التبولة من ألذ سلطات المطبخ الشامي و الكثير من ستات البيوت تحضرها من دون أن تعرف أهم سريين للتبولة اللذيذة  .

أول سر هو نقع البرغل بعصير الليمون مما يعطيه طعماً لذيذاً و يجعل التبولة حامضة من دون أن تكون سوائلها كثيرة ..

و السر التاني هو اضافة بشر الليمون الناعم , و هو الذي يعطي كل الفرق بين التبولة المميزة و التبولة العادية .


يمكن تقديم التبولة بطريقة جميلة و ذلك بافراغ قلب ملفوفة حتى يصبح شكلها مثل وعاء عميق ثم تسكب بها التبولة و تؤكل بأوراق الملفوف و يمكن أن تقدم كما في الصورة بأنصاف حبات الليمون فتفتح الشهية و تشبع الحواس كلها ...



بالصحة و الهنا .

3 باقة بقدونس
نصف باقة نعناع
3 حبة بندورة
بصلة متوسطة الحجم أو حبتان بصل أخضر
نصف كوب زيت زيتون
نصف كوب برغل ناعم
بشر و عصير ليمونتان
نصف ملعقة صغيرة فليفلة حمراء ناعمة
ربع ملعقة قرفة
رشة بهار
ملح

شرحات ليمون و قلب خسة للتزيين

·          يفسل البرغل مرتان أو ثلاثة ثم يوضع في وعاء صغير و يضاف له عصير الليمون و بشر الليمون الناعم  و نصف البهارات و الملح  ثم يترك البرغل لينقع لمدة ساعة تقريباً .

·          يفرم البقدونس و النعناع و البندورة و البصل فرماً ناعماً جداً جداً ثم يدعك البصل بباقي البهارات و الملح .

·          يخلط البقدونس و النعناع و البندورة و البصل و مزيج البرغل و زيت الزيتون ثم تسكب التبولة في طبق التقديم و تزيين بشرحات ليمون و قلب خسة .

تعليقات (10)

2  الكاتب منى, on 06-02-2008 13:18 ان شاء الله أختي و أكيدة انك رح تحبيها كتيررر إذا الله راد

3  الكاتب روح الجمان, on 05-05-2009 18:53 طريقة حلوة كثير وكنت أحب أشيد بنقطتين ..   الأولى : التزيين الرائع للأطباق عن جد فوق الروعة أنا مجنونة تزيين وأحب جدا جدا التفنن في تقديم مأكولاتي وخاصة تزيين الطعام بالطعام ومع الوقت صرت سريعة بفضل الله   فعلا ذوقك عال جدا جدا ولك نظرة فنية كتير حلوة وشغلك مبين انه متعوب عليه فجزاكِ الله خيرا وربي يبارك فيك ويزيدك ويا ريت لو تضمين قسم للموقع الرائع للتزيين هيك تفيدنا ويمكن ربي ييسر ونفيد أيضا بس الطماعين بدهم يستفيدوا أول     ثاني شي : الدقة في كتابة وشرح خطوات العمل جد جد رائعة ومفيدة كم من كتب ومواقع الواحد يطل عليها ويغلق ولا يستفيد .. وخاصة انك تذكرين الأسرار اللي ممكن تفيد الأطباق والوصفات هنا بتخلين الواحد يضع يده على أسرار النكهة والطعم الغير وأكيد ممكن يبدع   جزاكِ الله خيرا   آه .. ( ايش جمان انت ثرثارة كثير ) التصوير فوق الممتاز وأكثر من رائع .. بدنا دروس وفضولنا يسأل ما هو نوع كاميرتك ؟  والسموحة

4  الكاتب منى, on 07-05-2009 11:35 هلا جمان   هادا بس من زووءك و لطفك و انا كتير انبسطت بردك , يمكن أول واحدة تنتبه لقصة التزيين , او بالاحرى تعبر عنها و كلمة التزيين بالطعام هي كماااان هوايتي لان أحلى و أفيد تزيين و كمان أضيف للتزيين بالطعام التزيين بالورود لان بحبه كتير و بحسه زينة مناسبة للأطباق .  تكرم عيونك الحلوة , ان شاء الله احاول أجمع طرق تزيين و أنزلها بقسم مستقل , فكرة جميلة جدا , ربي يسر و انفذها قريب و اكيد اكيد الي الشرف ان تشاركي     قصةالاسرار الي بذكرها هي من الملاحظات الي يمكن المتمكنات بالطبخ ما يعيروها اي انتباه , بس بالنسبة الي هي الي تجلب انتباهي لان هي الفرق بنجاح الوصفة أو لا ..    جمان الردود الطويلة دائما دليل اهتمام و انا بحبها كتير و بتهمني كتير , الكاميرا الي استعملها كاميرا canon G9 كاميرا منيحة كتير و على قد امكاناتي و اتمنى بيوم ان يصح الي و اتمكن من أخد دروس عن التصوير لان كل ما تعلمته هو عن طريق الصح و الغلط و التجربة , بس كمان أهم نقطة اتوصلت الها هو الاضاءة و على اعتبار ان ما عندي امكانيات المصوريين المحترفيين فاكتشفت ان الاضاءة الطبيعية هي السر , و بنفس كاميرتي الصور الي باخدها في اضاءة داخل البيت بتكون صور عادية , و سر تاني هو طريقة التقديم , هلا صرت عم حب الصور المعقدة و أقصد فيها ان مو مجرد طبق و فيه الوصفة , اكتشفت ان أحلى طريقة لتقديم الطبق هو نفس الطريقة الي بتحبي تاكلييه فيها , يعني بعد ما اجهز سفرتي كاملة من طبق رئيسي و ما يرافقه من سلطات و رز و مخلل , اصور و بتطلع الصور واقعية و بتشهي الواحد يمد ايده و باخدله شي لقمة     حكيت كتير ان شاء الله يكون ردي شافي و وافي و اي سؤال تاني بالخدمة أختي

5  الكاتب Eman, on 22-01-2010 18:47 هذا تطبيقي المتواضع جنب تطبيقك الرائع     طلعت عالقافية الله يعطيك العافية   [/img]

7  الكاتب reema, on 25-02-2010 12:42   أرجوك يا ست منى..أنتظر الجواب

8  الكاتب منى, on 25-02-2010 15:28 هلا ريما   كلامك مزبوط , ممكن يكون مر بالاكل بس هل الحكي لما ما بيكون بوقته او ما يكون مستوي منيح , بكل الاحوال لحتى تتاكدي فيكي تبشري و تدوقي قبل ما تضيفيه على ايا شي .  بتعرفي بشر الليمون عندي اساس لايا صوص سلطة بيعطيها نكهة مو معقولة

10  الكاتب منى, on 25-02-2010 23:34 الله يسلمك اختي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved