكرر العملية حتى تحضير كل الكمية ثم تحفظ في وعاء معدني ذو غطاء محكم , و هذه صورة عن قرب للبسكويت ...

أضافة إلى المفضلة (1) |

أقتباس | مشاهدات : 4728

تعليقات (9)

1 ماشاء الله عليكي يامنى
الكاتب شيرين, on 28-03-2010 19:01
لما شفت اسم الوصفة فكرت وصفة و مستعملة فيها بسكويت الأوريوو لما شفتك أنتي عاملتيها قلت (الله أكبر)حتى هي ما خليت من ايدك. يا رب يسلم دياتك و يخليكي لأولادك و زوجك و تتابعي ابدعاتك

2 الكاتب لمياء, on 08-05-2010 12:54
تسلم ايديكى يا منى
شكل البسكويت لذييييييذ جدا

3 الكاتب منى, on 08-05-2010 14:30
هلا شيرين

الله يخليلي ياكي على هل الدعوة الحلوة , ان شاء الله انتي كمان و كل واحد قريب الك و على البك

4 كله اسئله
الكاتب حمودي, on 20-01-2011 15:53
هههههههههههه
انا اسف لاني ع طول بكثر بالاسئله
.............
كم مقدار الزبده بالجرام او بالملاعق احسن ؟
والبكنج صودا هوا البي كربونات ولا لا ؟
او اقدر استبدله ؟
.............
مع خاااااااااااالص تحياتي
AHMED

5 الكاتب إسراء, on 25-01-2011 04:31
مرحبا
ست منى هلأ بيكنغ صودا نفسها كربونات الصوديوم وللا غيرا ؟ بتمنى لاقي الرد منك بسرعة لانو بهاليومين بدي اعمل هالبسكويت لانو عجنه سهل ما بدو خفاقة
سؤال تاني الزيدة غير المملحة بتصير لورباك ؟
سلام........ اسراء

6 الكاتب إسراء, on 30-01-2011 06:04
مرحبا ست منى عملت هاد البسكويت وطلع كتيررررر طيب بس قاسي شوي !!! ياترى السبب لانو خبزتن زيادة ؟ لانو بصراحة بما اننن لونن بني ماعرفت ايمتا بستووا هههههههه بس طيبين والله وعملت سيرش على جوجل طلع البيكنغ صودا نفسا كربونات الصوديوم او الكربونة
شكرا كتير ست منى

7 الكاتب منى, on 30-01-2011 07:21
اسفة اسرا للتاخير بالرد و فعلا البيكنغ صودا هو نفسه بيكربونات الصوديم

هادا البسكويت بياخد على الاغلب 8 دقايق ,و اذا خليتهم اكتر رح يصيروا قاسيين, بقة يا ترى اديه خليتيهم ؟

8 الكاتب إسراء, on 31-01-2011 03:28
هلا ست منى مو مشسكلة الله يعطيكي العافية
اول صينية خليتا تلت ساعة ههههههه صارت قاسية كتير بس طيبين والصينية التانية احترقت !!!!!
اول مابوصل على حلب رح اعملا لبيت حمايي ان شا الله اخر هالاسبوع
شكرا كتير ست منى بجد وصفاتك غير شكل
بس عندي سؤال كمان ؟
هلأ مرة شفت الشيف اسامة السيد عامل بيتفور شطرنج انا اخدت المقادير وعملت هالبيتفور شكلو حلو كتير بس ماحبيت طعمتو لانو قريب على طعمة الغريبة وانا مابحب الغريبة
هلأ سؤالي انو فيني اعمل من عجينة هاد البسكويت لون ساده (يعني بدون كاكاو) وبحط بدل نص الكوب كاكاو طحين ؟ وقتا بعمل بيتفور شطرنج بس من هي العجينة وانا متأكدة رح تطلع اطيب كتيررر
وشكرا

9 الكاتب منى, on 02-02-2011 07:51
:upset

حرام عليك

بس بتعرفي انا كمان عملت متلك لما حضرت بسكويت الشوكولا اول مرة لان متل ما قلتي ما بيبينوا اذا استوا و الا لا , جربي تخليهم 10 دقايق المرة التانية حتى لو كانوا طرايا شوي عند الخبز , بعدها رح يزبطوا و يطلعوا كتيرررر طيبين
اي اكيد فيك تغيري بالوصفة و تحضريها من دون كاكاو , بس اتوقع ان تلت كوب بيكفي , بقى ابدي بتلت كوب طحين و اذا حسيتي ان العجينة بدها كمان ضيفي

ايا سؤال تاني من عيوني و اتمنى تبعتي صورة لبتيفوراتك الشطرنج

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 02/02/2011 )

< السابق		التالى >

[ عودة ]