L2ma.com | لقمة طيبة | L2ma.com | لقمة طيبة | دجاج كباب | الدجاج, كبيرة, مكعبات, · , على | L2ma.com

القائمة الرئيسية

دجاج كباب

الكاتب/ منى

19/06/2007

من المطبخ الهندي وصفة لذيذة كتيرررر و سهلة و منظرها يلفت نظر الكل . مكعبات من صدور الدجاج منقوعة باللبن و البهارت تقدم مع الأرز الأصفر ,, مم لذيذة .

ملاحظة صغيرة لما بدنا نستخدم الأعواد الخشبية لازم مننقعها بالمي الباردة لمدة ساعة على الأقل حتى ما تحترق وقت الشوي .

بالصحة و الهنا .

4 قطع صدور دجاج
حبة كبيرة بصل
1 – 2 فص ثوم
رشة فلفل أسود
ملعقة كبيرة ملح
ملعقة كبيرة كاري
ملعقة صغيرة فليفلة حمراء ناعمة
نصف ملعقة صغيرة كزبرة ناعمة
بشر برتقالة أو بشر ليمون ناعمة
2 ملعقة كبيرة لبن
3 ملعقة كبيرة عصير ليمون
3 ملعقة كبيرة زيت زيتون

·          يقطع الدجاج مكعبات , يهرس الثوم و بفرم الصل ناعماً ثم يدعك بالملح و الفلفل .

·          يمزج اللبن و البصل و عصير الليمون و زيت الزيتون و بشر البرتقال و الثوم المهروس و الفليفلة الحمرا الناعمة و الكاري و الملح ثم يغطى الوعاء بغطاء نايلون محكم و ينقع الدجاج بهذه التتبيلة طول الليل .

·          تشك مكعبات الدجاج بالأسياخ أو الأعواد الخشبية ثم تشوى على الفحم أو على الشواية بعد دهنها بالزيت و تقلب على الطرفين حتى تنضج .

·          يقدم الدجاج كباب ساخناً مع الأرز البسمتي الأصفر بالبهارات .

تنويعات و اضافات :

·          يمكن استخدام مكعبات بطاطا للوصفة كاضافة لذيذة جداً , تقشر البطاطا ثم تقطع لمكعبات بنفس حجم الدجاج ثم تنقع مع الدجاج بنفس التتبيلة و تشك بالسيخ بالتناوب مع مكعبات الدجاج ثم يتابع اعداد الوصفة كالسابق .

أضافة إلى المفضلة (2) |

أقتباس | مشاهدات : 6336

تعليقات (13)

1 اختي سؤال
الكاتب هوايتي الطبخ, on 20-04-2008 05:29
اريد ان اسألك اخت مني هل ادهن الثوم والبصل بالملح والفلفل ام ادهن الدجاج بالملح والفلفل؟
وشكراوياريت تضيفيلنا وصفات من المطبخ الهندي والصيني لاني بحبو

2 الكاتب منى, on 20-04-2008 15:54
هلا فيك يا عسل

البصل و الثوم بتفركيهم مع البهار و الملح لحتى يطلعوا عصاراتهم و و نكهتهم , رح نزل وصفات ان شاء الله , و اكيد بيعجبوك

3 الف مره شكرا
الكاتب هوايتي الطبخ, on 21-04-2008 10:39
اختي الغاليه مني
لا اعرف كيف اعبر لك عن مدي سعادتي لنجاح الوصفه فأنا حقا من عشاق المطبخ الهندي واليوم عملت دجاج الكباب الهندي وطلع لذيذجدا

وعجب اولادي بس ابغا اسئلك سؤال ؟
دجاج الكباب طلع معايا لونو برتقالي انا حطيب بشر برتقاله كبيره كامله هل لازم اخفف من بشر البرتقاله اقصد من كميتها او استبدل بشر البرتقال ببشر ليمون وايهما الذ؟
لان صورة الدجاج الي عندك لون الدجاج فيها ابيض اما انا طلع اللون شويه فيه برتقالي فما هو السبب وكيف اخلي لون دجاجي زي الي عندك في الصوره؟
سامحيني كتير علي الاسئله الكتيره دي بس لاني بحاول اتعلم اشياء جديده ارضي بيها زوجي

4 الكاتب منى, on 21-04-2008 12:35
هلا فيك أختي

بالاول هنا و صحة و عوافي على قلبك و قلب الاولاد و قلب زوجك

اختي الكمية الي استعملتيهامن بشر البرتقال منيحة و إذا بتحبي يكون اللون أكشف فيمكن أن لا تستعملي البشر , مع انه يضيف نكهة لذيذة للدجاج ..
بشر الليمون ما استعملته و لا مرة مع هل الوصفة بس اتوقع ان يكون الطعم لذيذ

انا كتيرر مبسوطة أختي فيك و باسئلتك , أي سؤال تاني من عيوني أختي

5 الكاتب سارونات, on 15-10-2008 20:25
لسلام عليكم و رحمة الله و بركاته
اختي منى جازاك الله خيرا و جعله في ميزان حسناتك
الوصفة مبينتها طيبة و نصيحة الاعواد الخشبية كتير مهمة الحمد لله قلتيلنا عنها
المواد متوفرة عندي ما عدا الكاري بعرف انو ضروري بالاكل الهندي بس هل في مجال استغني عنو تطلع طيبة او حط بدالو شي
و عندي كمان سؤال عرفت انو الكاري ممكن ينعمل في البيت و لقيت المكونات بس حبيت اسألك ازا مجربتيه
بالتوفيق
سلام

6 الكاتب منى, on 16-10-2008 05:38
لا اختي الكاري اساسي و قد ما حطيتي بهارات بيبقى الكاري نكهته غير :zzz

, جربت كتير وصفات للكاري بس ما طلع متل الجاهز , لهيك ما نزلت اله وصفة , بس ما مليت من التجربة و كل ما بلاقي وصفة منيحة برجع بجربها :roll

7 الكاتب ام سيمى, on 25-02-2009 11:32
السلام عليكم
احببت ان اشكرك لاني كل ما جربت وصفة من وصفاتك كانت ولا الذ
وعلى فكرة الان كل صديقاتي هنا في فرنسا يجربون وصفاتك

8 الكاتب سارونات, on 22-04-2009 14:35
السلام عليكم و رحمة الله و بركاته

اختي منى طيب فينا نستبدل الكاري بالغرام ماسالا لان اليوم ساويت الغرام ماسالا حسب طريقتك و عم دور على وصفات تحتى استعملو

كمان سؤال بالنسبة للوصفات اللي بالموقع هل ممكن دائما نستبدل الكاري بالغرام ماسالا او لا و اذا ممكن يا ريت تقوليلي على هالوصفات مشان جربهم

بالتوفيق
سلام

9 الكاتب منى, on 23-04-2009 07:40
هلا ام سيمى

عافية و ها و صحة على كل لقمة و كل وصفة و مية هلا فيك و بكل رفقاتك :zzz

هلا سارونات

اختي كل شي اله شي , هل الوصفة بدها كاري و انا مومجربتها الا فيه

و الكاري و الغرام ماسالا مو بديل بعضهم البعض و كان في وصفة واحدة نستبدل فيها الكاري بالغرام ماسالا بس ما بقى اذكر شو هي :roll

10 الكاتب سارونات, on 28-08-2009 23:57
السلام عليكم و رحمة الله و بركاته

و اخيرا اشتريت كاري :grin

و شو فرحانة فيه و ان شاء الله هلأ بدي جرب الوصفات اللي يدخل في مكوناتها و عقبال ما نلاقي طريقة تحضيره في البيت مثل الغرام ماسالا
منوووش خبريني اذا فيني ساوي هالوصفة بالفرن بدي اسأل هل ممكن نساوي كل شي و نحطهم في الاسياخ الخشبية و كل شي بش بالفرن بينفع او لا يا ريت اذا بينفع تخبريني كيف لان عجبتني الوصفة كتير و عبالي جربها قريبا ان شاء الله و بدي اسأل اذا بتعرفي شي طريقة تانية كمان لعمل اسياخ دجاج مشوي

بالتوفيق
سلام

11 الكاتب سارونات, on 23-09-2009 21:24
السلام عليكم ورحمة الله و بركاته

منووووش عيد مبارك عليك و على كل اللي بالموقع و كل الاخوة و الاخوات المسلمين اعاده الله علينا و عليكم بالخير و البركات

انا ناطرتك تجاوبيني على الاسئلة لما تقدري

بالتوفيق
سلام

12 الكاتب منى, on 02-10-2009 08:37
ممكن تشوها في الفرن , بس لحتى ما تصير ناشفة ممكن تغطيها , بكل الاحوال انا مو مجربة , بقى ما فيني فيدك على التمام :roll

تكرم عيونك اختي , ايا وضفات تانية اكيد رح ضيفها اول باول

13 yammy
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 27-01-2011 07:28
السلام عليكم ورحمة الله وبركاته

امبارح عملت هالأكلة، يااااااااااه أول مرة بدوق هيك الفروج بيدووووب بالتم، والنكهة الطيبة من البهارات. عملتو على نصيحتك مينو

حطيت بطاطايات بيناتون.
هلئ الوجبة الأولى عملتها بالفرن وشغلت الشواية بس كم دقيقة بالأخير، ما جهزت البطاطا.
الوجبة التانية حطيتها بس grill ، طلعت بتجننننن.
رح عيدها أكيد :zzz

.
عجب إذا حطيت لحمة بتطلع ؟ :roll

الله يجزيكِ الخير منوش

والسلام عليكم ورحمة الله

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 28/09/2010 )

< السابق

[ عودة ]

القائمة الرئيسية

من المطبخ الهندي وصفة لذيذة كتيرررر و سهلة و منظرها يلفت نظر الكل . مكعبات من صدور الدجاج منقوعة باللبن و البهارت تقدم مع الأرز الأصفر ,, مم لذيذة .

ملاحظة صغيرة لما بدنا نستخدم الأعواد الخشبية لازم مننقعها بالمي الباردة لمدة ساعة على الأقل حتى ما تحترق وقت الشوي . بالصحة و الهنا .

· يقطع الدجاج مكعبات , يهرس الثوم و بفرم الصل ناعماً ثم يدعك بالملح و الفلفل .

· تشك مكعبات الدجاج بالأسياخ أو الأعواد الخشبية ثم تشوى على الفحم أو على الشواية بعد دهنها بالزيت و تقلب على الطرفين حتى تنضج .

· يقدم الدجاج كباب ساخناً مع الأرز البسمتي الأصفر بالبهارات .

تنويعات و اضافات :

ملاحظة صغيرة لما بدنا نستخدم الأعواد الخشبية لازم مننقعها بالمي الباردة لمدة ساعة على الأقل حتى ما تحترق وقت الشوي .

بالصحة و الهنا .