L2ma.com | لقمة طيبة | L2ma.com | لقمة طيبة | كانيلّوني | · , الصلصة, على, لمدة, الكانيلّوني | L2ma.com

القائمة الرئيسية

الأكثر تصفحاً

كانيلّوني

الكاتب/ منى

28/06/2007

من المطبخ الإيطالي وصفة لذيذة أحبها جداً و الكانيلّوني عبارة عن معكرونة لها شكل أنبوب صغير و يمكن أن يحضر بالعديد و العديد من الطرق و الحشوات أو الصلصات المختلفة و كلها لذيذ بالنسبة لي فأنا من عشاق المعكرونة ..

يمكن أن يحضر باستعمال الكانيلّوني الجاهز أن يحضر بالكريب و الطريقتان شهيتان , استعمل أحداهما حسب المتوفر .

في وصفتي اليوم استعملت الكريب و حضرت حشوة و صلصة الكانيلّوني بالطريقة الأصلية و البسيطة ..

عند تحضير الكانيلّوني بالأنابيب الجاهزة , يضاف مقدار نصف كوب من الماء لصلصة الطماطم الإيطالية و يجب أن تترك الصينية بعد تحضيرها لمدة ساعتين على الأقل في البراد قبل خبزها كي تمتص الكانيلّوني النكهات و تطرى قليلاً .. يمممي

بالصحة و الهنا

علبة كانيلّوني أو وصفة الكريب
جبنة صفراء مشكلة ( غرويير , بارمزان , موزاريلا )

صلصة البندورة الإيطالية :

ملعقة كبيرة زبدة
كيلو بندورة ( ما يعادل 5 – 6 حبة ) مقشرة و مفرومة ناعماً
حبة كبيرة بصل مفروم ناعماً
رشة سكر ( اختياري )
ملح
ملعقة كبيرة خل البلسمي
نصف كوب من الماء ( في حال استعمال الكانيلّوني الجافة )

صلصة البولونيز :

2 ملعقة كبيرة زيت زيتون
حبة كبيرة بصل مفروم ناعماً
3 فص ثوم مهروس
نصف كيلو لجمة مفرومة
3 حبة بندورة مقشرة و مفرومة ناعماً
نصف كوب من مرق اللحم
ورقة غار
ملح و بهار مشكل
ملعقة صغيرة أوريغانو ( اختياري )
رشة سكر ( اختياري )
direction

تحضير الحشوة :

·         يحمى الزيت على نار متوسطة ثم يقلى البصل و الثوم حتى يشقر البصل .

·         تضاف اللحمة و تقلب على نار قوية مع التحريك بملعقة خشبية حتى تنضج و تمتص مرقها .

·         تضاف البندورة و المرق و ورق الغار ثم تهدى النار و تترك الصلصة على نار هادئة جداً لمدة 45 دقيقة أو حتى تتسبك مع التحريك بين وقت و أخر .

·         تتبل الصلصة بالملح و البهارات ثم تزال ورقة الغار , أصبحت الصلصة جاهزة .

·         يمكن إضافة الفطر أو الجزر أو الفليلفة بعد تقلية اللحمة للحشوة حسب الرغبة .

تحضير الصلصة :

  ·         تسخن الزبدة ثم يقلب فيها البصل حتى يشقر .

·         تضاف البندورة و باقي المقادير و تترك الصلصة حتى تسمك قليلاً لمدة 15 – 20 دقيقة .

·         يمكن أن يستعمل الخلاط العامودي لطحن الصلصة إذا كنت ترغبين بصلصة ناعمة و يمكن أن تترك الصلصة على حالها .

تطبيق الوصفة :

·         تمد نصف صلصة البندورة في قعر طبق بايركس أو طبق فخار .

· تحشى أنابيب الكانيلّوني بهذه الحشوة أو تفتح حبة كريب و يمد عليها من الحشوة ثم تلف كالسيجار .

· ترتب القطع المحشية فوق الصوص ثم تغطى بباقي الصلصة و ترش الجبنة على الوجه .

· في حال استعمال الأنابيب الجاهزة توضع الصينية في البراد لمدة ساعتين على الأقل .

· تخبز الصينية في الفرن على درجة حرارة 180 درجة مئوية لمدة نصف ساعة تقريباً ثم تترك لمدة عشر دقائق لتتهدى قبل التقديم .

أضافة إلى المفضلة (2) |

أقتباس | مشاهدات : 4331

تعليقات (23)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 12-06-2008 18:25
ما شاء الله منى الوصفة تحفة
بتعرفي إلي أكتر من شهر جايبة علبة كانيلوني و لهلق ما قررت كيف بدي أعملا محتارة شو أحشيها و شو حطلها صلصة على الأرجح رح أعملها بطريقتك بس أنا مفكرة حط عالوش بشاميل و جبنة قشقوان أولك بتلع طيبة

2 الكاتب ام نور, on 13-06-2008 22:28
سلم دياتك منى عاهل فكرة شكلا طيبة بوقرة رح جربا انشالله وخبرك

بس بالانابيب

3 الكاتب منى, on 14-06-2008 13:03
هل رينو

بتطلع طيبة , بس البيشاميل منستعمله لما منكون حاشينها بالدجاج أكتر

اذا جربتيها خبريني

4 الكاتب منى, on 14-06-2008 13:04
هلا ام نور

أكيد بالانابيب , ان شاء لله بتعجبك و اسفة للتاخير بالوصفة :zzz

5 الكاتب نوارة, on 15-06-2008 14:42
هلا ميمو انا مرة جربتها بالسبانخ والجبنة وصلصة الباشاميل بس ما حبيتها وكنت رايدة اجربها بصلصة بندورة بس ما عرفت شلون بس هلق اكيد رح اجربها بطريقتك شكلها بجنن

6 الكاتب منى, on 15-06-2008 19:13
هلا نوارة يا عسلي الي مشتاقتله كتيررر

, ان شاء الله تجربيها و تكون متل ما بتحبي , و إذا جربتيها يا ريت تخبريني

7 الكاتب ام نور, on 17-06-2008 08:53
منى جربت الكانيلوني بالمعكرونة الانابيب مع الاسف ما نجحت معي ابدا بس معليش رح ارجع جربا مرة تانية ولا حتى تظبط المشكلة ولا مرة عاملة هالنوع ابدا ورحت اشتريت علبة انابيب مكتوب عليا انو ليست بحاجة لا سلق استواء سريع وحشيتا صوص بولونيز وصفيتون ملزقين ببعضون ما تقولي لما استوا كبر حجم القطع ولزقوا ببعضون وصارو لما شيل القطعة تكون مفتوحة وطالعة اللحمة منا :upset

يعني بيشبهوا كل شي الا الكانيلوني
فشو رايك لازم اعمل مرة تانية

8 الكاتب منى, on 17-06-2008 11:47
المشكلة الي صارت معك انك تركتيها بالبراد و هي مكتوب عليها سريعة فما اتحملت , أعتقد هيك ,, لما تجربيها مرة تانية ممكن تشتري كانيلوني مصنوعة من سميد القمح القاسي و هي احسن نوع للكانيلوني أو اللازانيا, و إذا بقيان عندك من هل النوع معناها اطبخيه من دون ما تضيفي مي للصوص و من دون ما تتركيها ساعتين بالبراد , و كمان عينك دليلك

يلا ازرعيها بدقني هل المرة و ان شاء الله بتضبط معك المرة التانية

9 الكاتب ام نور, on 17-06-2008 20:14
ولك عادي ولا يهمك موني

رح جربا بس بغير نوع صح انا تركتا ساعتين كل فكري تشرب النكهة :grin

10 الكاتب تورتاية بالكريز, on 21-06-2008 07:00
تسلم ايدكي احلى منمون الغالية والله اليوم اجازتي ووكنت محتارة اطبخ ايه وودكرتيني بهالاكلة الطيبة ان شاء الله اجربها بطريقتك غاليتي وتقديمك رائع انا دايما بعملها ببشاميل بس تعرفي اعتقد كدا اخف تسلم ايدكي الحلوة ياقمر

11 الكاتب منى, on 21-06-2008 11:17
هلا حبيبتي ام ياسمين الغالية , بعد زمان هل القمر الحلو ما بان

انا بعلها بالبشاميل لما بطبخها مع الدجاج أكتر , و كمان مع اللحمة طيبة , بس هي الوصفة الأصلية و البسيطة

و ان شاء الله رح ضيف وصفات تانية للكانيلوني , و اذا جربتيها خبريني يا أحلى قمر بمصر

12 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 30-08-2008 20:57
اليوم عملتها وصراحة شكلها كان بشهي ، مشان هيك ما انتظرت لتستوي وأكلت حبتين منها قبل ما تدخل الفرن!!

بدي أسألك منى كيف بتعملي كريب الشوكولا؟؟ حابة أعرف طريقته ؛ دقته من قبل من مطعم الأسطورة بحلب وكان طيب كتير بالشوكولا وأحيانا مع الشوكولا والكريمة والموز ..يممممي كله طيب :zzz

يسلمو على الوصفة الحلوة والدقيقة

13 الكاتب منى, on 31-08-2008 06:00
هنا و عوافي أمولة

من عيوني وصفة الكريب , اصلا هي جاعهزة عندي من زمان بس بدها تنزيل ان شاء الله

14 الكاتب سارونات, on 02-04-2009 22:08
السلام عليكم و رحمة الله و بركاته

اختي منى هل ضروري خل بلسمي او ممكن خل عادي

و قديش وزن علبة الكانيلوني اللي راح نحتاجها لهالوصفة يعني 250غ أو 500 غ و هل استعملتيها كاملة او لا

بالتوفيق
سلام

15 الكاتب منى, on 03-04-2009 00:19
هلا اختي

انا استعمل البلسمي لان طعمته اخف و فيها شي من الحلاوة نوعا ما , ما جربت بالخل العادي . العبوة تقريبا@ 500 غ و انت استعملي لحتى تخلص معك الحشوة

16 الكاتب سارونات, on 06-04-2009 20:43
السلام عليكم و رحمة الله و بركاته

طيب اختي منى شو رأيك بتنفع بالخل العادي او لا او فيني استغني عنه نهائيا

بالتوفيق

سلام

17 الكاتب منى, on 07-04-2009 11:54
يا اختي الطريقة الايطالية بدها خل بلسمي

اذا حابة تغيري في الوصفة ممكن يزبط بس مو على مسؤوليتي :grin

18 الكاتب سارونات, on 09-04-2009 12:57
السلام عليكم و رحمة الله و بركاته

يخليلي ياكي اختي منى

انا مو مستعملة الخل البلسمي من قبل و بما انه فيه طهمة حلاوة فبفضل استعمل الخل العادي احسن
ان شاء الله راح جربها قريبا و خبرك بالنتيجة

بالتوفيق

سلام

19 الكاتب منى, on 09-04-2009 17:53
هلا سارونات

صح فيه حلاوة بس مو لاذع متل الخل العادي .
انصحك تجربيه بالخل البلسمي او تستغني عنه خالص و على فكرة لازم يكون هل الخل بخزانة مطبخ لان بيعطي طعم مميز كتير للسلطة و بقية الاطباق ,

خلاصة , اتشجعيو اشتري منه و رح يعجبك

20 الكاتب سارونات, on 09-04-2009 22:33
السلام عليكم و رحمة الله و بركاته

يخليلي ياكي اختي منى وضحت الفكرة هلا
راح اخذ نصيحتك بعين الاعتبار و ان شاء الله بأقرب فرصة راح اشتري خل بلسمي

ربنا يوفقك و يسهل دربك
سلام

21 الكاتب سارونات, on 06-12-2009 14:24
السلام عليكم و رحمة الله و بركاته

منووش بدي لو سمحتي حشوة الدجاج للكانيلوني و هل اذا ساويت حشوة دجاج بساوي صلصة طماطم للتغطية او صلصة بيشاميل

بالتوفيق

سلام

22 الكاتب منى, on 06-12-2009 19:44
هلا سارونات

حشوة الدجاج ممكن تكون بصلة مع دجاج مسلوق و بهارات على زوءك و منها بهارات ايطالية او حبق

و كمان ممكن تستعملي صلصة حمراء او بيضا على زوءك , كل واحدة طعمة مختلفة و التنتين يم يم

23 الكاتب سارونات, on 08-12-2009 12:24
السلام عليكم و رحمة الله و بركاته

يخليلي ياكي منوووش ان شاء الله بس جربها راح خبرك

اشتقتلك كتيير منووش الحمد لله رجعتيلنا الله يديمك معنا

بالتوفيق
سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 06/12/2009 )

< السابق		التالى >

[ عودة ]