L2ma.com | لقمة طيبة | L2ma.com | لقمة طيبة | ميني تارت الجوز | · , العجينة, حتى, الحشوة, التارت | L2ma.com

القائمة الرئيسية

الأكثر تصفحاً

ميني تارت الجوز

الكاتب/ منى

26/06/2007

ميني تارت الجوز

وصفة لذيذة جداً و مميزة .. ستكون الطبقة الخارجية للتارت مقرمشة و الحشوة جامدة و لكن عندما ستتذوقيها سينزل صوص رائع من الحشوة و الكل سيعتقد انه شوكولا ذائبة .. و انت الوحيدة التي ستعرفين سر الحشوة .

عجينة التارت لا تحتوي على السكر متل باقي وصفات التارت لأن الحشوة حلوة كتير .يمكن تحضير الحشوة باستبدال الجوز بالزبيب أو استخدام الجوز و الزبيب معاً , و يمكن تحضير العجينة قبل بيوم أو يومين و الاحتفاظ بها في الفريزر حتى وقت الاستعمال .

بالصحة و الهنا

مقادير عجينة التارت الهشة :

أربع مكعبات جبنة طرية متل كيري أو لافاش كيري أو 4 ملعقة كبيرة من جبنة فيلادلفيا
نصف باكيت زبدة
كوب + ملعقتين كبار طحين

مقادير الحشوة :

بيضة كبيرة
فانيليا
كوب سكر بني
2 ملعقة صغيرة زبدة مذوبة
كوب جوز

للتزيين :

كريما شانتيه و حبيبات شوكولا أو شوكولا مذوبة
direction

·          تفرك مقادير العجينة بين أطراف الأصابع ثم تدعك بلطف حتى تصبح عجينة متجانسة .

·          توضع العجينة في البراد لمدة ربع ساعة حتى يسهل فردها و استخدامها ثم تقطع العجينة العجينة إلى 18 - 20 كرة صغيرة .

·          تحضر قوالب التارت الصغيرة و تفرد كل كرة من العجينة في قاع و جوانب القالب , لا داعي لدهن القوالب قبل استخدامها .

·          يوضع الجوز في صينية في الفرن على درجة حرارة 180 لمدة10 دقائق , حتى تتحمص الحبات من دون أن يتغير لونها ثم يفرم الجوز بصورة خشنة .

·          تخفق البيضة بالشوكة قليلاً مع الفانيليا ثم يضاف السكر و الزبدة و الجوز و تخلط المقادير جيداً حتى تتجانس مع بعضها البعض .

·          توزع ملعقة صغيرة من الحشوة على القوالب الصغيرة , يملئ ثلاث أرباع القالب فقط لأن الحشوة ستنتفخ قليلاً عند النضج .

·          تخبز قوالب التارت لمدة 15 دقيقة في فرن حامي على عيار 180 درجة مئوية أو حتى تحمر الأطراف ثم تترك في القالب حتى تبرد .

·          بعد ان تبرد قوالب التارت تقلب بلطف ثم توضع في طبق مسطح للتقديم و يزين وجه القوالب بالشوكولا المذوبة أو بالقليل من الكريما الشانتيه مع حبيبات الشوكولا أو تقدم من دون تزيين حسب الذوق .

سر الوصفة :

عند تحضير العجينة لا تعجن لوقت اضافي و الا أصبحت العجينة قاسية و غير هشة .

أضافة إلى المفضلة (2) |

أقتباس | مشاهدات : 5759

تعليقات (49)

1 الكاتب نهى, on 11-03-2008 11:18
لوصفة باين انها سهلة اوى.. وبصراحة ماعملتش التارت قبل كده ابدا، فكنت عاوزة اعرف هو التارت له صينية فرن مخصوص ولا اى صينية جوانبها غير مرتفعة تفي بالغرض؟؟ :roll

كمان سؤال معلش.. هو انتى ليه دايما تحطى ملح على الكيك او الجاتوه؟؟
اصل احنا بنعمله من غير ملح وجربته بالملح ماحسيتش بفرق

2 الكاتب منى, on 11-03-2008 12:57
ممكن تعملي التارت باي صينية مرتفعة أو بصينية التارت الخاصة لحتى يصير المنظر أجمل

أما هل التارت فما بينفع تعمليه الا بقوال الميني تارت لأن الحشوة سائلة نوعا ما و إذا جيت تقسميها رح تسوح في الطبق الكبير :zzz

نورتي نهى و اي سؤال تاني من عيوني

أما عن استخدام الملح فهو سر بسيط من أسرار وصفاتي و استعماله ضروري لحتى يصير التوازن بين الطعمة المالحة و الحلوة , و انت تضني ان ما في فرق بس هووو فيه

3 الكاتب نهى, on 11-03-2008 15:57
طيب شكلها ايه قوالب التارت الصغيرة؟؟

4 الكاتب منى, on 11-03-2008 19:21
هي صورة للقوالب الي استعمل متلها و هي ممتازة الصراحة , عندي منهم 24 قطعة

5 الكاتب نهى, on 12-03-2008 09:19
تسلمى لى منى.. انتى ذوق كتير اوى والله

6 الكاتب منى, on 12-03-2008 14:20
انت الي زووء يا نهولة

أي سؤال من عيوني , بس نصيحة مني نصيحة كبيرررة كتيبر , جربي هل التارت و على ضمانتي , بيجننوووا

7 الكاتب نهى, on 06-04-2008 08:16
مش ممكن يامنى انا دوخت كتير علشان الاقي القوالب دي وفييين على ما لقيت منها حجم صغير اوى.. هى فعلا بتبقي بحجم البسكوتة السادة كده مثلا..او حجم نصف كف اليد؟؟ :roll

وليا طلب عندك.. ياريت مقدار الزبدة توضحيه بالكوب او الملعقة لاننا بنجيبها سايبة مش باكيتات :roll

8 الكاتب منى, on 06-04-2008 19:32
ايوه تمام هي تقريبا بحجم البسكوتة الصغيرة , بس استغربت انها مش متوفرة عندك :roll

من عيوني نهولة الزبدة كل كوب منها بيعادل باكيت و انت بقى قيسي كل الوصفات على هل الأساس

9 الكاتب سارونات, on 14-09-2008 13:39
السلام عليكم و رحمة الله و بركاته
الوصفة شكلها كتير مميز و احلى شي اننا ممكن نساويها بالزبيب و ان شاء الله راح ساويها بالزبيب بس قليلي الزبيب منقطعو قطع زغار او منخليه متل ما هو و منستعمله
القوالب هادول انا كمان عندي منهم و هني اكيد ممتازين بس تأتاكد انت مكبرة صورة التورتات لصغار يعني هني تقريبا بحجم الحلوى اللي حاططتيها جنبهالان ازا حجمها متل اللي بالصورة بيكونو قوالب تانية اللي هي قوالب الكب كيك اللي بستعملهامع ان الارجح انها تكون القوالب لصغيرة متل الصورة التوضيحية بس حبيت اتأكد
كمان هل فينا نستعمل جبنة لافاش كيري
و ازا بتقدري شي يوم تحطيلنا وصفةالحلوى اللي جنب التارت لان شكلها حلو و مبينة طيبة و اكيد بدي جربا
اخر سؤال بعد مانخبزهم قديش بيضاينو و بعتقد لازم يظلو بالبراد مشان الشوكولا و هل فينانحفظهم في الفريزر لفترة
ناطرة اجابتك مشان جربن و خبرك بالنتيجة ان شاء الله و يمكن ساويهن عالعيد او قبل
بالتوفيق
سلام

10 الكاتب منى, on 14-09-2008 19:03
هلا فيك أختي

الزبيب بتتركيه متل ما هو , و القوالب الي مستعملتها هنن أصغر قوالب متوفرة بالسوق و بقطر يا دوب 3 سم , أنا مو مجربتها بالجبنة الافاش كيري , بس و الله هلا كرمال عيونك قايمة جربها و ببقى بخبرك بكرة شو بيصير معي

الحلو الي بجنبها هو راس العبدو هي وصفة للأخت غيث موجودة بالموقع

ممكن يبقوا معك بالبراد لتلاتة أيام و الفريزر مو مجربته :zzz

أكيد جربيه , ,,ممممممميز كتير

11 الكاتب سارونات, on 15-09-2008 12:44
السلام عليكم و رحمة الله و بركاته
:cry

معقولة اختي منى راح تجربيه منشاني :cry

الله لا يحرمني منك و يا رب تضبط ما بدي تخسري بسببي
ايه كتير حلو هادول هني القوالب لزغار اللي عندي لكان راح انطر النتيجة بفارغ الصبر و راح عالاكيد جربهن اماقبل العيد او منشان العيد ببقى بشوف بس عالاكيد يستاهلو التجربة و كمان راح جرب كاتو راس العبدو ببقى خبرك بالنتايج ان شاء الله
بالتوفيق
سلام

12 الكاتب منى, on 16-09-2008 20:33
متل ما وعدتك جربته بالافاش كيري و طلع تمااااام و متل مو لازم , ان شاء الله تجربيه و يعجبك لان مستااهل , نصيحة استعملي سكر بني غامق و حضري الحشوة و اتركييها قبل ما تبدي بتحضير العجينة

13 الكاتب سارونات, on 17-09-2008 11:04
السلام عليكم و رحمة الله و بركاته
تسلميلي اختي منى كتير فرحت لان ضبطت و هنا و صحة على قلوبكم يعني استعمل 4 لافاش كيري
و جازاك الله خيرا على النصيحة
بدي ساويها بكرا و مو متوافر عندي سكر بني يعني بدي ساويها بسكر ابيض و بالتالي راح تطلع بيضة و فكرت اني زينها بشوكولا فراح تعطي لون حلو مع ان عن جد بدي اللون البني الغامق بس شو ساوي بينفع بسكر ابيض تساويه بكرا او بلاها
وقولك فيني ضيف شوية كاكاو او راح تنتزع
بالتوفيق
سلام

14 الكاتب منى, on 18-09-2008 00:17
ممكن الكاكاو أما السكر الابيض ما بيصير أبدا , السكر البني رح يدوب اما السكر الابيض رح يبقى حبيبات و ينزع كل الوصفة :zzz

15 الكاتب سارونات, on 18-09-2008 12:45
السلام عليكم و رحمة الله و بركاته
لا تقوليها :cry

يعني ما بينفع الابيض الحمد لله اني سالتك قبل ما ساويها طيب و السكر البودرة فيني اخلط كاكاو مع سكر بودرة او انطر السكر البني
بالتوفيق
سلام

16 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-09-2008 23:20
الله يعافيكي ذكرتيني فيها كنا في الجنوب الامريكي ايام زوجي كان مبتعث يعملونها في كل حفلةومناسبة بس حجم كبير انتي دلعتيها وعملتيها بشكل صغير مرتب وشيك في التقديم

17 الكاتب منى, on 21-09-2008 08:12
هلا سارونات , اختي سكر بني و بس لان اي سكر تاني ما رح يدوب و مو قصة اللون قصة القوام

18 الكاتب منى, on 21-09-2008 08:13
هلا منونة

ان شاء الله تجربي الوصفة و تكون متل الي كنت تدوقيها , و اكيدة بالميني أحلى بسالحجم الكبير الواحد بيعبي راسه منها , فكرة كمان للتطبيق ان شاء الله

19 الكاتب رنا, on 21-09-2008 18:08
ايه يامنى اليوم فتحت الموقع الصبح وبصراحة كان منظر هالتارت تحفة بالفعل وقعدت فكر بالطعم شلون رح يكون عن جد تحفة
بس بدي اسألك عالسكر البني انا شفت هون اكتر من نوع في منه مدعبل وكبير وفي منه متل السكر العادي ياترى انو النوع المطلوب ؟
وكمية الزبدة بتطلع شي مية غرام
يعني الباكيت اللي ذاكرتيه بحدود 200

كمان سؤال هلأ انا عندي قالب تارت كبير فيني اعمله فيه ؟؟بماأنه هلكته لجوزي كل يوم بقله بدي اعملك توست بس بدي قالب بدي ساويلك تشيز كيك بس بده صينية بقا بدي جرب هالتارت بالقالب الموجود واذا زبط معي بتشجع وبروح بجيب قوالب :grin

كمان سؤال عالجيلي يلي ماله نكهة يلي مرة ذكرتي انه ورقات بيكون عم دوور كتير وماعم لاقي منه فيكي تعطيني شكل علبته او كيف بيكون موديله
عن جد طوولت عليكي بس انتي صايرة عم تورطي حالك معنا بتحطيلنا اكلات طيبة ونحنا منشتهي نجربها :grin

الله يسلم ايديكي يارب على فكرة مبارح جبت دفتر وعم انقل عليه كل وصفاتك لانه بدي احفظهن عندي ورح سميه لقمة طيبة

20 الكاتب منى, on 21-09-2008 20:33
هلا رنونة

عن جد الطعك تحفة مقرمش من برة و طري و لذيذ من جوى

, انا استخدم النوع الناعم كتير و الي بيلزق على بعضه لما تفتحي العلبة و الزبدة 100 غ , القالب ما اتوقع ما بيصير لأن تقسيمه رح يكون صعب و رح تضيع الحشوة ما بين السكين و القالب , بس اذا كنت رح تجربيه لعيلتك فيك تجربي فيهم :grin

الجيلي الي ما اله لون بشتريه من دون قالب بالورقة موديله مستطيل شفاف و جامد و لما بنقعه في المي بيطرى و بيصير متل المعجون

بالعكس رنونة لا طولت و لا شي من عيوني اي سؤال و هناا يا رب و لا تعزبي حالك بالدفتر وصفات الموقع كلها رح تنطبع بالصور في كتاب و ببقى بعطيك نسخة منه

21 الكاتب رنا, on 21-09-2008 22:19
عن جد أحلى خبر بسمعه انه رح ينطبع كتاب والله كتير انبسطت لانه حتى اذا نقلتهن مارح استفيد مشان الصور بس لاتنسيني من الكتاب :grin

وبالنسبة للسكر البني انا لاقيت مية نوووع ونوع بقا بس انزل بدي اشتري الناعم اللي قلتي عليه
اما بالنسبة للجيلي فأنا فتلت كذا سوبر ماركت وماعم لاقي منه بأقسام الجيلي هو وجيلي الليمون لانه ماعم حب استخدم جيلي الموز بالتشيز كيك عم حسه بيغير الطعمة :upset

وبالنسبة للتارت من وصفك لأله حسيت انه رح يصير مكركب بالقالب الكبير مشان هيك مارح جربه لاشتري القوالب لانه شكله بيشهي ومو ضياعة فيه وحاسسته يعني بيتقدم لضيوف يعني مرتب وفخم وتحضيره مو كتير صعب
شكرا كتير الك عذبتك بأسئلتي
:grin

22 الكاتب منى, on 22-09-2008 07:11
هلا رنونة اكيد الك نسخة و موقعة كمان :grin

, بالنسبة للجيلو , اوعا تشتري جيلو الليمون , طعمته فظيعة , متل الدواء الي طالع من البراد :roll

..

شو رأيك تحضري التارت بالقوالب الورقية هلأ للتجربه , رح تتعزبي شوي بتشكيل القالب بس أحسن ما تشتري قوالب صغيرة , انا هيك عملت لما جربتها أول مرة , هو صحي نتفت شعراتي و انا عم شكل التارتات , بس لما دقته نسيت تعبي , و رحت بعد كم يوم و اشتريت من القوالب المعدنية

23 الكاتب رنا, on 22-09-2008 14:16
شكرا كتير لاهتمامك ياستي ورح جرب التارت بالقوالب الورقية بس هنن بيقعدوا بالفرن ولا بيحترقوا ؟تاني شي انا بحب التارت كتير فيني اعمل هالتارت بحشوات فواكه؟؟يعني تارت وكريم باتسيير وفواكه
اما عن الجيلي اليوم للأسف جبلي جوزي علبتين جيلي ليمون قد مانقيت عليه بس مارح جربه اذا هيك منيح قلتيلي انا من يومين اشتريت جيلي شفاف بس بودرة وساويت تشيز كيك وقوامه كتير طلع متماسك وزابط بقا رح استغني عن جيلي الليمون بس في شغلة صارت معي بالتشيز كيك انه طلع شوي اله حموضة ياترى عن عصرة الليمونة ؟انا تقريبا حطيت شي معلقة بس ...عم فكر بالمرة الجاية استغني عنها بالمرة ...شو بتقولي؟
شكرا كتير لالك للكتاب ويارب يخلص بأسرع وقت ونعمل حفلة على شرفه

24 الكاتب رنا, on 22-09-2008 14:18
منوشة انا هلكتك اليوم بس حبابة في كم سؤال حاططتهن بموضوع الاقراص بعجوة وماجاوبتيني عليهن بعرف انك مشغولة بس بدك تتحمليني شوي

25 الكاتب منى, on 22-09-2008 20:33
انا بقصد قوالب الكب كيك وهنن خصوصي للفرن , بس بما انهم طرايا رح يروحوا معك يمين و يسار و رح يعزبوك شوي بتشكيل القالب ..و هل العجينة ممكن تستعمليها لأي تارت بتحبيه و انا مجربته و طلع طيب كتير بس شوي دلع , لازم تضيفي اله شوية سكر و إذا بتستني علي ممكن نزل الك وصفتي للتارت الفواكه

بيجوز يكون جيلي الليمون عندكم بالامارات منيح , نحنا عندنا نوو :roll

, يا ترى قصدك وصفة التشيز كيك الي بالموقع ؟ يا ريت تردي على نفس الوصفة لحتى شوف مقاديرها و ااقدر جاوبك

بس أكيد ممكن تستغني عن الليمونة و ما في شيؤ بالوصفة بيتغير ..

يلا الحقيني على الأقراص بعجوة و اسفة للتاخير بالرد

26 الكاتب سارونات, on 23-09-2008 15:21
السلام عليكم و رحمة الله و بركاته
الحمد لله انك قلتيلي و الا كنت ساويتهن و ما ضبطو لكان ما راح ساويهن بهالعيد ان شاء الله بس يتوفر عندي سكر بني ببقى ساويهن و بخبرك بالنتيجة يلا خيرها بغيرها
بالتوفيق
سلام

27 الكاتب منى, on 23-09-2008 18:57
ان شاء الله سارونات و انصحك تشتري سكر بني بيعطي طعم طيب كتير لأنواع الحلويات المختلفة و خصوصاً حلويات الشوكولا

28 الكاتب رنا, on 11-11-2008 06:42

29 الكاتب منى, on 11-11-2008 06:46
بتجنن الصورة , ان شاء الله يكونوا عجبوك و طلعوا مستاهلين

30 الكاتب رنا, on 11-11-2008 14:01
والله مستاهلين كتير ورائعين كمان بس مو متل صورتك انتي فنانة بالطبخ وبالتصوير

31 الكاتب منى, on 11-11-2008 16:57
هادا بس من زوءك رنونة , على فكرة الخلفية الي حاططيتها بالصورة عطت للصورة نغم غير شكل .. الاجاصات مرتين و حلويين كتير , فكرة لطشتها و ببقى استعملها بشي صورة , طبعا من بعد اذنك

32 الكاتب رنا, on 12-11-2008 11:16
على حسابك انا وصوري واجاصاتي ..

33 الكاتب gsm, on 03-09-2009 00:56
يسلمو على التجربة ان شاء الله بس كان بدي اطلب منك طلب لو فيك تنزلي وصفة السينابون انا كتيير بحبها لما كنت بالامارات كنت اروح على محل خصوصي واشتري منها كتيير بحبها بقى اذا مافي غلبة يعني :roll

عم عذبك معي يا منونة بس شو بدنا نعمل ما النا غيرك :grin

34 الكاتب منى, on 03-09-2009 12:52
تكرم عيونك و الله و انا تحت امرك , بس و الله ما بعرف ايمتى فيني نزلها , ان شاء الله قريب و ما بتاخر عليك

35 الكاتب ream, on 20-11-2010 13:58
مرحبا
أناحابة جرب هالتارت بس بدي أتأكد أديه يعني ملعقتين صغار زبدة مدوبة للحشوة؟؟
يعني ملعقتين شاي من الزبدة السائلة؟ولا شو

36 الكاتب ream, on 20-11-2010 14:01
وكمان شغلة القوالب الي اشتريتن يمكن أكبر شوي زغيرة وارتفاعن اقل لأني دورت كتير ولاقيت هدول أنسب الشي -بيمشي حالن ولا شو؟؟
عم عذبك مو؟؟ :roll

37 الكاتب منى, on 20-11-2010 17:09
الزبدة حوالي 20 غ لهل الوصفة و هي بتدوبيها قبل ما تحطيها للحشوة

القوالب ان شتء الله بيمشي حالهن , بس بيطلعوا اكبر شوي , هلا شوفي هل الوصفة مستاهلة و على ضمانتي ان شاء الله , لهيك حتى لو ما طلعوا اول مرة شكلهم تمام , المرة التانية بتعرفي كيف تحضريهم احلى , الطعم بكل الاحوال رح يكون يمييي

38 الكاتب ream, on 20-11-2010 22:55
شكرا كتير الك عم عذبك معي

39 الكاتب منى, on 21-11-2010 10:34
و لا يهمك يا جميل

40 الكاتب ream, on 22-11-2010 20:45
وأخيرا اليوم جربت هالتارت ياستي كلمة تحفة قليلة عليه كتير طيب وبجنن بس طلعت جامدة مو سائلة متل ما قلتي-بجد تسلم ايديكي

41 الكاتب DOUHA, on 25-06-2011 09:17
منى شئد بيشهيواااااااااااااوووووووووووووووووووووووو

لو سمحتي سؤال باكيت الزبدة يلي ياصدك عنو كم غرام؟؟ ااااااااااااااااااا

شكرا

42 الكاتب منى, on 25-06-2011 10:30
صحتين و الف عافية ريم

مطرح ما يسري يمري

غريب هي لازم تسيل شوي , ما بعرف المهم ان طعمتها كان يممي

43 الكاتب منى, on 25-06-2011 10:33
هلا ضحى حبيبتي

القالب 200 غ بيلزمنا نصه

جربيها و ان شاء الله رح تعجبك كتيرررر

44 الكاتب DOUHA, on 25-06-2011 23:50
يسلموا كلك ذوءءء

45 الكاتب منى, on 26-06-2011 10:25
:zzz

46 جوزي كل يوم بيجي بيسألني: نزلتي الصور عا
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 02-08-2011 21:52

47 الكاتب منى, on 02-08-2011 22:17
بيعقدوا , ووواو , شو هل الاخراج الحلو ياسمين , فنانة بالطبخ و التصوير و الشغل عليهم , ما شاء الله لا قوة الا بالله :zzz

48 الكاتب زهرة البيلسان, on 18-10-2011 21:15
تسلم ايدك يا ست الكل عملت تارت الجوز و طلع فظيع بجد بجد فنانة و صورت التارت بس ما بعرف كيف نزل الصور ممكن اتدليني كيف و الف شكر

49 الكاتب منى, on 19-10-2011 08:33
صحة و الف الف هنا زهرة , هي واحدة من الوصفات المفضلة

ممكن تحملي الصور على الفيس بوك او على ايا موقع لتحميل الصور و بعدها بعدها شايفة تالت ايقونة الي فوق صندوق الرد , بتضفطي عليها و بتحطي رابط الصورة و بتعود بتطلع الصوة :zzz

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 20/09/2008 )

< السابق		التالى >

[ عودة ]