هي طريقة لكاتو الشوكولا بحشوة التوفي و المكسرات , جربيها مرة و انت حتدمني عليها خصوصا و هي باردة حتكون الحشوة مش ظاهرة للعين و لكن حتدوب في الفم , يم يم .

يمكن تحضير الكاتو من دون الحشوة و حيكون عندك ألذ و أطرى كاتو شوكولا و يشبه خلطات الكاتو الجاهزة متل البيتي كروكر و العالالي و غيرها .

أهم شرط من شروط نجاح الكاتو ان تنتبهي و تلتزمي بدرجات الحرارة ..

بالصحة و الهنا .

لتزيين الوجه :


2 – 3 ملعقة كبيرة شوكولا دهن
المزيد من البندق المفروم مثل الصورة ( أو أي نوع مكسرات تفضليه )







·          ينخل الطحين مع البيكنغ بودر و الكاكاو و رشة الملح , يحمى الفرن على درجة حرارة 180 درجة , تدهن صينية فرن بالزبدة ثم تغلف بورق زبدة ثم تدهن بالزبدة مرة ثانية .

·          تحمص المكسرات في الفرن لمدة 5 أو 10 دقائق مع الانتباه ان لا يتغير لونها ثم تفرم .

·          يخفق البيض حتى يصبح هشاً ثم يضاف السكر و الفانيليا و يخفق على سرعة عالية حتى يبيض المزيج .

·          يضاف الحليب و الزبدة الطرية و يقلب المزيح بلطف ثم يضاف الطحين المنخول و يقلب المزيج بخفة و باتجاه واحد .

·          يصب نصف مزيج الكاتو في القالب المجهز و يخبز في الفرن المحمى  مدة 20  دقيقة تقريباً .

·          في هذه الأثناء تجهز الحشوة , يوضع السكر و الماء في قدر صغير على نار متوسطة و يقلب المزيج حتى يتحول السكر لكراميل ذهبي .

·          يبعد القدر عن النار و تضاف الزبدة  و يحرك المزيج بسرعة حتى يمتزج الكراميل مع الزبدة .

·          يضاف الحليب و يعاد القدر للنار و تترك لمدة خمس دقائق تقريباً حتى يسمك المزيج قليلاً  .

·          بعد مضي الوقت المحدد للكاتو بالفرن يخرج من الفرن و يفحص سطح القالب , يجب أن يكون السطح جامد حتى لا تختلط الحشوة مع الكاتو عند اضافتها , إذا لم يكن السطح جامداً يعاد الكاتو للفرن لمدة خمس دقائق أخرى .

·          تصب الحشوة فوق سطح الكاتو ثم يرش البندق و فوقه الشوكولا المبشورة ثم يصب النصف الثاني من مزيج الكاتو و يرجع القالب للفرن و يخبز على درجة 130 مئوية لمدة 20 دقيقة , ثم ترفع درجة الحرارة على 180 أو 170 و يترك القالب حتى يكمل نضجه مدة 10 دقائق تقريباً  .

·          يخرج القالب من الفرن و بعد أن يبرد يقلب و تنزع ورقة الزبدة و يوضع في طبق التقديم و يدهن وجهه بالشوكولا الدهن و ترش المكسرات المحمصة و المفرومة على وجهه ثم يقدم بارداً جداً .

تعليقات (32)

1  الكاتب ام نور, on 31-12-2007 21:00 هالقالب شكلو روعة كتير ملفت للنظر عم فكر جربو

2  الكاتب منى, on 01-01-2008 08:11 و ما عدا منظره طعمته بتججن     ان شاء الله تجربيه و يعجبك

4  الكاتب منى, on 13-01-2008 17:53 هلا أختي ام تسنيم   الله يخليك حبيبتي و ان شاء الله تجربيه و يكون على زووءك

5  الكاتب omtasneem, on 19-01-2008 13:03 السلام عليكم ورحمة الله وبركاته شكلي فعلا حدمن عليها يسلم ايديك طلعت كتير طيبة بس لو سمحتلي النفشة ما طلعت متل الصور ة شو السبب بس يعطيك الف عافية

6  الكاتب منى, on 19-01-2008 13:02 مية أهلا و سهلا فيك أختي و هل القالب مو سهل , ما دامه نجح معك من أو مرة معناها عندك خبرة كتير منيحة في تحضير الحلويات     نفشة القالب حسب حجم القالب الي استعملتيه , أنا بحب استعمل قالب صغير و جوانبه مرتفعة

7  الكاتب ام نور, on 13-02-2008 18:10 هيدا القالب ظبط معي وعملتو مرة لا البيت ومرة اخدت لا ناس يييي شو عجبون فكروا جاهز اد ما نجح معي ونفش   وكل السهرة وست البيت تسألني شو حاطة في وكيف عاملتي   عنجد الله يبيض وجك يا منى متل ما بيضتيلي وجي

8  الكاتب منى, on 14-02-2008 07:38 الحمد لله ام نور , الله يخليكي يا رب , و لا يحرمني هل الدعوات الحلوة     كتير انبسطت لان عجبك و عجب الناس الي زرتيهم , عم استنى انا كماان زيارة

10  الكاتب منى, on 08-07-2008 10:46 هلا سارونات نور الموقع بأخت كريمة و عزيزة     ممكن تستغني عن الشوكولا الدهن و تقدمي القالب من دون أي شي أما إذا أردت دهنه بالشوكولا فأنصحك أن تدوبي شوكولا في حمام مائي مع القليل من الزبدة , بهيك مارح تقسى الشوكولا , و لكن يجب أن تكون طريقة تدويب الشوكولا طريقة مظبوطة , و كل النصائح المهمة لتدويب الشوكولا موجودة على على هل الرابط

11  الكاتب سارونات, on 16-07-2008 23:43 جازاك الله خيرا اختي منى  ان شاء الله راح جربو بهاليومين و ان شاء الله ينفش متل مانو   بالصورة -- اهم شي ينفش     و راح اتبع الخطوات بالضبط ان شاء الله بس الزيدة بضيفها لمن الشوكولا تدوب او قبل و كم بتكون كمية الزبدة مقارنة مع الشوكولا    بالنسبة للفرن مو ضروري بالاخير شغلو من فوق صح يعني بيستوي بلا ما شغلو من فوق بعد ما يستوي من تحت      قلتيلي من قبل على قالب حفظ الكاتو بس انا مو متوفر عندي هلأ فكيف بدي حافظ على هالكاتو ل 3 او 4 ايام و يظلو كانو جديد     بعتزر على اسئلتي لكتيرة بكل محل عم تلاقيني    الله يوفقك و يسهل دربك يا رب    سلام

12  الكاتب سارونات, on 26-07-2008 22:33 السلام عليكم و رحمةالله و بركاته  اختي مني بعرف اني زودتا كتير و كل يوم اطلع بسؤال جديد شكلك راح تقتليني و ما حد راح يلومك بس شو اعمل   اخر سؤال عندي -- ان شاء الله -- انا خايفة من انو الصينية اللي عندي مو مرتفعة كتير يعني هل هالشي راح يؤثر على ارتفاع الكيك او انه راح يرتفع فوق سطح الصينية و ينفش   و الله يوفقك و يسهل دربك   انا راح جربا ان شاء الله بكل الاحوال بس ازا جاوتيني قبل راح كون مرتاحة اكتر  سلام

13  الكاتب سارونات, on 30-07-2008 17:44 السلام عليكم و رحمة الله و بركاته  كل مرة قول ان كل شي تمام و راح جهز المقادير تجربا و بجي شوف الورقة اللي كتبت فيها الوصفة و بقراها و كل مرة بطلع بسؤال جديد الله يخليكي تسامحيني اختي منى انا بعرف ان التفاصيل لصغيرة كتير مهمة و بتأثر سؤالي هو قلتي يضاف الحليب و الزبدة و بعدين الطحين و يحرك بخفة ما قلتي يخفق يعني قصدك نستعمل ملعقة خشبية او عادية و ما نستعمل الخلاط الكهربائي اليدوي في هالمرحلة الله يخليكي توضحيلي   بالتوفيق سلام

14  الكاتب منى, on 31-07-2008 18:05 هلا سارونات   الشوكولا بتحطيها مع الزبدة و بتدوبي الاتنين مع بعض و الكمية تقريباً كل مكعبيين من الشوكولا ملعقة صغيرة من الزبدة , بس هل المقدار تقريبي يعني هلا مو متذكرة على الظبط     بيستوي وجه الكاتو من دون ما تشعلي الفرن من فوق و كمان حسب فرنك , يعني لما بتعملي كاتو عادي كيف بتعملي , لان كل ست بيت بتفهم على فرنها , بالنسبة الي ما بشعله من فوق و فيك تحفظي الكاتو بأنك تغطيه بورق ألمنيوم أو ورق زبدة بشكل محكم لحتى يبقى طازة و لذيذ ..    بالنسبة لارتفاع القالب لحتى نخلص من هل المشكلة انا قست القالب الي بستعمله و طلع معي بسعة 10 كوب على التمام , شفة شفة , هلا فيك تستهملي اي قالب يكون بنفس السعة تمام لحتى ما يطلع الكيك برة القالب و سماكة بقى حسب ارتفاع القالب عندك , لما بيكون عالي رح يطلع شكل القالب نافش    أخر سؤال عن الخفق نخفق البيض و السكر بالخفاقة الكهربائية أما لما منضيف الطحين و الحليب لازم يكون التقليب بملعقة خشب لحتى ما يطلع الهوا برة المزيج       اسمحيلي سارونات , أتمنى أن تجربي وصفة الكيك بالاول بشكل سادة و بعدها تحاولي تجربيه بالحشوة لان هل الوصفة مو سهلة     اي سؤال تاني من عيوني حبيبتي انا بالخدمة و تحت الامر

15  الكاتب سارونات, on 02-08-2008 19:22 السلام عليكم و رحمة الله و بركاته تسلميلي يا اختي منىلا الله لا يحرمني منك بعرف اديشني معزبتك معي بس ان شاء الله ربنا يجازيك الاجر و الثواب انا اللي عجبني فيها هو الحشوة و النفش 0 بتعرفي كل مرة بيطلعلي سؤال جديدلو كان لقاء صحفي عن الكيكة كانت الاسئلة خلصت من زمان شو بتعملي هلء ما راح يصير شي لنص للعجينةالثاني لمن راح نخليها لاكثر من عشرين دقيقة برا الفرن يعني منحطا بالبراد او منغلفا بكيس و ان شاء الله يا رب يكون اخر سؤال و اعملا للكيكة و تضبط و ما راح اطرح اسئلة الا بعد ما جربا  سلامو سامحيني عالازعاج

16  الكاتب منى, on 02-08-2008 20:11 مسا الخيرات و الليرات و النفشات و الحشواات     و لا يهمك حبيبتي , الحشوة منتركها من دون براد و لا شي و لا غطاء , منتركها عم تستنى النص الاول ليصير

17  صباح الشوكولاو المكسرات الكاتب souha, on 15-11-2008 09:28 السلام عليكم و رحمة الله الله يبارك فيك على هاوصفات الظريفة كنت عم دور على وصفة تطلع شبه كاتو بيتي كروكر بس سؤالي إذا عملت الكيكة بدون حشوة أي درجة حرارة بدي إستعمل ؟و أديش المدة في الفرن؟عفكرة من كم يوم جربت السويسرول و نجحت

18  الكاتب منى, on 15-11-2008 11:08 هنا و الف عافية على السويسرول و ريتو مطرح ما سرى مرى     درجة الحراة 180 درجة و بياخد تقريباً من 45 د لحتى ساعة كاملة و هادا حسب فرنك , و على الرف الوسط أكيد

19  الكاتب ام عمر, on 22-01-2009 16:38 السلام عليكم اخت منى   جربا كيكتك اليوم   قام ما طلعت نفس صورتك طالعتها من القالب انقسمت وصارت حالتي حالة   ليستة اسئلتي هي   [LIST]ليش بنستعمل ورق زبدة ليش مو متل الكيك العادي طجين وزبدة وصلى الله وبارك ,,,,    طيب ليش ندهن كمان بعد ما نحط ورق الزبدة ؟؟؟  على فكرة جلطتني حط ورق وخاصة انو ما ظبط بقالب المدور

20  الكاتب منى, on 22-01-2009 19:16 استعمل ورق الزبدة لحتى ما تنقسم و تصير حالتنا حالة   لان الحشوة رح تلبزق بجوانب القالب و اذا ما في ورق ما رح تطلع من القالب و كمان الدهن مرة تانية لحتى ما يفكر القاب مجرد تفكير ان يلزق , الصراحة انا هيك بتطلع معي احسن الشي    تكرم يونك رح حطلك طريقة وضع ورق الزبدة بالقالب المدور لتشوفي ما اسهلها

22  الكاتب منى, on 23-01-2009 07:00 الله يجيرنا شو الابن الغير شرعي الله يسترك , الحمد لله ان الطعم عجبك و ريتو عوافي و هل المرة اذا ما زبط المرة التانية رح يزبط أكيد باذن الله     الزبدة حسب القالب من 200 ل 225 غ

23  الكاتب ام عمر, on 23-01-2009 08:21 يجزيكي كل خير يا اخت منى   منشان الله لا تنسي تحطي الطريقة تبع ورق الزبدة ؟؟؟؟؟  وطلب اخير بكل وصفة يا ربت تحطي مقدار الزبدة بالغرام لو سمحتي يا قمر  والف شكر على هالموقع الروعةةةةة

24  الكاتب منى, on 23-01-2009 10:23 تكرم عيونك ام عمر , أول ما أحضر كيك رح صور طريقة تغليفه بالورق خطوة خطوة ان شاء الله و , الزبدة ان شاء الله ما انسى اكتب كل مرة مقدارها     نورتي اختي

26  الكاتب منى, on 06-03-2009 06:23 هلا اختي   لا انا كاتبتها بزبدة من اول الشي هيك بذكر   الزبدة رح تكون طرية كتير و ممكن تكون شوي سائلة و رح تندمج عادي بالخفق     ان شاء الله تشتري غير هلالصينية و تخلصي من مشاكلها و بانتظار تطبيقاتك لوصفات تانية

27  الكاتب سارونات, on 07-03-2009 11:24 السلام عليكم و رحمة الله و بركاته    ان شاء الله  و الله ما بعرف كيف غلطت و كتبتها زيت بدال زبدة مع اني عطول بتأكد منيح من الوصفة بعد ما اكتبها يلا ما صار شي ليكنا اكتسبنا معلومة جديدة و هي انهابتنفع بزيت كمان و بتطلع كتير طيبة     بس اختي منى انا ما نفشت معي هالقد متل الصورة يعني طلعت قد نص اللي عندك مع ان الصينية اللي ساويتها فيها صغيرة بقياس 22 سم و الفرن محمى منيح و كل شي يا ترى شو السبب     بالتوفيق  سلام

28  الكاتب منى, on 07-03-2009 13:12 اختي الصينية الي مستعملتها حرفها عريض كتيرلهيك عم تبين و كانها نافشة زيادة     هنا و عافية على الكيك و عموما كل كيكات الشوكولا أو البهارات ممكن تستبدلي الزبدة بالزيت

29  الكاتب رنا, on 04-04-2009 22:15 هلأ صار دور هالكيك لاحكيلك شو صار معي   ياستي وقت شفت هالكاتو كتييير اشتهيت جربه وبالفعل قررت ونفذت وجبت هالبندقات على هالشوكولاتات وقلت لنبلش ساويت كل شي واكتر شي تعذبت بتغليف القالب لانه استخدمت قالب من يلي بينفك قال شو لانه حرفه عريض ...المهم ياستي هلكت فيه لانه بده شغل زيادة عن الكاتو العادي وكلهن استغربوا شلون رح ضيف كاتو فوق كاتو واحشيه يعني الفكرة غريبة نوعا ماااا كل شي زبط معي وطلع تمام بس حسيت الطبقة الفوقانية مانفشت متل التحتانية هلأ هو اجمالا ماعجن واستوى منيح كمان بس انا الغلطة اللي عملتها انه استعملت القالب يلي بينفك حسيت تسربت شوي الحشوة لتحت لهون ماشي الحال بس المقلب اللي اكلته انه استعملت بندق من الفريزر والظاهر صارله زمان وانا مادقته وطلعت طعمته مغييرة وشبه منزوووعة قام ماطلع كتير طيب بس على بالي ارجع جربه بكرا بس باللوز هالمرة ادعيلي يزبط   بس السؤال انه هل بتشوفي الاخطاء اللي عملتها اثرت عليه انه ماكتير نفش يعني انا كنت ناوية جربه بلا حشي قولتك احشيه هالمرة ولا بلا   دووووختك معي ياترى هلأ باي وصفة رح تلاقيني ياحزرك ؟؟

31  الكاتب رنا, on 26-04-2009 07:36 اول مرة حشيته ياعزيزتي بس كان القالب الي بينفك تسربت شوي الحشوة بس انا مغلفته بورق زبدة مشان هيك مااثر بس يلي نزعه البندق لانه كانت طعمته منزوعة ...بس هو ك كاتو ناجح ونافش وع اصله ...  بس تاني مرة انتقمت من البندق وجربته باللوز وعن جد اللوز مع الكراميل كانت طعمته طيبة كتير بس انا توسوست من الحشي قام ساويته هالمرة بلا حشي الحشوة الي قلتي عليها غلفته فيها وطلع رااااائع وخفيف وهي صورته

32  الكاتب منى, on 26-04-2009 07:41 يا حلاوة الدنيا يا حلاااوة   يا هيك الصباحات اما بلا , شي بيشهي و ناهي و يمي     انا هل الكيك المعتمد عندي للشوكولا , من زمان كتير , ريتو عافية و الف هنا و صحة يا رب     ان شاء الله تشجعي المرة التانية تجربيه بالحشوة و باذن الله رح يعجبك كتير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved