الدجاج على الطريقة المكسيكية

كيلو شرحات صدور دجاج
ربع كوب خل
ملعقة كبيرة زبدة
2 ملعقة كبيرة زيت
2 - 3  حبة كبيرة بصل
3 حبة كبيرة فليفلة حمراء
3 حبة كبيرة فليفلة خضراء
3 فص كبير ثوم
2 ملعقة كبيرة طحين
3 كوب ماء أو مرق
ربع كوب كتشاب
ربع ملعقة صغيرة قرفة
نصف ملعقة صغيرة بهار مشكل
ملعقة صغيرة فليفلة حمراء بودرة
2 ملعقة كبيرة صلصة ورشسترشاير
نصف ملعقة صغيرة كاري

تعليقات (29)

1  الكاتب بدور, on 16-08-2007 20:17 يسلمو إيديكي منى الحلوة هالأكلة طيبة كتير كتير بس لو سمحتي شو هي البهارات المشكلة والورشسترشاير؟

2  الكاتب منى, on 17-08-2007 11:03 بدور البهارات المشكبلة هي البهار الحلبي العادي ..    أما صلصة الورشسترشاير فممكن تلاقيها في السوبرماركات الكبيرة متل نيو تاون و غيره و هي عبارة عن فنينة صغيرة فيها صلصة لونها متل دبس الرمان بس مريقة ..  و إذا ما لقيتيها استعملي الصويا صوص عواضها ..    اي سؤال تاني أنا بالخدمة

4  الكاتب منى, on 22-11-2007 06:43 و يا ترى كان بلكونة بيت جدها على بلكونة بيتك ؟؟      عن جد من وقت ما شفت اسمك قلت يمكن انت نفسك       مية أهلا و سهلا فيك نورا , بعد زمان عنك     شو أخبارك؟؟      على فكرة أنا مو ام سامي , أنا أم مروان ..  بس بحب يندهولي باسمي أكتر

6  الكاتب منى, on 24-11-2007 09:52 مية أهلا و سهلا فيك نورا     ما شاء الله , الله يخليك سامي و تشوفيه متل ما بتحبي و أحسن يا رب     أنا صار عندي أربع قطط , بنتي و صبيين من عمر عشر سنين لحتى السنة , تشكيلة     من فضل الله علي كملت دراستي بعد ما اتجوزت , خلصت أدب انكليزي , و كنت متمنية أن كمل دراسات بس هلأ صعب ..  بركي لما بيكبروا الاولاد شوي       صحتين و هنا و عوافي على كاتو السابخ , و إن شاء الله كمان تجربي شي من الوصفات و يكون على زووءك       كتير انبسطت لان سمعت منك , و ان شاء الله ببقى بشوفك هون كتير     نورتي يا عسل

7  ممكن سؤال الكاتب هوايتي الطبخ, on 20-04-2008 19:35 اولا شكرا لك يا اخت مني علي هذه الوصفه انا من عشاق المطبخ المكسيكي وهذه اول طبخه مكسيكيه اطبخها  اريد ان اسأل انا اليوم قمت بطبخ هذه الطبخه ولكن الدجاج ما طلع اصفر كمان هل لازم ننقع الدجاج بالخل الاسود ام بخل التفاح انا اليوم نقعته بخل اسود وقمت بنقعه لمده نصف ساعه فقط لانه لم يكن لدي وقت لنقعه ساعتين المهم لاحظت ان الدجاج يتكسر ويتفتفت وانا اقلبو في القدر ؟ ليش مااعرف؟  ولكن الصلصه او الصوص كان اروع من الروعه مره لذيذ لكن ابغا اعرف ليش الدجاج كان بيتفتفت معايا في القدر وانا بقلبو هل لاني نقعتو في خل اسود ياريت تجاوبيني يااخت مني  وشكرا لك

8  عسي المانع خير الكاتب هوايتي الطبخ, on 22-04-2008 00:17 اختي مني كتبت لك سؤال من يومين وما رديتي عليا وعسي المانع خير  ان شاء الله تكوني كويسه   وياريت اعرف منك ليش مارديتي علي سؤالي خايفه اكون تقلت عليكي بالاسئله سامحيني

9  الكاتب منى, on 22-04-2008 09:52 هلا فيك أختي هيك بزعل منك كتيرر و الله ..لا تقلتي و لا شي , بس في شوية ظروف صحية عندي في البيت , و لهيك قلت طلتي على الموقع     هلأ بالاول هنا و عوافي على المكسيكانو , هيك صار لازم تبعتيلي حصتي ..    ما بيفرق بأي خل بتنقعيه , المهم هو ازالة رائحة الدجاج أولا و تطريته ثانياً ..أنا أستعمل خل التفاح أو خل العنب حسب المتوفر عندي     الدجاج بيتفتت لأن النار كانت واطية عليه , لازم تكون النار عالية لحتى تحفظي العصارات بقلب الدجاج و ياخد لون من برة و ما تكتري من التقليب , يعني بعد ما يحمى الزيت و الزبدة بتضيفي الدجاج و بتتركيه لحتى يأخد لون من أول طرف بعدها بتقلبيه للطرف الثاني و بس ما أخد لون من الطرف التاني بترشي الطحين و بتقلبيه يا دوب كم تقليبة و بعدها بتابعي الوصفة عادي       أسئلتك التانية عن المردكوش و التورتيا عم حضرلك موضوع كامل عنهم , بقى لا يبقى بالك ان شاء الله بحاول نزله اليوم...    نور الموقع بأحلى عضوة يا عسل

10  يسلموا ايديك الكاتب اسماء, on 09-01-2009 20:04 يسلموا ايديك عن جد كتير ساعدتيني خاصة وانا فاتحة بيت جديد وعبتعلم الطبخ جديد كنت ما احب الطبخ بس عبشوف هالوصفات عبتحمس لاعمل شي بس سؤال على الوصفة لازكم يكون الدجاج هون شرحات؟؟ وشكرا سلفا على الاجابة

11  الكاتب منى, on 10-01-2009 10:59 هلا اسما مية اهلا و سهلا فيك و الحمد لله انك عم تتشجعي تجربي اشيا جديدة و كمان الحمد لله انك عم تستفيدي     هون بينفع اما شرحات أو صدر دجاج مشفى و انت تقطعين عيدان , اي سؤال تاني من عيوني

12  الكاتب محبةالمصطفى ملك, on 12-06-2010 05:26 هلأ منووووش تسلمي عكل الوصفات اللذيذة بس في استفسار     هلأ أنا بعرف انو المكسيكانو فيها مايونيز و ما فيها كاتشب و كاري و الفاهيتا فيها كاري و كاتشب أو بندورة صح و لا لأ   لأني وقت بشتري سندويش هيك بكونوا(من عند سيرجيه)     ممكن تقوليلي بالتفصيل لأني محسوبتك فضولية و بتحب كل شي على أصوله     و كمان لأني مام عملت رز و مكسكانو (على قول عميمة اللي أخدت الطريقة من عندها)  يعني بتشيه طريقتك بس فيها ذرة و فطر........  بس كمان قال انو مكسيكانو مع أني فيها كاري على عكس المكسيكانو اللي بنشتريه حاضر فشو القصة؟؟؟؟؟؟؟؟؟؟؟؟؟؟؟؟؟؟؟؟؟؟؟؟      أكيد حكيييييييييت كتير و هلأ انت عمتعملي هيك   لأ و شو ....اتفصحنت على ماما و قلتلها هي فاهيتا مي مكسيكانو هالحكي امبارح و اليوم بدخل و بشوف الوصفة هون هيك كمان     بس بتعرفي سواء كانت مكسيكانو أو فاهيتا بس طيييييييييييييييييييييييييييييييييييييبة كتير بس أنا ما أكلتها مع الرز تركت الرز و حطيتها بصمنه و كبستها شوي امممممممم ما أطيبها لسه من شوي أكلت سندويشة منها

13  الكاتب منى, on 12-06-2010 12:36 انا ما عم احكي عن السندويش , انا عم احكي عن الوجبة و هي ممكن تطلبيها من ايا مطعم و هي بتكون مع رز و ممكن ينحط مع الرز ذرة , بس من دون فطر   بكل الاحوال متل ما قلتي كله طيب و يممم     سندويش المكسيكاتو غير هل الوصفة و هديك بتنكبس بالسندويش مو هي     الف صحة و هنا على البك

14  الكاتب محبةالمصطفى ملك, on 12-06-2010 20:31   و على قلبك    يعني قصدي مو المكسيكانو الساندويش بدون كاري و كاتشب؟؟؟  بس سندويش الفاهيتا فيها كاري؟    و معناها تشيكن مكسيكانو وصفة محايدة ما الها علاقة بالسندويش       قلبتلك راسك ما     طيب هلأ هي الوصفة الأساسية و لا معدلة عليها لأن اللي عملتها ماما مختلفة شوي و اللي بتعملها خالتي كمان مختلفة شوي مشان أعرف على أي وصفة أعتمد

15  الكاتب منى, on 12-06-2010 20:37 اعتمدي الي بيناسبك , انا هي الوصفة طلعت معي بعد ما جربت و عدلت و دقت و عيد و اصقل لحتى طلعت معي متل ما بدي     بس برجع بقلك كله طيب و يممم و ما في اصول للوصفة لان هي الوصفة الها علاقة بالمكسيك بس بالاسم , بس الدجاج المكسيكي غير شي , طاااول

16  الكاتب محبةالمصطفى ملك, on 13-06-2010 02:38 ههههههههههههههههههه

18  الكاتب محبةالمصطفى ملك, on 16-06-2010 05:21 شو صار معك منوشة ؟؟؟  وين هالغيبة؟؟؟

20  الكاتب منى, on 03-09-2010 22:06 ما وصلتني الوصفة ملك , عم استناها

21  الكاتب منى, on 03-09-2010 22:11 هلا اخي مهندس   هادا بتلاقيه بقسم الصلصات , جنب الكتسشاب و الخردل و صلصة الصويا و اذا ما لاقيتها فيك تستعمل صلصة الصويا , بتطلع كمان طيبة

23  الكاتب منى, on 19-02-2011 16:41

25  الكاتب منى, on 08-06-2011 10:56 مية هلا فيك حبيبتي   منورة

26  السلام عليكم الكاتب أم سليم, on 22-09-2011 18:21 مرحبا منى أنا ضيفة جديدة عالمنتدى بدي أشكرك كتيييييير عهالوصفات اللذيذة أنا حلبية متلك وبحب الأكل عأصوله متل طبخك وللأسف متزوجة عغربة ومافي حدى أستفيد منو بالطبخ فموقعك كان أكبر منقذ شكرا كتير اليوم ساويت هالأكلة طلعت طيبة كتير وزوجي عجبتو كتير وصار جربت أكلات كتيرة واليوم المسا رح أعمل يبرق للمرة الأولى فادعيلي ينجح وباستخدام ملاحظاتك طبعا بس عندي سؤال عالمحشي القرع مع اليبرق لازم يكون تحت اليبرق ولا فوقه لأن بتذكر ماما كانت تحطو تحت اليبرق بس مو متأكدة كتير فبتمنى تجاوبيني لأن مافيني أسأل ماما لأنها متوفية

27  الكاتب منى, on 26-09-2011 10:23 و عليكم السلام و رحمة الله و بركاته , هلا فيك اختي ام سليم   ان شاء الله الف صحة و هنا على البك و البه , الحمد الله انها عجبته   لا المحشي فوق اليبرق , يمكن بتتذكري انو تحته لان رح يصير تحته بعد ما نقلب الطنجرة     الله يرحم روحها و روح امواتنا و تعيشي و تترحمي و لا تنسي تستغفريلها كل يوم     منورة اختي وصلتي لبيتك

28  yummmy الكاتب amoula, on 07-02-2012 14:25 مع انو كل طبخاتي من الموقع من سنة ( من وقت ما تجوزت ) بس هالوصفة اليوم لجربتها بحذافيرها من الموقع وندمت على الايام اللي ضيعتها بدونها ,   يسلم دياتك اختي منى الوصفة بسيطة وطيييبة جدااااااااااا يمييي بنصح اللك يجربها , واضافة الطحين والصوص اللي اسمو طويل كتير عطت طعمة طيبة , بس بدي أسالك للتأكد هي هيه الوصفة الاصلية مو ؟  لانو انا اندوخت من كترة الوصفات اللي نزلت تحت اسم المكسيكانو اللي اغلبها الفطر فيها اساسي ولحد ما دخل فيها البندورة وآخر اضافة شفتها كانت البطاطا المقلية ومدري كم كاسة مروب فيها دبس بندورة , وكلهم اسمهم مكسيكانو , ورح قلبنا نحن الحلبية نختررع     الله يجزيكي الخير وكالعادة انضافت للوصفات المفضلللللللللة

29  الكاتب منى, on 07-02-2012 20:14 هلا امولة   من حظي انك عم تطبخي من عنا صار الك سنة , انا ممنونة كتير ثقتك في و ان شاء الله تعيشي و تطبخي لعيلتك الحلوة الي رح تكبر اكتر و اكتر و تملي عليك حياتك     هلا هون ما في وصفة اصلية , بس بكل المطاعم بيقدموها هيك , من دون فطر او جزر او بطاطا و حتى من دون صوص , بس انا حبيت ضيف الصوص لان بيطلع مقبل اكتر مع الرز , و هي الوصفة وصفتي الاصلية المونية

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved