مناقيش أو فطاير الفليفلة , مناقيش لذيذة و تنفع لعشاء سريع ..

يستخدم دبس الفليلفة  في تحضير الخطلة و يمكن استعمال مزيج من دبس الفليفلة و رب البندورة الجاهز إذا كانت الدبس فليفلة حرّة بشكل زائد .

نفس العجينة تستعمل لتحضير مناقيش الزعتر و لخلطة الزعتر يخلط زعتر المناقيش مع ما يكفي من زيت الزيتون ثم يمد على العجينة المجهزة ..


بالصحة و الهنا .

3 كوب طحين
ملعقة صغيرة ملح
ملعقة كبيرة سكر
ملعقة صغيرة خميرة فورية
ربع كوب زيت عادي
كوب و ربع ماء حار

- خلطة الفليلفة :

5 ملعقة كبيرة دبس فليفلة
ربع إلى نصف كوب زيت زيتون
نصف ملعقة صغيرة كمون
نصف ملعقة صغيرة زعتر أخضر
ملعقة صغيرة فليفلة حمراء ناعمة
ملعقة كبيرة من الزعتر الذي يستعمل للمناقيش
رشة حبة البركة ( اختياري )

·          تمزج مواد خلطة الفليفلة و توضع جانباً و يضاف زيت الزيتون حتى تتكون لدينا خلطة قابلة للمد .
 

·          يوضع كوبان من الطحين مع بقية المواد في محضرة الطعام و يمزج الكل لمدة ربع ساعة , هذه المرحلة هدفها الحصول على عجينة طرية .

·          يضاف باقي الطحين بالتدريج و تدعك العجينة حتى الحصول على عجينة ناعمة و طرية , قد تحتاجين للمزيد من الطحين و ذلك حسب نوعية الطحين و حرارة الجو .

·          تغطى العجينة و تترك حتى يتضاعف حجمها ثم تقطع إلى كرات بحجم البيضة الصغيرة و ترش طاولة العمل بالطحين ثم ترق إلى دوائر رقيقة باستعمال الشوبك .

·          يحمى الفرن إلى درجة حرارة عالية جداً 250 درجة مئوية و ذلك كي تبقى المناقيش طرية .

·          تنقل الدوائر إلى صاج فرن كبير و تدهن خلطة الفليفلة عليها ثم تخبز المناقيش في الفرن الحار لمدة 5 دقائق تقريباً حتى تنضج .

تعليقات (15)

2  الكاتب منى, on 21-06-2007 21:58 مية اهلا و سهلا فيك   و الله الموقع نور من جديد بردك ليندا     الله يبعت الخير بكل مكان ,   ما في أحلى من المطر     ان شاء الله تجربيها بعد ما يصحى الجو و رح تعجبك اكيد باذن الله ..    و اي سؤال تاني انا بخدمتك     هلأ تصبحي على خير

3  كتييييييييير طيبة الكاتب بدور, on 05-09-2007 11:26 السلام عليكم و رحمة الله:  جربتا و حبيت اتشكرك عليها كتير كتير طيبة يسلمو على هالوصفات الحلوة و على فكرة هي اول مرة بحياتي بعمل عجينة بس الحمدلله ظبطت و حبوها اهلي كتير شكرا ميمو الحلوة

4  الكاتب منى, on 05-09-2007 13:18 ان شاء الله عوافي و هنا و صحة يا رب     الله يجبر بخاطرك و تسلمي بدور على تجربتك وصفاتي     مية أهلا و سهلا

6  الكاتب منى, on 21-05-2008 17:28 هنا و هنونة يا رب على قلبك , كتير كتير انبسطت ان قدرت رجعلك ريحة الشام و لو للمحة بسيطة , ان شاء الله تزوريها قريب , بس مو بالصيف     انا متلك بموت على دبس الفليلفة , و باستخدمه مع السلطة و الطبخ و غيررره و غيراته , على قولة اولادي , ماما بس الكاتو ما بتحط عليه فليلفة     يا ترى جبتيه جاهز و الا حضرتيه على ايدك ؟    الله يسلمك ليندا سعيدة كتير بثقتك فيني و الله يديم المحبة و المعروف

8  الكاتب منى, on 28-05-2008 19:55 ييييي الله يهنيكم ببعض يا رب , هيك فرحتك ما بتعطيها لحدى     المهم انه صار عندك , نم نمممي ..      هنا و عوافي على المجدرة لنوشة , خليلي عينك شو بيلهف قلبي بس ما شفت اسمك

9  كيف بتصير طريه الكاتب ام احمد الغالي, on 19-02-2009 21:26 يسلمو كتير على الوصفه  زوجي كتير بيحبى  وانا مرة جربت متل هالوصفه  بس طلعو الناقيش يابسين ومرقمدين   في وصفه بشان تطلع طريه  ويسلمو كتير على اهالوصفات الطيبه

10  الكاتب منى, on 21-02-2009 12:14 هلا اختي ام احمد     ربي يبارك في احمد و يحفظه من كل سوء و شر و يكون قرة عين الك و لابوه     اختي جربي هل الوصفة بتفاصيلها متل درجة الحرارة و التخمير و ان شاء الله رح تعجبك

12  الكاتب منى, on 14-08-2009 11:45 هو الزعتر الي مناكله مع الزيت و نلفه عروسة و هو غير الزعتر الاخضر     ان شاء الله تجربيه و يكون متل ما بتحبي و اطيب

13  الكاتب gsm, on 09-03-2010 19:40 سلام عليكم منى انا لما شفت هل الوصفة مدري ليش فرط ريقي عليها بس بدي اسالك   انا عندي دبس فليفة صاير بيشبه دبس البندورة يعني عندي ياه جاهز وهو كتيير حد عم افكر اخلطه مع دبس البندورة لحتى اخفف حداديته بس المشكلة إنو الدبس صاير متل المعجون مو متل الدبس تبع شغل البيت يلي بنعمله المشكلة هون مستحيل تلاقي فليفة حدة ومافي أبدا شمس عندنا ونزلتي على حلب مطولة كتيييييييييييييييير بقى شو رايك أجرب هل الأكلة بالدبس يللي عندي قولك بيمشي الحال

14  الكاتب منى, on 09-03-2010 23:29 جربيه , ليش لا , و اذا حد كتير خلطيه مع معجون الطماطم بيخفف الحدادية و طعمته طيبة

15  الكاتب larooo, on 21-12-2010 17:05 كيفك منمون ؟؟ شو قصدك بمحضرة الطعام ؟؟  ماكينة العجينة اللي بشوفها بالتلفزيون ولا شغلة تانية ؟؟   وبيمشي الحال اعجنها بلا ماكينة اساسا ولا العاجينة قاسية ؟؟

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved