سلق اللحمة أو الدجاج ممكن تعملي فيه تغيير بسيط على طريقتي و رح تكون النتيجة رائعة جداً و على ضمانتي ان شاء الله ....

بالصحة و الهنا

حبة جزر   
حبة كراث

تعليقات (16)

1  الكاتب DOUHA, on 18-10-2009 20:46 حلو كتير وانا هيك بعمل بس عجبتني فكرة الحفظ شكرا

2  الكاتب ام عدنان, on 02-12-2009 17:50 شلونك منى ؟   يسلم دياتك على هالوصفات الحلوة اللي عم بتعلمينا اياها    انا بعملها بنفس الطريقة بس بضيف بصلة مع السمنة وبتقلي فيه الدجاج  وبحط عالدجاج ماء مغلي وحبة بندورة مقسومة  لأنو البندورة بتعي الدجاج أو اللحم طراوة   وبتخلي يستوي بسرعة    وشكرررررررررررا

5  غيرت حياتي فحبك ليَّ ........ الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 05-09-2010 03:27 السلام عليكم    كيفيك ست منى ؟ ان شاء الله ليلة قدر مباركة عليكم وعلى كل حبابكم  شكرا كتييييير عهالوصفة اللذيذة من قبل كنت اسلق الفروج عادي م شوية فلفل ملون وملح ... بس من وقت ما قريت هالوصفة صرت عطووول انزل جيب المكونات هدول وفكرة الجزر ما بتخطر عالبال. حتى لو نقص كم مكون بتطلع بتعقد.  وطبعا صرت احفظها وعجبتني الفكرة كتير وفعلا إيمتى ما كان الواحد بيطالع هالكاسة من التلاجة بيضفلها شعيرية وبيغليها ، والشوربا بعد عشر دقايق جاهزة ، أفضل من الشوربات الجاهزة بالكياس وأطيب بكتير بكتير.  بتعرفي منوش .. كتير بحترم انك ما بتستخدمي بوصفاتك ماجي وهيك شغلات، لأني ما بجيبون بس تقريبا صعب جدا تلاقي وصفة "بالانترنيت العربي" ما بيقلولك حطيلها سم نهاري ماجي ههههه ، لاء وفي منون وهنة بيسلقوا الدجاجة بيقلولك: أضيفي مكعب ماجي !!! .. كل الإحترام برفعلك القبوعة !  منرجع للوصفة .. بس متل ما ذكرت الأخت فيوليت أن قلي بالسمنة ممكن فعلا يحول طبخة "مسلوق" إلى ميكسد مع "مقلي" ... واصلا بحس الدجاج غالباً بالطنجرة بعد السلق بيصير يسبح بالدهون يلي فيه .. يعني كمان فوقها نحط دهون ؟  يعني ولا مرة ما استرجيت إقليه قبل السلق مع أن هيك وصفتك بلكي بتشجعيني ؟!.     الله يعطيكي العافية ويسلمو دياتك غيرتي طعمة الفروج المسلوق بحياتي

6  الكاتب منى, on 05-09-2010 13:13 و عليكم السلام و رحمة الله و بركاته   من فضل الله انا منيحة كتير , ربي يتقبل منا و ييسر علينا هل الليلة و نكون ااقرب و من العتقاء , امين يا رب     الف الف صحة و هنا و عافية على البك و انا مبسوطة كتير انها عجبتك و كانت على زووءك    انا متلك ما بحب استعمل المرق الجاهز كتير, بحس ان الاكل كله بيصير اله نكهة بتشبه بعضه و ما فيه من نفس ست البيت   على فكرة انا لاحظت نفس الملاحظة , بالنت العربي اغلبه بيستعمل مكعبات مرق وحتى في الوصفات النباتية او وصفة سلق الدجاج     بتعرفي انا احيانا ما بقلي الدجاج او اللحمة , بكون مستعجلة او مو جاي على باي و بتطلع طيبة كتير , بس بالقلي اطيب , و حتى بعتبر ان الدهون الي استعملتها رح تروح كلها مع طبقة الدهن الي برفعها و برميها لما بيبرد المرق و باكل منها و ضميري الحي مرتاح     على كل ما رح شجعك , لان انت بتعرفي شو الي بيناسبك اكتر الشي و اذا بقيتي على الطريقة الي عم تعمليها هلا رح يبقى يم يم كمان

7  الكاتب منى, on 05-09-2010 13:49 هلا عالم اخر   لا ما فينا نحفظ الصفحة لان عم يجي كتير ناس و يلطشوا الوصفات و ينسبوها الهن , بقى حرام انا

8  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-09-2010 03:08 السلام عليكم يا أخواتنا العزيزات    منى أنا بكرا رح اقلي الفروجة بالسمنة قبل سلقها (لازم قطعها يمكن ما؟؟) خلص تشجعت شكرا .. لما كتبت الرد السابق كنت حاطة السلقة وعم بكتب.    ايه منرجع لسلقتي الأخيرة ... طبعا كالعادة على طريقة منى طلعت بتجنن بتسطل ... بس أنا بيحز قلبي كلما بجي بدي كب الجزراية والبصلاية وهيك بعد السلق ...  أمت هالمرة خطرتلي فكرة بعد ما كتبت الرد هون.    أخدت هالجزراية والبصلاية (طبعا صاروا طريات كتير كتير)، حطيتون بالخلاط، مع بقدونس مقطع كان مجمد عندي بالفريزر على طريقة طريقة الست دادو الله يعطيها العفية، وحطيت فليفلة حمرا وفصين توم وملح وكم ملعقة المرقة نفسها ، وهرستون ...... أما شووووو طلعت صلصة خضار بتجنن  حطيت منها عوجه الكبسة طلعت بتعقد  وأخدت كم ملعقة منون، حطيتون بقلب كاستين المرق نفسو تبع الفروج .. لما غليوا حطيتلون غرفة شعيرية وخليتون 5 دقايق يغلوا. أما شو شوربة طلعت ....... وداعاً ماجي وإلى الأبد - لأن جوزي كان بيحب شوربة الماجي يمكن بتذكرو بعزوبيتو ههههه هلئ منعملها بس بمرقة الفروج الطبيعي على وصفة منى.    المهم لما ترجعوا تعملوا هالسلقة جربوا هالصلصة واحكولي.    منوشة انتي شو بتعملي بالخضرة يلي بتضل من السلق ؟    والسلام عليكم

9  الكاتب منى, on 08-09-2010 00:05 انا بكبهن و الله قلبي بيوجعني عليهم بس و لا مرة ما خطرلي هيك افكار طيبةةةةة  خلص رح جربهن مرة تانية و ما اكتر الفروج المسلوق على فرني

10  شو هالمنى هايدي ؟!! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 12-09-2010 08:46 السلام عليكم ورحمة الله وبركاته    كل عام وانتوا بخير يا أخوات يا طاهيات الله يبسطكم بكل الأعياد وان شاء الله بهالعيد الله يتقبل مساعيكم برمضان.    مــــنــــى ... انتي بتجنني والله  لما كنت ببيت أهلي ما أذكر أن كنا نسلق هيك لحمة ونستخدم مرقتها، بس الفروج. ولما اجيت لعند زوجي بيضل يقلي لحمة مفرومة وهيك. بئى اليوم قلت بدي اعمل القلية قبل السلق لو عقطع راسي هههههه أمت جبت لحمة خروف مقطعة، وأنا أصلا بخاف سلق اللحم القطع لأن بخاف تطلع قاسية وهيك ... بس بعد ما تشجعت أقليها بالسمنة وبعدين إسلقها هيك ... ياااه طلعت بتعقد بتعقد كتير يسلموووو .. وطرية جداً بتدوب بالتم والنكهة يا عيني يا عيني. الله يعطيكي ألف عافية .

11  الكاتب منى, on 16-09-2010 12:14 صحتين و الف الف عافية يا رب , اللحمة خصوصا بتطلع غير شكل لما نقليها قبل     كتير انبسطت انك اتشجعتي و جربيتيها و انها طلعت مستاهلة , عوافي يا قمر

12  الكاتب منى, on 16-09-2010 12:34 صحتين و الف الف عافية يا رب , اللحمة خصوصا بتطلع غير شكل لما نقليها قبل     كتير انبسطت انك اتشجعتي و جربيتيها و انها طلعت مستاهلة , عوافي يا قمر

13  الكاتب نوراقطر, on 27-09-2010 14:54 كيفك انسة منى انا نورمتزوجة جديدوكل مابدي اعمل شي طبخة بتصفح النت حتى اعرف اكبر قدر ممكن من المعلومات عن الطبخة وباخد الي بيعجبني وبحس فعلا طيب ولحسن حظي شفت موقع لقمة طيبة ولفتي انتباهي باكلاتك ورد الاعضاء عليها جد يسلمو ايديكي على فكرة ماعاد افتح غير هالموقع وجربت كم اكلة من وصفاتك وطلعو بعقدو جد يسلموكتييييير

14  الكاتب منى, on 28-09-2010 13:28 هلا نورا   و انا متلك قبل ما اطبخ طبخة بسال اكتر من حدى و بشوف الي بيناسبني و ممكن احيانا جرب شي جديد , كتير مرات بيطلع طيب و تغير شكل     مية هلا فيك و الف الف صحة و هنا على كل شي جربتيه و طلع على زوءك

16  الكاتب منى, on 09-03-2011 11:16 هلا ام ريم   ما بتعرفي ردك اديه بسطني , و انبسطت الكتر انك اكتشفتي الموقع , ان شاء الله تبقي معنا على طول   شكرا الك و ان شاء الله الك متل هل الدعولت الغالية الكريمة و يعطيكي ليرضيك ان شاء الله     صحتين و هنا على المجبوس , اتمنى تشاركي بوصفاتك كمان , و ان شاء الله تعجبك وصفة المرق    يا ستي في تحضيرات لكتاب ان شاء الله و قرب يخلص اذا ربي يسر خلال كم شهر

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved