المحمرة

 من المقبلات اللذيذة جداً و الخاصة بمدينة حلب , تحضر من الجوز و دبس الفليلفة و دبس الرمان , فتعطي ذلك التضارب اللذيذ ما بين طعم الحرّ في الفليفلة و طعم الحلاوة في الدبس رمان..

يفضل تحضير المحمرة قبل بيوم من موعد التقديم لضمان تمازج النكهات فتعطينا ألذ طعم , و أنا أقدمها دائما مع الحمص فأغمس بلقمة واحدة الحمص و المحمرة ,, يم يم

بالصحة و الهنا

3 - 4 ملعقة كبيرة دبس فليلفة
2 ملعقة صغيرة فليفلة حمراء ناعمة
كوب ماء
كوب كعك مطحون
ملعقة صغيرة كمون
3 ملعقة كبيرة دبس رمان
ربع كوب زيت زيتون
كوب جوز صحيح
عصير ليمون حسب الحاجة
رشة سكر ( بعد التذوق )

تعليقات (26)

1  الكاتب linda, on 05-07-2007 19:49 يا عيني على اكلات حلب يلي بتشهي   انا بحب الاكل الحر كتير   مع اني مو جوعانة بس اشتهيت الاكلة     و هي اول مرة بشوف هل الوصفة   بس انزل بدي اعملها لامي     يعطيكي العافية

2  الكاتب منى, on 05-07-2007 19:57 الله يعافي قلبك ليندا     قصدك أول مرة بتشوفيها على النت ؟ و إلا أول مرة بتسمعي فيها     جربيها ليندا و جنب الكبة مممممممم    يتاخد العقل     رح تنبسط امك فيك كتير ..  ان شاء الله توصلي بالسلامة

3  الكاتب linda, on 05-07-2007 21:01 الله يخيليكي و يجبر بخاطرك   امي قالتلي رح تساويلي كبة نية بس انزل و ان شالله انا بساوي معها المحمرة         اصدي اني هي اول مرة بسمع بهل الوصفة و كمان ولا مرة صدفت اني شفتها عل النت   بس باين عليها بتجنن وخاصة مع المشاوي     تصبحي على خير

4  الكاتب منى, on 05-07-2007 21:59 ان شاء الله ليندا     الله يخليكم لبعض و ما يحرمكم من بعض يا رب     كتير طيبة مع كل شي و هي انا هلأ عم أتعشى منها لان كل ما بساويها ببقى بروح و بجي على البراد لحتى خلصها     و انت من أهل الخير

6  الكاتب منى, on 04-09-2008 20:19 هلا ام ياسمين  هادا بس من زووءك يا قمر انت , و الوصفة هي كتيررر كتيرر طيبة و مين ما داقها بيحبها حتى الفرنساويين جنوا عليها لما داقوها عندي     منورة دايما بقلبي يا طيبة يا بنت الأصول

7  الكاتب ام دانية, on 06-09-2008 16:02 يسلم ايدك انا اليوم رح جربها ان شاءالله تنجح

8  الكاتب منى, on 06-09-2008 19:00 ان شاء الله و يا ريت تخبريني شو بيصير معك

9  الكاتب ام نور, on 12-11-2008 18:08 عزيزتي منى بدي جرب هالوصفة بس بدي اعرف شغلة بعد ما انقع الدبس بالماء اكب الماء قبل اضافة الكعك ولا اضيف المقادير فوق الماء والفليفلة

10  الكاتب منى, on 13-11-2008 07:09 هلا ام نور   لا اكيد المي ما بتكبيها لان لازمة لحتى ينبل الكعك و يصير متل معجون

11  الكاتب ام احمد الغالي, on 13-06-2009 07:16 الله يسلم دياتك يارب عن جد اشتهيت عليها كتير  بس عندي سؤال صغنون الجوز بفرمو بالمفرمه ولا عادي بايدي يعني قطع صغيرة  الله يخليلنا اياكي يا منى ويباركلك بولادك

12  الكاتب منى, on 13-06-2009 11:02 الله يخليلي ياكي ام احمد على هل الدعوة شو بحبها , ان شاء الله انت كمان انت و كل الغوالي على قلبك   اختي الجوز نفرمه على ايدنا مو بالمفرمة و الا بيروح كله و ما بيبن

13  الكاتب ام احمد الغالي, on 18-07-2009 22:54 يسلمو ايديكي يا احلى منى بلعالم   ياليت لاقي موقع يشرحلي برامجه متل موقعك ما بيشرح الاكلات الطيبه   كل شوي بغطس بهالمواقع تبعت الكمبيوتر وبتطلع روحي وبرجع لموقعك بقرى شي اكله بتنسني البرمجه   الله يخليلنا اياكي يا منى وما يحرمنا هالاكلات الزيزة وهالروح الطيبه

14  الكاتب منى, on 19-07-2009 11:33 تبقى اذا لاقيتي خبريني , بس اذا ناوية بجد ما الك غير المواقع الاجنبية , هونيك الشرح بيكون بقلب و رب على الاغلب ..    الله يخليلي ياكي اخت كريمة و غالية و نورتي يا عسل

16  الكاتب منى, on 25-08-2009 21:56 ايه في ناس بتحط و في ناس لا , انا لأ

21  الكاتب منى, on 15-08-2010 10:30 الف صحة و هنا و عافية يا رب , انبسطت كتير انها عجبت الباشا و نزلي على كيفك حبيتي     شرفتي يا قمر

22  ................... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-10-2010 21:09 بما إني رجعت من عند أهلي من يومين  جبت معي فليفلة و عملت محمرة بنفس طريقتك تقريباً  بس ما بعرف حسيت انو فيا شي ناقص  ما عرفت شو هو   اتخيلت بعدين انو ممكن كان بدها ملح   على كل رح جرب ساويا مرة تانية بمقاديرك و شوف  و سمعت انو ممكن يضيفولا ملعقة طحينة  سمعتي بهالشي   و في عندي سؤالين كمان إذا ما فيها سئلة   بعتلك من فترة على اتصل بنا سؤال عن طريقة مستحلب اللوز....عندك فكرة   و كمان كنت عم دور على طريقة طبخ الكبة السفرجلية و ما لقيتا بالموقع  فهل هيي مو موجودة ولا أنا ما عرفت دوّر منيح   لأني جبت معي سفرجل و حابة اطبخو للباشا   طولت عليكي لا تآخزيني  و مشكورة مقدماً    7ayah Dayyen

23  الكاتب منى, on 25-10-2010 08:35 هلا حياة   يمكن ملح , ان شاء الله تعمليها بنفس الطريقة و اتوقع رح تعجبك كتير انت شاء الله     صح في ناس بتضيف الها طحينة , طيبة كمان     ما عندي فكرة عن مستحلب اللوز   اما السفرجلية , ان شاء الله بنزلها اسمه هلا وقتها     شكرا الك لثقتك في حياة , و اسفة للتاخر بالرد حبيبتي

24  .............. الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 25-10-2010 20:06 شــــــــــــكــــــــراً كتير   لـَكـَن أنا رح استنى السفرجلية  و مو مشكلة على التأخير  شو ورانا   بعرف انك بتكوني مشغولة لما بتطولي  الله يعطيكي العافية  سلامي الحار    7ayah Dayyen

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved