مزيج لذيذ من الشوكولا الحلوة و جوز الهند و الجوز , يحضر في المناسبات الخاصة لجمال منظره و لذة طعمة .

و مع أن اسم هذه الوصفة : كاتو الشوكولا الألماني إلا أنه ابتكار أميركي
ففي عام 1852 ابتكر أميركي يدعى سام جيرمان Sam German شوكولا غامقة و حلوة الطعم و منها تحضر هذه الوصفة و منها أخذت اسمها ..


عوداً إلى وصفتنا , قد لا تتوفر في بلادنا شوكولا جيرمان تلك , لذا تحضر الوصفة من أي شوكولا أخرى بشرط أن تكون غامقة و حلوة .

الوصفة الأصلية لا تحوي نسكافيه في مقاديرها , و لكني أضيف القليل من النسكافية لأي كاتو شوكولا لتعزيز النكهة و إظهارها

بالصحة و الهنا 

ثلث كوب حليب
ملعقة صغيرة نسكافيه
كوب و ثلثي كوب طحين حلويات
كوب و ثلث سكر ناعم
ملعقة صغيرة بيكنغ بودر
نصف ملعقة صغيرة بيكربونات الصودا
رشة ملح
اصبع زبدة طرية
ثلثي كوب بتر ميلك
3 بيض
فانيليا

كريما الشوكولا :

100 غ شوكولا بالحليب ( مكعبان كبيران تقريباً )
نصف كوب قشطة
رشة فانيليا


تغطية جوز الهند و الجوز :

بيضة
ربع كوب زبدة
ثلثي كوب سكر
علبة كبيرة حليب مكثف محلى ( 425 غ )
نصف كوب جوز
كوب و ثلث جوز الهند

تعليقات (24)

1  الكاتب بدور, on 07-09-2007 17:14 الله يسلم هالايدين على هالوصفات الحلوة مو بس شاطرة بالاكلات و ثقافتك عالية كمان ما شاء الله عليكي شكرا ميمو الحلوة بس لو سمحتي كيف مزينة الكريما الشوكولا هيك بالصورة شكلا كتير حلو   اذا حطيت الكريما بكيس و عملت فتحة صغيرة من زاوية الكيس وعصرت الكريما بصير هيك؟   نشالله كون عرفت أشرحلك ئصدي

2  الكاتب منى, on 08-09-2007 07:19 هلا بدور     التزيين بالكريما بده كيس خاص أو أداة بتشبه المكبس الصغير و بيكون في معهم عدة رؤوس و كل راس بيعطينا شكل جديد ..    متوافر بالمحلات , اسألي عن كيس التزيين بالكريما     اي سؤال تاني أنا تحت أمرك

3  الكاتب بدور, on 08-09-2007 17:57 شكرا كتير على نصايحك رح اسأل عليه نشالله     يمكن أنا أكتر وحدة بتسأل مو؟      بيئلولي أهلي بالبيت لما بتحكي منحس عشرة عبيحكو سوا ولما بطلع من البيت بحسو البيت فضي لإنو لساني ما بيدخل لحلئي

4  الكاتب منى, on 10-09-2007 13:48     يمكن انت أكتر واحدة حابة تتعلمي مو أكتر واحدة بتسألي     الله يخليكم لبعض و يديم ماماتك و باباتك عليك يا رب

5  الكاتب souha, on 22-11-2008 14:44 السلام عليكم  تسلم إيدكي منى على هالوصفة بس ياترى أديش كمية الزبدة بالغرام لو سمحتي

6  الكاتب منى, on 22-11-2008 15:52 125 غ , يعني نص الباكيت العادي

7  الكاتب souha, on 10-01-2009 18:28 هلا منونة   أنا اليوم ساويت هالكاتو بس مانفش ضل متل ماهو ثابت على موقفو صاحب مبدا يعني   هلأ أنا حطيت مزيج الشوكولا على الطحين مباشرة و كان سخن هي أول شغلة ما بعرف إذا كانت هي السبب  كمان كمية السكر كوب و ثلث مالك كاتبة بأي خطوة منحطها فأنا حطيتها مع الحليب و الشوكولا  ممكن يا ترى يكون السبب من كثرة الخفق بس أنا خفقتو 5 دقائق متل ما هو مكتوب  أنا عم أكتب التعليق أجت أمي ع البيت و قالتلي هادا إشو   كنت ناوية أخدو بكرا لرفقاتي في الوظيفة بس ما في نصيب  مع كل يلي صار معي بدي إلك إنو الطعمة طيبة كتير  سلام

8  الكاتب souha, on 10-01-2009 18:46 منونة نسيت إسألك عن مقاس الصينية لو سمحتي   سلام

9  الكاتب منى, on 11-01-2009 10:54 هلا سهى     يا شو زعلت و الله حقك علي الغلط اني نسيانة أذكر الشغلتين الي عملتيهم , اول الشي لازم يكون مزيج الشوكولا بارد و تاني شي السكر مع الطحين و ما مندوبه مع الشوكولا     الصينية اما صينية الكيك العادي أو صينية مدورة بقطر 22 سم       معلش ازرعيها بدقني و الف شكر الك للتنبيه , و هي قصة صامد علبى مبدا فرطتني ضحك

10  الكاتب souha, on 11-01-2009 16:00 هلا منونة   معليش بدي كمان استفسر منك   هالكاتو صارت قصتو متل باب الحارة أجزاء هلأ إنتي مساويتي لهلكاتو لأني بدي إرجع جربو بس لحتى خلص ريجيمي ورا ورا لحتى يزبط يا أنا يا هو     و لا يهمك مشان قصت زرعيها بدقني لما الواحد بيفشل بأي شي بالحقيقة ما بيكون فشل بتكون خبرتو زادت كأني لتيت و عجنت كتير   سلام

11  الكاتب منى, on 11-01-2009 17:59 لك له يا سهى     شو مجربتو و ما مجربتو , اكيد مجربتو و الا ما كنت استرجيت و ضفته على الموقع , صح     و لا يهمك و ان شاء الله تساويه و يعجبك

12  زبط الكاتب souha, on 17-02-2009 18:36 السلام عليكم   منونة شو رأيك بهالصورة    قلتلك ورا ورا ليزبط بس تعرفي بالنسبة لكريما الشوكولا حطيت الحليب و الشوكولا مع بعض ع المايكروويف 30 ثانية و هيك صارو مناح و ما بتنطري وقت طويل ليبردو يادوب 4-5 دقائق و بتستعمليهم كمان بالحشوة حذفت كمية السكر و طلعت حلاوتها كويسة من حليب النسلة و بدال ما حط بقلبها جوز عفتو للزينة بس الخلاصة كاتو فاخر للمناسبات الخاصة مع إنو ما كان عندي مناسبة خاصة بس بشجع الأخوات يجربو ما بيندمو  هلأ إلك عندي كومة أسئلة يارب بسم الله   س1 ممكن نستبدل القشطة بالكريما بكريما فرش و إذا كان ممكن أديش الكمية   س2 في و صفات على قنات فتافيت للشيفات الأجانب سهلة كتير بس المشكلة بيستعملو شي إسمو corn syrup فيا ترى بتعرفي إذا عنا منو أو ممكن نستبدلو بشي تاني عم فكر ببديل متل العسل   س3 في نوع رقائق شوكولا بتنحط للكاتو و البيتي فور إسمها semi-sweet chocolate طبعا هي غير الفر ماسيه بتعرفي إذا بلاقي منها بسورية   س4 مرة حطيتي وصفة فيها ساور كريم يا ترى منين منجيبو   بدي أخد جائزة نوبل لأطول تعليق الله يعينك   سلام

13  الكاتب منى, on 17-02-2009 18:36 ووووواو ام السوس , شو شي غير شكل و الله طالع شكله تحفة معاك اي بس انا ما بسدق لدوء     كتير منيح انك عملتي كم تعديل لحتى يطلع على زووءك و خصوصا ان التعديلات كانت بالسكر لان ممكن كتير ناس ما تحبه حلو , عندي لازم يحون الحلو متل القطر لحتى يعجبهم     يا ترى قصدك بالقشكة قشطة كريما الشوكولا ؟ اذا هيك اكيد ممكن تستبدليها بالكريم فريش و بنفس الكمية     الكورن سيروب متوفل عندنا بكل السوبرماركات الكبيرة و المولات و انا الصراحة بلاقي كل طلباتي اما عند العقاد أو عند كنان , و ممكن استبداله في بعض الوصفات , مو كله بالقطر العادي السميك بس من دون ماء زهر   الرقائق الي ذكرتيها و لا مرة دورت عليها , بس لازم تكون متوفرة     كمان الساور كريم بتلاقيها بنفس المحلات الي ذكرتها فوق أو عند نيو مول , بس الصراحة اذا كانت وصفة حلويات قليل ما استعملها و استبدلها بكاسة من الحليب مع ملعقة عصير ليمون لكل كلسة من الساور كريم     رح تاخدي جائزة نوبل بس لاحسن تطبيق الصراحة شي بياخد العقل و بيرفع الراس الف هنا و عافية ام السوس و لااا تنسي تاكلي عني شي كم عشر لقمات

14  الكاتب رنا, on 04-04-2009 16:09 هلأ ياستي انا اول مرة بشوف كاتو من كاتويات بينحط البيض بعد الطحين هو هيك صح ولا انا هيك فهمت ؟؟

15  الكاتب رنا, on 04-04-2009 16:11 طيب قديش كمية الزبدة بالغرام

16  الكاتب منى, on 04-04-2009 21:07 هلا رنونة   الي بيعيش كتير بيشوف كتير و انت فهمت صح و الزبدة كميتها 100 غ , اي سؤال تاني من عيوني

17  الكاتب رنا, on 04-04-2009 22:07 بدي جربه كل غراضه عندي بس هادا عمو سام جيرمان مااظن رح يعرف جوزي يجيبه بنوووب لذلك رح حط شوكولا غامقة بس تكون حلوة

19  الكاتب منى, on 12-06-2009 12:15 هلا رنونة   مو ضرورية الشوكولا , انا ذكرتها بس لحتى تشوفوا الوصفة الاصلية و خلي عمو سام نايم بتخته هلا     ان شاء الله تجربيها و تعجبك و انا بانتظار رايك

20  الكاتب منى, on 12-06-2009 16:19 هلا جوجو   ان شاء الله تجربيها و تكون على زووءك أختي و اشوف صورة لتطبيقك

21  الكاتب Mays, on 07-02-2010 05:46 صباح الخير منوش    يوم الجمعة كان عندي عزيمة و عملت كاتو الشوكولا الألماني و كتير عجب الجماهير و فكروه كاتو جاهز.  بس أنا حسيت إنو ما نفش كتير و بالنص كان معجن شي بسيط مع إني تقيدت بالوصفة و تفاديت الأخطاء اللي صارت مع سها ، هو أكيد بعد ما قسمته و حشيته بالحشوة الخطيرة اللي أخدت عقل الكل ما بين التعجين بس حابة بالمرة الجاي يكون كل شي تمام و على أصوله ( متل شعار موقعنا).  بقى يا ترى شو ممكن تكون المشكلة ؟؟؟     بس منى بيني و بينك ، ضيوفي كانوا جابين معهن نوعين كاتو جاهز و من كافيه معتبر كتير عندنا بس ما صار عليهن إقبال متل هالكاتو و فطيرة التفاح تبعت سهى اللي عملتها كمان بالعزيمة ( اتذكرت ، لازم روح اتشكرها على هالفطيرة الرائعة)    يعنى عنجديا منى ، الله يوفقك و يديم عليك الصحة و العافية و يهنيك بعيلتك وأولادك على قد ما بتفيدينا و بتساعدينا.

22  الكاتب منى, on 07-02-2010 08:08 ميوسة ممكن تكوني طالعتيه قبل ما يستوي تمام ؟  لان الكيك رح يكون نافش و اخر حلاوة , بكل الاحوال الف هنا و صحة على البك و الب الضيوف واحد واحد و منيح انه عجبهن     خليلي عينك على الدعوات الكريمة , ان شاء الله الك متلها و احسن يا حق

23  الكاتب Mays, on 07-02-2010 09:20 ما بظن الشغلة بالخبز لإنو ضل بالفرن شي ساعة  الله أعلم الشغلة إلها علاقة بالخبز.  على كل حال الكاتو يعاد جدا لإنو طعمة الشوكولا مع النسكافيه و حشوة جوز الهند كانت سيمفونية.        تسلمي لي يا منى .

24  الكاتب منى, on 07-02-2010 20:16 هنا و الف عافية يا رب , طيب يمكن من طريقة خلط المقادير . يا ترى خليتي مزيج الشوكولا يبرد شوي قبل ما تضيفيه

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved